മത്തങ്ങക്കുരു ചില്ലറക്കാരനല്ല; മുടി കട്ടിക്ക് വളരും, കൊഴിച്ചിലും നില്‍ക്കും, എങ്ങനെയെന്നോ?

Updated: Monday, October 16, 2023, 19:50 [IST]

മുടി വളരാനും മുടി കൊഴിച്ചിൽ നിർത്താനും പല വഴികളും നോക്കി നിരാശയിൽ ആണോ നിങ്ങൾ. എന്നാൽ നിങ്ങൾ ഒരുപക്ഷേ ഇതുവരെ പരീക്ഷിച്ച് നോക്കാത്ത ഒരു വഴിയാണ് പറയാൻ പോകുന്നത്. മത്തൻ വിത്ത് നിങ്ങളുടെ മുടി വളർച്ചയെ സഹായിക്കുമെന്നും മുടി കൊഴിച്ചിൽ തടയുമെന്നും നിങ്ങൾക്ക് അറിയാമോ? അതെ, വിശദമായി അറിയാം..

വൈറ്റമിൻ എ, ബി, സി, മഗ്നീഷ്യം, ഫോസ്ഫറസ്, ഇരുമ്പ്, ചെമ്പ് തുടങ്ങിയ മൈക്രോ ന്യൂട്രിയന്റുകൾ മത്തൻ വിത്തിൽ ഉണ്ട് എന്നാണ് പറയുന്നത്. മത്തങ്ങ വിത്തുകളിൽ കാണപ്പെടുന്ന സുപ്രധാന ധാതുവായ സിങ്ക് മുടി വളർച്ചയിലും കേടുപാടുകൾ ഇല്ലാതാക്കുന്നതിനും സഹായിക്കും.

ഇത് ഹോർമോണുകളുടെ അളവ് നിയന്ത്രിക്കാനും പ്രോട്ടീൻ സമന്വയത്തെ പിന്തുണയ്ക്കാനും സഹായിക്കുന്നതണ്. പുതിയ മുടി വളരുന്നതിന് ഈ പ്രക്രിയകൾ അത്യാവശ്യമാണ്. നിങ്ങളുടെ ഭക്ഷണത്തിൽ മത്തങ്ങ വിത്തുകൾ ഉൾപ്പെടുത്തുന്നത് സിങ്ക് ഉറപ്പാക്കാൻ സഹായിക്കും. ഇത് നിങ്ങളുടെ മുടിയുടെ വളർച്ചയ്ക്ക് സഹായകമാണ്.

1. മത്തങ്ങ വിത്തുകൾ മുടിയുടെ ഘടനയെ ശക്തിപ്പെടുത്തും

മത്തങ്ങയിൽ കാണപ്പെടുന്ന ഒമേഗ -3 ഫാറ്റി ആസിഡുകൾ മുടിയുടെ തണ്ടിനെ ശക്തിപ്പെടുത്താൻ സഹായകമാണ്. ഇത് മുടിയുടെ ഘടന വർദ്ധിപ്പിക്കുന്നതിനും ഗുണം ചെയ്യും. ഈ ഫാറ്റി ആസിഡുകൾ തലയോട്ടിയെ ഈർപ്പമുള്ളതാക്കാൻ സഹായിക്കും.

മുടിയുടെ വരൾച്ചയും ചൊറിച്ചലും തടയുകയും ചെയ്യുന്നു. മുടിയെ പോഷിപ്പിക്കുന്നതിലൂടെ, മത്തങ്ങ വിത്തുകൾ ശക്തവും കൂടുതൽ പ്രതിരോധശേഷിയുള്ളതുമായ മുടിയിഴകൾ നൽകും. ഇത് മുടി പൊട്ടുന്നത് തടയുകയും അറ്റം പിളരുന്നത് ഇല്ലാതാക്കുകയും ചെയ്യും,

2. മത്തങ്ങ വിത്തുകൾ മുടികൊഴിച്ചിൽ കുറയ്ക്കും: മത്തൻ വിത്ത് മുടി കൊഴിച്ചിൽ കുറയ്ക്കും. മത്തങ്ങ വിത്തിലെ ഫൈറ്റോകെമിക്കൽ സംയുക്തങ്ങൾ മുടികൊഴിച്ചിലിന് കാരണമാകുന്ന ഡൈഹൈഡ്രോട്ടെസ്റ്റോസ്റ്റിറോൺ (ഡി എച്ച്ടി) എന്ന ഹോർമോണിന്റെ ഉത്പാദനത്തെ തടയാൻ സഹായിക്കുന്നതാണ്, DHT അളവ് കുറയ്ക്കുന്നതിലൂടെ, മുടികൊഴിച്ചിൽ കുറയ്ക്കുകയും നിലവിലുള്ള രോമകൂപങ്ങളെ സംരക്ഷിക്കുകയും ചെയ്യും,

3. മത്തങ്ങ കുരു തലയോട്ടിയുടെ ആരോഗ്യം വർദ്ധിപ്പിക്കും: മത്തങ്ങ വിത്ത് തലയോട്ടിയുടെ ആരോഗ്യത്തിന് നല്ലതാണ്. നല്ല മുടിയുടെ വളർച്ചയ്ക്ക് തലയോട്ടിക്ക് നല്ല ആരോഗ്യം വേണം. വൈറ്റമിൻ ഇ പോലുള്ള ആന്റിഓക്‌സിഡന്റുകൾ മത്തങ്ങ വിത്തുകളിൽ അടങ്ങിയിട്ടുണ്ട്,

ഇത് തലയോട്ടിയെ ഓക്സിഡേറ്റീവ് സമ്മർദ്ദത്തിൽ നിന്ന് സംരക്ഷിക്കുകയും തലയോട്ടിയുടെ ആരോഗ്യം നിലനിർത്തുകയും ചെയ്യുന്നതാണ്. മത്തങ്ങ വിത്തുകൾ കഴിക്കുന്നത് തലയോട്ടിയിലെ വീക്കം ചെറുക്കാനും മുടി വളർച്ചയ്ക്ക് അനുയോജ്യമായ അവസ്ഥകൾ ഉണ്ടാക്കാൻ സഹായിക്കുകയും ചെയ്യും..