താരന് മാറ്റാന് ഇതിലും മികച്ച വഴി വേറെയില്ല... മുടിയുടെ നീളവും കൂട്ടാം..! ഓറഞ്ച് തൊലിയുടെ പവറേ
ശീതകാല സൂപ്പര്ഫുഡുകളില് ഏറ്റവും പ്രിയപ്പെട്ടതും പോഷകപ്രദവുമായ ഒന്നാണ് ഓറഞ്ച്. ജലാംശം നിറഞ്ഞതിനാല് നിര്ജ്ജലീകരണത്തെ ഫലപ്രദമായി തടയാനും ഓറഞ്ചുകള്ക്കാവും. എന്നാല് ഓറഞ്ച് ആസ്വദിച്ച ശേഷം നിങ്ങള് വലിച്ചെറിയുന്ന അവയുടെ തൊലി എത്രത്തോളം ഉപകാരപ്രദമാണ് എന്ന് നിങ്ങള്ക്ക് അറിയാമോ? നല്ല ചര്മ്മത്തിനും മുടിക്കും അഭൂതപൂര്വമായ ഗുണങ്ങളാണ് ഇവ വാഗ്ദാനം ചെയ്യുന്നത്.
ഓറഞ്ചിലും അതിന്റെ തൊലിയിലും വിറ്റാമിന് സി ധാരാളം അടങ്ങിയിട്ടുണ്ട്. കൂടാതെ ഇതിലെ ധാതുക്കളും വിറ്റാമിനുകളും ഒരു ക്ലീനിംഗ് ഏജന്റായി പ്രവര്ത്തിക്കുന്നു. അതുവഴി നിങ്ങളുടെ മിക്കവാറും എല്ലാ മുടി പ്രശ്നങ്ങളും പരിഹരിക്കുകയും ചെയ്യുന്നു. ഓറഞ്ച് ശരിക്കും മുടിയുടെ ആരോഗ്യത്തിന് ദൈവമാണ് എന്ന് പറഞ്ഞാല് തെറ്റില്ല. നിങ്ങളുടെ മുടിയുടെ ആരോഗ്യത്തിന് ഇത് സഹായിക്കുന്നത് എങ്ങനെ എന്ന് നോക്കാം.
ഓറഞ്ച് വിറ്റാമിന് ഇയുടെയും ആന്റിഓക്സിഡന്റുകളുടെയും മികച്ച ഉറവിടമാണ്. ഇത് നിങ്ങളുടെ മുടിക്ക് ആഴത്തിലുള്ള കണ്ടീഷനിംഗ് ഗുണങ്ങള് നല്കുന്നു. കൂടാതെ, ഏത് തരത്തിലുള്ള കേടുപാടുകളില് നിന്നും നിങ്ങളുടെ മുടിയെ സംരക്ഷിക്കാനും അതുവഴി നിങ്ങളുടെ മുടിയിഴകളെ ശക്തിപ്പെടുത്താനും അവ സഹായിക്കുന്നു. ഇതിനായി, നിങ്ങള്ക്ക് ഉണക്കിയ തൊലി പൊടിച്ച് തേനില് കലര്ത്താം. ഈ മിശ്രിതം ഷാംപൂ ചെയ്ത മുടിയില് പുരട്ടി 10 മിനിറ്റിനു ശേഷം കഴുകിക്കളയാം
ശീതകാലത്ത് താരന്ശല്യം പലരിലും കൂടുതലായി അനുഭവപ്പെടാറുണ്ട്. എന്നാല് ഈ പ്രശ്നത്തെ മറികടക്കാന് ഓറഞ്ച് നിങ്ങളെ സഹായിത്തും. ഇതിലെ വിറ്റാമിന് സിയുടെ ഉള്ളടക്കവും ശക്തമായ ശുദ്ധീകരണ ഗുണങ്ങളും തലയോട്ടിയിലെ ചൊറിച്ചിലില് നിന്ന് നിങ്ങളെ മോചിപ്പിക്കുകയും കഠിനമായ താരനെ ചെറുക്കാന് സഹായിക്കുകയും ചെയ്യും. ഇതിന് വേണ്ടി നിങ്ങളുടെ സാധാരണ ഹെയര് ഓയിലില് പൊടിച്ച തൊലി ചേര്ത്ത് നന്നായി മസാജ് ചെയ്യാം.
ഓറഞ്ചില് ആന്റിഓക്സിഡന്റുകളാലും മറ്റ് പോഷകങ്ങളാലും സമ്പുഷ്ടമായതിനാല് മുടി വളര്ച്ച സുഗമമാക്കുന്നതില് അവയ്ക്ക് വലിയ പങ്കുണ്ട്. ആന്റിഓക്സിഡന്റുകള് ഫ്രീ റാഡിക്കലുകളെ പ്രതിരോധിക്കുകയും മുടിയുടെ കേടുപാടുകള് തടയുകയും മുടിയുടെ വളര്ച്ച വര്ദ്ധിപ്പിക്കുകയും ചെയ്യുന്നു. ഓറഞ്ചില് വിറ്റാമിന് ബി 12, വിറ്റാമിന് ഇ എന്നിവയും അടങ്ങിയിട്ടുണ്ട്. ഇത് കേടായ രോമകൂപങ്ങള് നന്നാക്കാന് സഹായിക്കുന്നു.
ശക്തമായ വേരുകള് മുടിയുടെ വളര്ച്ചയെ സുഗമമാക്കുന്നു. ഈ ഗുണങ്ങളെല്ലാം കൂടാതെ, ഓറഞ്ചിന് മിനുസമാര്ന്നതും തിളക്കമുള്ളതും നീളമുള്ളതുമായ മുടി നല്കാനും കഴിയും. ഇത് ഒരു മികച്ച ക്ലെന്സിംഗ് ഏജന്റാണ്. അതിനാല് ഇത് നിങ്ങളുടെ മുടിയെ പോഷിപ്പിക്കുന്നതിനു പുറമേ, നിങ്ങളുടെ മുടിയെ എല്ലാ മാലിന്യങ്ങളില് നിന്നും ശുദ്ധീകരിക്കുകയും അതുവഴി ആരോഗ്യമുള്ള തലയോട്ടിയെ പ്രോത്സാഹിപ്പിക്കുകയും ചെയ്യുന്നു.
ഇത് നിങ്ങളുടെ മുടിയുടെ ഘടന മെച്ചപ്പെടുത്തുകയും തിളക്കമുള്ള രൂപം നല്കുകയും ചെയ്യുന്നു. ഇതിനായി പൊടിച്ച തൊലി ഹെയര് ഓയിലില് കലര്ത്തി അരമണിക്കൂറോളം നേരം പുരട്ടുക. തുടര്ന്ന് തണുത്ത വെള്ളത്തില് കഴുകുക. അതിന് ശേഷം നിങ്ങളുടെ മുടി പതിവുപോലെ ഷാംപൂ ചെയ്ത് കണ്ടീഷന് ചെയ്യാം.
Click it and Unblock the Notifications
Sign in with Google