മുടികൊഴിച്ചിലില് നിരാശരാകേണ്ട; പരിഹാരം നിങ്ങളുടെ അടുക്കളയില് തന്നെയുണ്ട്..!!
ഇന്നത്തെ കാലത്ത് പലരും മുടികൊഴിച്ചില് കൊണ്ട് കഷ്ടപ്പെടുന്നവരാണ്. വിവിധ കാരണങ്ങളാല് മുടികൊഴിച്ചില് സംഭവിക്കും. കഴിക്കുന്ന ഭക്ഷണം, ഉറക്കം, സമ്മര്ദ്ദം എന്നിവയെല്ലാം മുടികൊഴിച്ചിലിന് കാരണമാകും. മുടികൊഴിച്ചില് അകറ്റാന് നിരവധിയായ മാര്ഗങ്ങള് പരീക്ഷിച്ച് പണവും സമയവും നഷ്ടപ്പെടുത്തിയവരാകും നമ്മളില് പലരും.
എന്നാല് മുടികൊഴിച്ചിലിന് വീട്ടില് തന്നെ പരിഹാരമുണ്ട് എന്ന് നിങ്ങളില് പലര്ക്കും അറിയുമായിരിക്കില്ല. അതെ, നമ്മുടെ വീട്ടില് സുലഭമായി ലഭിക്കുന്ന സാധനങ്ങള് നിങ്ങളുടെ മുടി കൊഴിച്ചിലിനെ തടയുകയും മുടി വളര്ച്ചയെ പരിരപോഷിപ്പിക്കുകയും ചെയ്യും. എങ്ങനെയാണ് ഇത് ചെയ്യേണ്ടതും എന്തൊക്കെയാണ് മുടിക്കൊഴിച്ചിലിനുള്ള അടുക്കളയിലെ പരിഹാരങ്ങള് എന്നും നമുക്ക് നോക്കാം.
നമ്മുടെ എല്ലാവരുടേയും വീട്ടില് വെളിച്ചെണ്ണ ഉണ്ടായിരിക്കുമല്ലോ. ചൂടുള്ള വെളിച്ചെണ്ണ നിങ്ങളുടെ തലയോട്ടിയില് മസാജ് ചെയ്യുന്നത് രോമകൂപങ്ങളെ പോഷിപ്പിക്കാനും രോമകൂപങ്ങളെ ശക്തിപ്പെടുത്താനും സഹായിക്കും. കറ്റാര് വാഴയും മുടികൊഴിച്ചില് തടയാന് സഹായിക്കുന്ന ഒരു അസല് ഉപാധിയാണ്. കറ്റാര് വാഴ ജെല് തലയോട്ടിയില് പുരട്ടുന്നത് മുടി വളര്ച്ചയെ പ്രോത്സാഹിപ്പിക്കുകയും മുടി കൊഴിച്ചിലിന് കാരണമായേക്കാവുന്ന വീക്കം കുറയ്ക്കുകയും ചെയ്യും.
സള്ഫര് സമ്പന്നമായ ഉള്ളി നീര് മുടികൊഴിച്ചില് തടഞ്ഞ് മുടി വളര്ച്ച ത്വരിതപ്പെടുത്താന് സഹായിക്കും. രോമകൂപങ്ങളിലേക്കുള്ള രക്തചംക്രമണം മെച്ചപ്പെടുത്താനും രോമകൂപങ്ങളെ ശക്തിപ്പെടുത്താനും ഉള്ളനീര് സഹായിക്കും. മുടിയുടെ ആരോഗ്യത്തിന് ആവശ്യമായ പ്രോട്ടീനും ബയോട്ടിനും മുട്ടയില് ധാരാളം അടങ്ങിയിട്ടുണ്ട്. മറ്റ് ചേരുവകളുമായി മുട്ട കലര്ത്തി ഹെയര് മാസ്ക് ഉണ്ടാക്കുന്നത് മുടിയുടെ വളര്ച്ചയെ പോഷിപ്പിക്കും.
പ്രോട്ടീനാല് സമ്പന്നമായ തൈര് മുടിയെ ശക്തിപ്പെടുത്താനും ആരോഗ്യകരമായ തലയോട്ടി പ്രോത്സാഹിപ്പിക്കാനും ഒരു ഹെയര് മാസ്കായി ഉപയോഗിക്കാം. ഇതിലേക്ക് അല്പ്പം വെളിച്ചെണ്ണയും നാരങ്ങ നീരും കലര്ത്തി നന്നായി മസാജ് ചെയ്താല് താരന് പോകുന്നതിനും കാരണമാകും. ഉലുവ കുതിര്ത്ത് പൊടിച്ച് പേസ്റ്റ് രൂപത്തിലാക്കി തേക്കുന്നത് മുടികൊഴിച്ചില് കുറയ്ക്കാനും മുടി വളര്ച്ചയെ പ്രോത്സാഹിപ്പിക്കാനും സഹായിക്കും.
തണുത്ത ഗ്രീന് ടീ നിങ്ങളുടെ തലയോട്ടിയില് പുരട്ടുന്നത് മുടി കൊഴിച്ചിലുമായി ബന്ധപ്പെട്ട ഹോര്മോണായ ഡിഎച്ച്ടിയെ തടയാനും മുടി കൊഴിച്ചില് നിയന്ത്രിക്കാനും സഹായിക്കും. ഇതിലെ ആന്റിഓക്സിഡന്റുകളാണ് മുടികൊഴിച്ചില് നിയന്ത്രിക്കുന്നതിന് സഹായിക്കുന്നത്. ആവണക്കെണ്ണ തലയില് മസാജ് ചെയ്യുന്നത് മുടിയുടെ വളര്ച്ച മെച്ചപ്പെടുത്താനും മുടി കൊഴിച്ചില് കുറയ്ക്കാനും സഹായിക്കും.
ചെമ്പരത്തി പൂക്കളില് നിന്നും ഇലകളില് നിന്നും ഉണ്ടാക്കുന്ന പേസ്റ്റ് തലയില് തേക്കുന്നത് മുടി വളര്ച്ചയെ പ്രോത്സാഹിപ്പിക്കുകയും മുടി ശക്തിപ്പെടുത്തുകയും ചെയ്യും. വിറ്റാമിന് സി, ആന്റിഓക്സിഡന്റുകള് എന്നിവയാല് സമ്പന്നമായ നെല്ലിക്കയും മുടികൊഴിച്ചിലിനുള്ള ശക്തമായ പ്രതിവിധിയാണ്. ഇത് രോമകൂപങ്ങളെ ശക്തിപ്പെടുത്താനും മുടി കൊഴിച്ചില് കുറയ്ക്കാനും സഹായിക്കും.
Click it and Unblock the Notifications
Sign in with Google