ഇനി മുടി കൊഴിയില്ല, പ്രയോഗിക്കാം ഈ കിടിലം ഹെയർ മാസ്ക്..ഒരാഴ്ച കൊണ്ട് ഫലം

Updated: Monday, July 10, 2023, 20:38 [IST]

മുടികൊഴിച്ചൽ പ്രശ്നങ്ങൾ അനുഭവിക്കാത്തവർ വളരെ കുറവായിരിക്കും, പ്രത്യേകിച്ച് യുവാക്കൾക്കിടയിൽ. പലപ്പോഴും ഇത്തരം സന്ദർഭങ്ങളിൽ നമ്മളിൽ മിക്കവരും നേരെ ഓടി ചെല്ലുക ബ്യൂട്ടി പാർലറുകളിലേക്കോ അല്ലെങ്കിൽ വിലകൂടിയ ഹെയർ പ്രൊഡക്ടുകൾ വിൽക്കുന്ന കടകളിലോ ആയിരിക്കാം.

എന്നാൽ വലിയ ചെലവില്ലാതെ വീട്ടിൽ തന്നെ ഈ പ്രശ്നം പരിഹരിക്കാൻ കഴിഞ്ഞാലോ?? അതും മുട്ടയുപയോഗിച്ച് . ഇതാ ലളിതമായി തയ്യാറാക്കാൻ പറ്റിയ മുടികൊഴിച്ചൽ തടയാനുള്ള മുട്ട മാസ്കുകൾ പരിചയപ്പെടാം.

ഒലീവ് ഓയിലും മുട്ടയും-മുടികൊഴിച്ചിൽ തടയുന്നതിനും തലയോട്ടിയിലെ എണ്ണമയം നിലനിർത്തുന്നതിനും മുട്ട ഉപയോഗിച്ചുള്ള ഹെയർ മാസ്കുകൾ സഹായിക്കുന്നു. മുടിയുടെ ഘടന മെച്ചപ്പെടുത്തുന്നതിനും മുട്ട നല്ലതാണ്. ഒലീവ് ഓയിൽ മുടി മൃദുവാക്കാനും അധിക കണ്ടീഷനിംഗ് നൽകാനും ഉത്തമമാണ്.

ഇനി ആവശ്യമായ ചേരുവകൾ നോക്കാം-ഒരു മുട്ട, ഒരു ടേബിൾ സ്പൂൺ ഒലീവ് ഓയിൽ. ആദ്യം മുട്ട നന്നായി അടിച്ചെടുക്കുക. ഇതിലേക്ക് ഒലീവ് ഓയിൽ ഒഴിച്ച് കൊടുക്കാം. യോജിപ്പിച്ചതിന് ശേഷം തലയോട്ടിയിലും മുടിയിലും തേച്ച് കൊടുക്കാം. ഏകദേശം 20 മിനിറ്റോളം തേച്ച് പിടിപ്പിക്കാം- പിന്നീട് തണുത്ത വെള്ളം ഉപയോഗിച്ച് കഴുകിക്കളയാം.

മുട്ടയും അവക്കാഡോയും ചേർത്ത ഹെയർ മാസ്ക്-ആൻറി ഓക്സിഡൻറുകൾ, വിറ്റാമിൻ എ, ഇ, ഡി, ബി6, അമിനോ ആസിഡുകൾ, ധാതുക്കൾ എന്നിവയാൽ സമ്പുഷ്ടമാണ് അവക്കാഡോ. ഇത് മുടി വളർച്ച പ്രോത്സാഹിപ്പിക്കുകയും മുടി കൊഴിച്ചൽ തടയുകയും ചെയ്യുന്നു.

ആവശ്യമായ ചേരുവകൾ-അര കഷ്ണം അവക്കാഡോ, ഒരു മുട്ടയുടെ മഞ്ഞ. ആദ്യം അവക്കാഡോ നന്നായി ഉടച്ചെടുക്കാം. അതിലേക്ക് മുട്ടയുടെ മഞ്ഞ ചേർത്ത് യോജിപ്പിച്ചെടുത്ത് തലയിൽ കേക്കാം. 20 മിനിറ്റോളം ഈ മാസ്ക് തലയിൽ സൂക്ഷിക്കാം. തണുത്ത വെള്ളം ഉപയോഗിച്ച് കഴുകിക്കളയാം. ആഴ്ചയിൽ രണ്ട് തവണ ഈ മാസ്ക് ഉപയോഗിക്കുന്നത് നല്ലതായിരിക്കും.

നെല്ലിക്കയും മുട്ടയും ചേർത്ത മാസ്ക്- നെല്ലിക്ക രക്തചംക്രമണം വർധിപ്പിച്ച് മുടി വളർച്ച പ്രോത്സാഹിപ്പിക്കുന്നു. മുടിയെ വേരുകളിൽ നിന്ന് തന്നെ ശക്തിപ്പെടുത്താനും ഇത് സഹായിക്കുന്നു. ആന്റിഓക്‌സിഡന്റുകളുടെ സമ്പന്നമായ ഉറവിടം കൂടിയാണിത്.

ആവശ്യമായ ചേരുവകൾ-അരക്കപ്പ് നെല്ലിക്കപ്പൊടി, രണ്ട് വലിയ മുട്ട. രണ്ട് ചേരുവകളും നന്നായി യോജിപ്പിച്ച ശേഷം തലയിൽ തേച്ച് പിടിപ്പിക്കാം. ഏകദേശം ഒരു മണിക്കൂറോളം ഇത് തലയിൽ തേച്ച് വെക്കാം. തണുത്ത വെള്ളം ഉപയോഗിച്ച് കഴുകിക്കളയാം. ആഴ്ചയിൽ ഒരു തവണ ഉപയോഗിക്കാം