മുടി കഴുകുമ്പോള് ഇങ്ങനെ ചെയ്യാറുണ്ടോ..? എന്നാല് ഒരുകാലത്തും മുടികൊഴിച്ചിലില് നിന്ന് മോചനമുണ്ടാകില്ല
മുടി സംരക്ഷണം പലരും ലാഘവത്തോടെ ചെയ്യുന്ന ഒന്നാണ്. എന്നാല് മുടികൊഴിച്ചിലിനെ കുറിച്ച് എല്ലാവരും ആശങ്കപ്പെടുകയും ചെയ്യും. മുടി സംരക്ഷണത്തില് ഏറ്റവും പ്രധാനം മുടി കഴുകലാണ്. കഴുകി വൃത്തിയാക്കിയ മുടി ആരോഗ്യമുള്ള മുടിയെ പ്രോത്സാഹിപ്പിക്കുന്നു. എന്നിരുന്നാലും, മുടി കൊഴിച്ചില്, തലയോട്ടിയിലെ ചൊറിച്ചില്, നരച്ച മുടി, മറ്റ് പ്രശ്നങ്ങള് എന്നിവയ്ക്ക് കാരണമാകുന്ന അബദ്ധങ്ങള് നമ്മള് പലപ്പോഴും വരുത്താറുണ്ട്.
അതിന് കാരണം മുടി വൃത്തിയാക്കുന്നത് നിസാരമായി കാണുന്നതിനാലാണ്. മുടി കഴുകുന്നത് വളരെ ലളിതമാണെന്ന് നിങ്ങള് കരുതുന്നുണ്ടായിരിക്കാം. തീര്ച്ചയായും ഇത് ലളിതമായ പ്രവൃത്തി തന്നെയാണ്. എന്നാല് അത് തെറ്റായി ചെയ്യുന്നത് നിങ്ങളുടെ മുടിയുടെ ആരോഗ്യത്തെ ദോഷകരമായി ബാധിക്കും. മുടി കഴുകുമ്പോള് എന്തൊക്കെയാണ് ശ്രദ്ധിക്കേണ്ടത് എന്ന് നോക്കാം.
വരണ്ട മുടിയില് ഷാംപൂ ഉപയോഗിക്കുന്നത് മിക്കവാറും ആളുകളും വരുത്തുന്ന തെറ്റുകളില് ഒന്നാണ്. ഷാംപൂ ഉപയോഗിക്കുന്നതിന് മുമ്പ് മുടി പൂര്ണ്ണമായും വെള്ളത്തില് മുക്കിയിരിക്കണം. നനഞ്ഞ മുടിയില് പുരട്ടുമ്പോള് ഷാംപൂ നന്നായി നുരയും. അങ്ങനെ വരുമ്പോള് ഇത് ഫലപ്രദമായി മുടി വൃത്തിയാക്കുന്നു. ഉണങ്ങിയ മുടിയില് ഷാംപൂ പുരട്ടുന്നത് തലയോട്ടിയിലെ അവശിഷ്ടങ്ങളുടെ അളവ് വര്ദ്ധിപ്പിക്കും.
ഇത് ഷാംപൂവിന്റെ അവശിഷ്ടങ്ങള് നീക്കം ചെയ്യുന്നത് കൂടുതല് വെല്ലുവിളിയാകും. അതിനാല് ഷാംപു ചെയ്യുന്നതിന് മുമ്പ് നിങ്ങളുടെ മുടി നന്നായി നനയ്ക്കുകയും കുറഞ്ഞത് 1-2 മിനിറ്റെങ്കിലും മുക്കിവയ്ക്കുകയും ചെയ്യുക. അതോടൊപ്പം മുടി വൃത്തിയാക്കുന്ന കാര്യത്തില് ശരിയായ അളവില് ഷാംപൂവും കണ്ടീഷണറും ശരിയായ വിധത്തില് ഉപയോഗിക്കേണ്ടത് പ്രധാനമാണ്.
അമിതമായ അളവില് ഷാംപൂവും കണ്ടീഷണറും ഉപയോഗിക്കുന്നത് മുടി കൂടുതല് മിനുസമാര്ന്നതും വൃത്തിയുള്ളതുമാക്കുമെന്ന് പലരും വിശ്വസിക്കുന്നു. എന്നാല് യഥാര്ത്ഥത്തില് അമിതമായ ഷാംപൂ മുടിയുടെ സ്വാഭാവിക ഈര്പ്പം ഇല്ലാതാക്കും ഇത് മുടി കൊഴിച്ചിലിനുള്ള സാധ്യത വര്ധിപ്പിക്കുന്നു. കൂടാതെ, അമിതമായ കണ്ടീഷനിംഗ് മുടി കൊഴുത്തതും എണ്ണമയമുള്ളതുമാക്കും.
മുടി കൊഴിച്ചില് തടയാന് നിങ്ങള് ആഗ്രഹിക്കുന്നുവെങ്കില്, കുളിക്കുന്നതിന് മുമ്പ് നിങ്ങളുടെ മുടിയിലെ കുരുക്കുകള് അഴിക്കേണ്ടത് അത്യാവശ്യമാണ്. കുരുക്കില്ലാത്ത മുടി ബലമായി കഴുകാന് ശ്രമിക്കുമ്പോള് മുടി പൊട്ടാനുള്ള സാധ്യത കൂടുതലാണ്. കുളിക്കുന്നതിന് മുമ്പ് ഒരു ഹെയര് ബ്രഷ് ഉപയോഗിച്ച് നിങ്ങളുടെ മുടി അഴിക്കുക. ദിവസേനയുള്ള മുടി വൃത്തിയാക്കുന്നതിലൂടെ ആരോഗ്യമുള്ള മുടി കൈവരിക്കാനാവില്ല.
നമ്മുടെ മുടിയില് കാണപ്പെടുന്ന പ്രകൃതിദത്ത എണ്ണകള് മുടിയുടെ സംരക്ഷണത്തിന് ആവശ്യമാണ്. ഇത് മുടിയുടെ തിളക്കം നിലനിര്ത്തുകയും മുടി കൊഴിച്ചില്, പൊട്ടല് എന്നിവയില് നിന്ന് സംരക്ഷിക്കുകയും ചെയ്യുന്നു. നിങ്ങള് ദിവസവും ഷാംപൂ ഉപയോഗിക്കുമ്പോള് മുടിയിലെ സ്വാഭാവിക ഈര്പ്പം ഇല്ലാതാകുകയും നിങ്ങളുടെ മുടി വരണ്ടതും നിര്ജീവവും നരച്ചതുമാക്കുകയും ചെയ്യുന്നു.
അതിനാല് ആഴ്ചയില് ഒന്നോ രണ്ടോ തവണ ഷാംപൂ ഉപയോഗിക്കുന്നതാണ് നല്ലത്. ഷാംപൂ ചെയ്യുമ്പോള് തലയോട്ടിയിലും മുടിയിലും അമിതമായി സമ്മര്ദ്ദം ചെലുത്തരുത്. മുടിയും തലയോട്ടിയും അങ്ങേയറ്റം സൗമ്യതയോടെ കൈകാര്യം ചെയ്യണം.
ഷാംപൂ പ്രയോഗിക്കുമ്പോള് വിരല്ത്തുമ്പ് കൊണ്ട് നിങ്ങളുടെ തലയോട്ടിയില് മൃദുവായി മസാജ് ചെയ്യുക.
Click it and Unblock the Notifications
Sign in with Google