മുട്ട, പഴം, തേന്, തൈര്, ഉലുവ.... വീട്ടില് തന്നെയുണ്ടാക്കാം ഹെയര് മാസ്ക്; മുടികൊഴിച്ചില് മാറും
ശീതകാലം പലപ്പോഴും ചിലര്ക്കെങ്കിലും നിയന്ത്രിക്കാനാകാത്ത മുടി കൊഴിച്ചിലിനെക്കുറിച്ചുള്ള ആശങ്കയുടെ നാളുകളാണ്. മുടികൊഴിച്ചില് കൈകാര്യം ചെയ്യുന്നത് തികച്ചും നിരാശാജനകമായ ഒരു അനുഭവമായിരിക്കും. കാരണം ഇത് പരിഹരിക്കാന് ശരിയായ ഉല്പ്പന്നം കണ്ടെത്തുന്നത് വളരെ ബുദ്ധിമുട്ടുള്ള കാര്യമാണ്. ഉയര്ന്ന നിലവാരമുള്ള ചില മുടി ചികിത്സകള് ഇന്ന് ലഭ്യമാണ്.
എന്നാല് എല്ലാവര്ക്കും ഇത് ആശ്രയിക്കാന് സാധിച്ചെന്ന് വരില്ല. അതിനാല് പ്രകൃതിദത്തമായ ചേരുവകള് കൊണ്ട് ഉണ്ടാക്കുന്ന വീട്ടുവൈദ്യങ്ങളായിരിക്കും പലരും തിരഞ്ഞെടുക്കാന് സാധ്യത. ഹെയര് മാസ്കുകള് നിങ്ങളുടെ മുടിയെ പോഷിപ്പിക്കുന്നതിനും നിങ്ങളുടെ ഇഴകളെ ശക്തിപ്പെടുത്തുന്നതിനും മുടികൊഴിച്ചില് സ്വാഭാവികമായി ചെറുക്കുന്നതിനുമുള്ള ഒരു അത്ഭുതകരമായ മാര്ഗമാണ്. വീട്ടില് തന്നെയുണ്ടാക്കാവുന്ന ചില ഹെയര് മാസ്കുകള് നമുക്ക് പരിചയപ്പെടാം.
മുട്ട, ഒലിവ് ഓയില് മാസ്ക്
മുട്ടയില് പ്രോട്ടീനുകള് അടങ്ങിയിട്ടുണ്ട്. ഇത് നിങ്ങളുടെ മുടിയെ ശക്തിപ്പെടുത്താന് സഹായിക്കുന്നു. അതേസമയം ഒലിവ് ഓയില് ആവശ്യമായ ഈര്പ്പം നല്കുന്നു. നിങ്ങള് സ്ഥിരമായി ഇത് ഉപയോഗിക്കുകയാണെങ്കില് അത് നിങ്ങളുടെ മുടി ശക്തമാക്കുകയും പൊട്ടാനുള്ള സാധ്യത കുറയ്ക്കുകയും മുടി കൊഴിച്ചില് കുറയ്ക്കുകയും ചെയ്യും.
എങ്ങനെയാണ് ഈ മാസ്ക് ഉണ്ടാക്കേണ്ടത് എന്നല്ലേ? ഒരു പാത്രത്തില് ഒരു മുട്ട പൊട്ടിക്കുക. രണ്ട് ടേബിള്സ്പൂണ് ഒലീവ് ഓയില് ചേര്ത്ത് നന്നായി ഇളക്കുക. മിശ്രിതം മുടിയില് പുരട്ടി 30 മിനിറ്റ് വിടുക. അതിന് ശേഷം ഇത് നന്നായി കഴുകി കളയുക.
ഏത്തപ്പഴം തേന് മാസ്ക്
ഏത്തപ്പഴവും തേനും ചേര്ത്ത് എളുപ്പത്തില് ഒരു ഹെയര് മാസ്ക് ഉണ്ടാക്കാം. വാഴപ്പഴം വിറ്റാമിനുകളാല് സമ്പുഷ്ടമാണ്. തേന് ഈര്പ്പം നിലനിര്ത്തുന്ന പ്രകൃതിദത്ത ഹ്യുമെക്റ്റന്റാണ്. ഈ മാസ്ക് മുടിയെ പോഷിപ്പിക്കുകയും ജലാംശം നല്കുകയും ചെയ്യുന്നു. ഇത് മുടിക്ക് കേടുപാടുകള് വരാനുള്ള സാധ്യതയെ ചെറുക്കുന്നു.
ഒരു പാത്രത്തില് പഴുത്ത വാഴപ്പഴം പൊടിച്ച് ചേര്ക്കുക. ഇതിലേക്ക് രണ്ട് ടേബിള്സ്പൂണ് തേന് കലര്ത്തി മിശ്രിതം മുടിയില് പുരട്ടി 20-30 മിനിറ്റ് വിടുക. അതിന് ശേഷം ഇത് പൂര്ണമായും കഴുകി കളയുക.
കറ്റാര് വാഴ വെളിച്ചെണ്ണ മാസ്ക്
കറ്റാര്വാഴ പല രൂപങ്ങളില് പ്രകൃതിയുടെ നന്മയുമായി വരുന്നു. മാത്രമല്ല നമ്മുടെ മുടി കൊഴിച്ചിലിനും ഫലപ്രദമാണ്. കറ്റാര് വാഴ നമ്മുടെ തലയോട്ടിക്ക് ആശ്വാസം നല്കുന്നു. വെളിച്ചെണ്ണ ആഴത്തിലുള്ള കണ്ടീഷനിംഗ് നല്കുന്നു. ഈ മാസ്കിന്റെ പതിവ് ഉപയോഗം, മുടിയുടെ ഘടന മെച്ചപ്പെടുത്തുന്നതിനും, പൊട്ടല് കുറയ്ക്കുന്നതിനും, മുടിയുടെ മൊത്തത്തിലുള്ള ആരോഗ്യം പ്രോത്സാഹിപ്പിക്കുന്നതിനും സഹായിക്കുന്നു.
രണ്ട് ടേബിള്സ്പൂണ് കറ്റാര് വാഴ ജെല് ഒരു ടേബിള് സ്പൂണ് വെളിച്ചെണ്ണയുമായി യോജിപ്പിക്കുക. മിശ്രിതം മുടിയില് പുരട്ടി 30-45 മിനിറ്റ് വിടുക. ശേഷം ഇത് നന്നായി കഴുകിക്കളയുക.
തൈര് ഉലുവ വിത്ത് മാസ്ക്
തൈര് ഒരു പ്രകൃതിദത്ത കണ്ടീഷണറാണ്. ഉലുവ മുടിയുടെ വളര്ച്ചയെ പ്രോത്സാഹിപ്പിക്കുന്നതിനുള്ള ഒരു പ്രധാന ഘടകമാണ്. ഈ മാസ്ക് മുടി കൊഴിച്ചില് കുറയ്ക്കാന് സഹായിക്കുകയും ശക്തവും ആരോഗ്യകരവുമായ മുടിയുടെ വളര്ച്ചയെ പ്രോത്സാഹിപ്പിക്കുകയും ചെയ്യുന്നു.
രണ്ട് ടേബിള് സ്പൂണ് ഉലുവ ഒരു രാത്രി മുഴുവന് വെള്ളത്തില് കുതിര്ക്കുക. ഇവ പൊടിച്ച് പേസ്റ്റ് രൂപത്തിലാക്കി തൈരില് കലര്ത്തുക. മിശ്രിതം മുടിയില് 30 മിനിറ്റ് പുരട്ടി നന്നായി മസാജ് ചെയ്യുക. ശേഷം മണം ഒഴിവാക്കാന് നേര്ത്ത ഷാംപൂ ഉപയോഗിച്ച് കഴുകി കളയാം.
അവോക്കാഡോ തേന് മാസ്ക്
അവോക്കാഡോ വിറ്റാമിനുകളും ആരോഗ്യകരമായ കൊഴുപ്പുകളും കൊണ്ട് സമ്പുഷ്ടമാണ്. ഇത് മുടിയെ പോഷിപ്പിക്കുന്നതിനുള്ള മികച്ച ഘടകമാക്കുന്നു. ഈ മാസ്കിന്റെ പതിവ് ഉപയോഗം നിങ്ങള്ക്ക് മൃദുവായതും തിളക്കമുള്ളതും കൂടുതല് കൈകാര്യം ചെയ്യാവുന്നതുമായ മുടി പ്രദാനം ചെയ്യും. ഇത് മുടി പൊട്ടാനുള്ള സാധ്യതയും കുറയ്ക്കുന്നു. ഒരു പഴുത്ത അവോക്കാഡോ ചതച്ച് രണ്ട് ടേബിള്സ്പൂണ് തേനില് കലര്ത്തുക. മിശ്രിതം മുടിയില് 30 മിനിറ്റ് പുരട്ടുക. ശേഷം ഇത് പൂര്ണമായും കഴുകി കളയുക.
Click it and Unblock the Notifications
Sign in with Google