30 കള്ക്ക് ശേഷം മുടി നരയ്ക്കുന്നോ..? ആ പരാതി ഇനിയുണ്ടാകില്ല.. ഇവ കഴിച്ച് നോക്കൂ
പ്രായമാകുമ്പോള് നമ്മുടെ മുടി ക്രമേണ നരയ്ക്കുന്നത് ഒരു സ്വാഭാവിക പ്രക്രിയയാണ്. എന്നാല് മാറിയ ജീവിതശൈലിയും മോശം മുടിസംരക്ഷണവും കാരണം ഇന്നത്തെ കാലത്ത് 30 കള്ക്ക് ശേഷം പെട്ടെന്ന് മുടിക്ക് നരക്കാറുണ്ട്. ഈ പ്രായങ്ങളില് നമ്മുടെ ശരീരം സ്വാഭാവികമായും പല മാറ്റങ്ങളിലൂടെ കടന്നുപോകുന്നു, അതിനാല് നരച്ച ഒന്നോ രണ്ടോ മുടി കണ്ടാല് കുഴപ്പമില്ല.
എന്നാല് ഒന്നിലധികം നരച്ച മുടി കാണുന്നത് ആശങ്കാജനകം തന്നെയാണ്. പ്രധാനമായും മൂന്ന് പ്രധാന കാരണങ്ങളാണ് മുടി അകാല നരയ്ക്ക് കാരണമാകുന്നത്. ആദ്യത്തേത് അവശ്യ മൈക്രോ ന്യൂട്രിയന്റുകള് ഇല്ലാത്ത ഭക്ഷണമാണ്. ആരോഗ്യമുള്ള മുടിക്ക് എല്ലാ വിറ്റാമിനുകളുടെയും പോഷകങ്ങളുടെയും സന്തുലിതാവസ്ഥ ഉപയോഗിച്ച് ഒരാള് അവരുടെ ഭക്ഷണത്തെ സമ്പുഷ്ടമാക്കണം. അമിതമായ സൂര്യപ്രകാശവും സമ്മര്ദ്ദവും അകാല നരയ്ക്ക് കാരണമാകാറുണ്ട്.
മുടിയുടെ അകാല നര കുറയ്ക്കാന് സഹായിക്കുന്ന ചില ഭക്ഷണങ്ങള് ഉണ്ട്. അവ ഏതൊക്കെയാണ് എന്നാണ് ഇനി ഇവിടെ പറയാന് പോകുന്നത്. നെല്ലിക്ക നമ്മുടെ ആരോഗ്യത്തിന് നല്കുന്ന അവിശ്വസനീയമായ നേട്ടങ്ങളെക്കുറിച്ച് എല്ലാവര്ക്കും നന്നായി അറിയാം. ഇത് നമ്മുടെ മുടിക്ക് ഗുണം ചെയ്യുമെന്നതില് അതിശയിക്കാനില്ല. വിറ്റാമിന് സിയും ആന്റിഓക്സിഡന്റുകളും ധാരാളമായി അടങ്ങിയിട്ടുള്ളവയാണ് നെല്ലിക്ക.
അതിനാല് രോമകൂപങ്ങളുടെ സ്വാഭാവിക പിഗ്മെന്റേഷന് സംരക്ഷിക്കാന് സഹായിക്കും. അങ്ങനെ നരച്ച മുടി വരാന് കാലതാമസം വരുത്തും. രാവിലെ 15 മില്ലി നെല്ലിക്ക ജ്യൂസ് കഴിക്കുന്നത് നല്ലതാണ്. കരിഞ്ചീരകവും മുടിയുടെ ആരോഗ്യത്തിന് ഉത്തമമാണ്. ഇവ തലയോട്ടിയിലെ രക്തചംക്രമണം ഉത്തേജിപ്പിക്കുകയും ആരോഗ്യകരമായ മുടി വളര്ച്ചയെ പ്രോത്സാഹിപ്പിക്കുകയും ചെയ്യും.
അങ്ങനെ, നരച്ച മുടി ഉണ്ടാകാനുള്ള സാധ്യത ഗണ്യമായി കുറയുന്നു. ഇതിന്റെ ഗുണം ശരിക്ക് ലഭിക്കാന് ചെയ്യേണ്ട ഏറ്റവും നല്ല മാര്ഗം ഒരു മാസ്ക് തയ്യാറാക്കി ആഴ്ചയില് രണ്ടുതവണ നിങ്ങളുടെ തലയില് പുരട്ടുക എന്നതാണ്. കറിവേപ്പില സാധാരണയായി വിഭവങ്ങളുടെ രുചി വര്ധിപ്പിക്കുന്നതുമായി ബന്ധപ്പെട്ടിരിക്കുന്നു. എന്നാല് മുടിയുടെ അകാല നര കുറയ്ക്കാനും ഇവയ്ക്ക് കഴിയും.
രോമകൂപങ്ങളില് മെലാനിന് ഉത്പാദനം പുനഃസ്ഥാപിക്കാന് കറിവേപ്പില സഹായിക്കുന്നു, ഇത് നരയെ മന്ദീഭവിപ്പിക്കും. അതിനാല്, ഈ ഇലകള് നിങ്ങളുടെ ഭക്ഷണത്തില് കഴിയുന്നത്ര ഉള്പ്പെടുത്തുക. ദിവസവും 3-4 കറിവേപ്പില വെറും വയറ്റില് കഴിക്കുന്നതും നല്ലതാണ്. അകാല നര തടയാന് വീറ്റ് ഗ്രാസും കഴിക്കാം. രോമകൂപങ്ങളെ ഉത്തേജിപ്പിക്കാന് ഇത് സഹായിക്കും. അതുവഴി ശക്തമായ മുടിയെ പ്രോത്സാഹിപ്പിക്കും എന്നാണ് വിദഗ്ധര് പറയുന്നത്.
കൂടാതെ, വിഷവസ്തുക്കളെ നീക്കം ചെയ്യാനും ഇത് സഹായിക്കും. നിങ്ങളുടെ മുടിക്ക് മറ്റൊരു സൂപ്പര് ഫുഡ് കറുത്ത എള്ളാണ്. ഈ വിത്തുകള് നിങ്ങളുടെ മുടിയെ ഓക്സിഡേറ്റീവ് സ്ട്രെസില് നിന്ന് സംരക്ഷിക്കുകയും തലയോട്ടിയെ പോഷിപ്പിക്കാന് സഹായിക്കുകയും ചെയ്യുന്നു. ഇവ കഴിക്കുന്നതിലൂടെ മുടി അകാല നരയെ ഒരു പരിധി വരെ തടയാം.
Click it and Unblock the Notifications
Sign in with Google