താരനും ചൊറിച്ചലും കാരണം മടുത്തോ? നെല്ലിക്കയും വേപ്പും കൊണ്ടൊരു പൊടിക്കൈ, താരൻ പറപറക്കും!
തണുപ്പ് കാലത്ത് താരത്തിന്റെ പ്രശ്നം കുറച്ചധികം ആകാനാണ് സാധ്യത. താരൻ കാരണം ബുദ്ധിമുട്ടുന്നവരാണ് നിങ്ങളെങ്കിൽ ഈ സമയത്ത് ശ്രദ്ധിച്ചില്ലെങ്കിലും താരൻ കൂടുക മാത്രമല്ല അത് കൊണ്ട് ഉണ്ടാകുന്ന ചൊറിച്ചലും കൂടും. കണ്ണിൽ കാണുന്ന കെമിക്കലുകൾ വാങ്ങി ഉപയോഗിക്കാതെ തന്നെ താരന്റെ ശല്യം മാറ്റാം. അതെ, നിങ്ങളുടെ വീട്ടിൽ തന്നെയുണ്ട് ഇതിന് പരിഹാരം.
ഇളം ചൂടുള്ള എണ്ണ: ആയുർ വേദം എണ്ണ കൊണ്ടുള്ള മസാജ് ശുപാർശ ചെയ്യുന്നു. പ്രത്യേകിച്ച് തണുപ്പ് കാലത്ത് ഇത് ഗുണം ചെയ്യും. തലയോട്ടിയേയും മുടിയേയും പോഷിപ്പിക്കാൻ ഇത് സഹായകമാകുന്നതാണ്. ചെറുചുടുള്ള വെളിച്ചെണ്ണ, എള്ളെണ്ണ അല്ലെങ്കിൽ ടീ ട്രീ ഓയിൽ അല്ലെങ്കിൽ വേപ്പ് എണ്ണ ഇവയിലേതെങ്കിലും ഉപയോഗിച്ച് കലർത്തി ഉപയോഗിക്കാം. തലയോട്ടിയിൽ മൃദുവായി മസാജ് ചെയ്യുക. എണ്ണ മുടിയിലേക്ക് ഇറങ്ങണം. ഇത് ജലാംശം നൽകുകയും രക്ത ചംക്രമണം മെച്ചപ്പെടുത്തുകയും ചെയ്യുന്നു.
2. വേപ്പ് - നെല്ലിക്ക ഹെയർ പാക്ക്: വേപ്പ്, നെല്ലിക്ക് എന്നിവയ്ക്ക് ആന്റി മൈക്രോബയൽ ഗുണങ്ങളുണ്ട്. ഇത് താരനെ പ്രതിരോധിക്കാൻ അനുയോജ്യമാക്കുന്നു. പൊടിച്ച വേപ്പിലയും നെല്ലിക്കയും ഉപയോഗിച്ച് ഒരു പേസ്റ്റ് തയ്യാറാക്കാം. അത് വെള്ളത്തിലോ കറ്റാർവാഴ ജെല്ലിലോ കലർത്തുക, ഈ പായ്ക്ക് നിങ്ങളുടെ തലയോട്ടിയിൽ പുരട്ടുക. അരമണിക്കൂർ അങ്ങനെ വെയ്ക്കുക, ശേഷം കഴുകാം. ഈ മിശ്രിതം താരനെതിരെ പോരാടും. തലയോട്ടിയെ പോഷിപ്പിക്കുകയും ചെയ്യും.
3. ഉലുവ : പോഷകങ്ങളുടെ കലവറയാണ് ഉലുവ. ഉലുവ രാത്രി മുഴുവൻ കുതിർത്ത് പൊടിച്ച് പേസ്റ്റ് രൂപത്തിലാക്കി തലയിൽ പുരട്ടുക. ഈ പേസ്റ്റ് തലയോട്ടിയിലെ വരൾച്ചയും തലയോട്ടിയിലെ ചൊറിച്ചിലും ഇല്ലാതാക്കും.
4. കറ്റാർ വാഴ ജെൽ: ആന്റി ബാക്ടീരിയിൽ ഗുണങ്ങളുള്ള പ്രകൃതിദത്തമായ മോയ്ചറൈസ് ഗുണം കറ്റാർ വാഴയ്ക്ക് ധാരാളം ഉണ്ട്. കറ്റാർ വാഴ ജെൽ തലയോട്ടിയിൽ നേരിട്ട് പുരട്ടുക. കഴുകുന്നതിന് മുമ്പ് 20 -30 മിനിറ്റ് തലയിൽ അങ്ങനെ തന്നെ വെയ്ക്കാം. ഇത് തലയ്ക്ക് തണുപ്പ് നൽകും. വരൾച്ച മാറ്റുകയും ചെയ്യും. താരന് പരിഹാരമാകും.
5. ഹെർബൽ ഹെയർ റിൻസ്: റോസ് മേരി, കാശിത്തുമ്പ തുടങ്ങിയ സസ്യങ്ങൾ ഇട്ട് വെള്ളം തിളപ്പിക്കുക. ഇത് തണുത്ത ശേഷം ദ്രാവകും അരിച്ചെടുക്കുക. ഷാംപൂവൊക്കെ ചെയ്ത കഴിഞ്ഞ ശേഷം അവസാനം ഈ വെള്ളം കൊണ്ട് തല കഴുകുക. ഈ ഔഷധങ്ങൾക്ക് ആന്റിമൈക്രോബയൽ ഗുണങ്ങളുണ്ട്.
Click it and Unblock the Notifications
Sign in with Google