വാഴപ്പഴവും ബദാമും മീനും, തീർന്നില്ല; ഉറക്കമില്ലായ്മയാണ് പ്രശ്നമെങ്കിൽ കഴിച്ച് തുടങ്ങാം...
ഒട്ടുമിക്ക ആളുകളും നേരിടുന്ന പ്രശ്നമാണ് ഉറക്കമില്ലായ്മ. എന്നാൽ ആരോഗ്യത്തിന് ഏറെ പ്രധാനപ്പെട്ട ഒന്നാണ് ഉറക്കം. ശരിയായ ഉറക്കം ലഭിച്ചില്ലെങ്കിൽ അത് നമ്മുടെ മൊത്തത്തിലുള്ള ആരോഗ്യത്തിന് തന്നെ ഭീഷണിയാവും. ഉറക്കം ശാരീരിക ആരോഗ്യം, വൈജ്ഞാനിക പ്രവർത്തനം, വൈകാരിക സന്തുലിതാവസ്ഥ എന്നിവയ്ക്ക് അത്യന്താപേക്ഷിതമാണ്.
അത് കൊണ്ട് കൃത്യമായി ഉറങ്ങുന്നുണ്ടെന്ന് നമ്മൾ ഉറപ്പാക്കേണ്ടതുണ്ട്. ഉറക്കാമില്ലായ്മ നിങ്ങളും നേരിടുന്നുണ്ടെങ്കിൽ ആ പ്രശ്നം പരിഹാരിക്കാൻ സഹായിക്കുന്ന ചില ടിപ്പുകളാണ് ഇനി ഇവിടെ പറയുന്നത്.
ചില ഭക്ഷണങ്ങൾക്ക് ഉറക്കത്തിന്റെ ഗുണനിലവാരം വർദ്ധിപ്പിക്കാൻ കഴിയുന്ന ഗുണങ്ങളുണ്ട് എന്നാണ് പറയുന്നത്. അത്തരത്തിലുള്ള ചില ഭക്ഷണങ്ങളെക്കുറിച്ച് വിശദമായി അറിയാം:
കൊഴുപ്പുള്ള മീൻ: സാൽമൺ, ട്രൗട്ട് തുടങ്ങിയ കൊഴുപ്പുള്ള മത്സ്യങ്ങൾ ഒമേഗ - 3 ഫാറ്രി ആസിഡുകളുടെ മികച്ച സ്രോതസ്സുകളാണ്, അവ ഉറക്കത്തിന്റെ ഗുണനിലവാരവുമായി ബന്ധപ്പെട്ട് കിടക്കുന്നു. ഒമേഗ - 3 സെറോടോണിന്റെ അളവ് നിയന്ത്രിക്കാനും വിശ്രമം പ്രോത്സാഹിപ്പിക്കാനും സഹായിരക്കും.
വാഴപ്പഴം: മംഗ്നീഷ്യം, പൊട്ടാസ്യം എന്നിവയുടെ നല്ല ഉറവിടമാണ് വാഴപ്പഴം. ഈ ധാതുക്കൾ പ്രകൃതിദത്ത പേശി റിലാക്സന്റുകളായി പ്രവർത്തിക്കുന്നു. ഇത് പിരിമുറുക്കം ലഘൂകരിക്കാൻ സഹായിക്കും. അങ്ങനെ ശരീരത്തെ ശാന്തമായി ഉറങ്ങാൻ സഹായിക്കും. കൂടാതെ വാഴപ്പഴത്തിൽ ട്രിപ്റ്റോഫാൻ അടങ്ങിയിട്ടുണ്ട്.
ബദാം: മഗ്നീഷ്യം ധാരാളം അടങ്ങിയിട്ടുണ്ട് ബദാമിൽ. ഉറക്കമില്ലായ്മയ്ക്കുള്ള പ്രകൃതിദത്തമായ പരിഹാരമാണ് ഇത്. മഗ്നീഷ്യം മസിൽ റിലാക്സന്റായി പ്രവർത്തിക്കുകയും നാഡീവ്യവസ്ഥയെ ശാന്തമാക്കുകയും വിശ്രമം നൽകുകയും ചെയ്യുന്നു. വൈകുന്നേരത്തെ ലഘു ഭക്ഷണമായി ബദാം കഴിക്കുന്നത് ഉറക്കത്തിന്റെ രീതികളെ നിയന്ത്രിക്കാൻ സഹായിച്ചേക്കാം, ഇത് കൂടുതൽ ശാന്തമായ ഉറക്കം നൽകാൻ സഹായിക്കുന്നതാണ്.
ടർക്കി: ഉറക്കത്തിന് സഹായിക്കുന്ന ഒന്നാണ് ടർക്കി ടർക്കിയിൽ ട്രിപ്റ്റോഫാൻ അടങ്ങിയിട്ടുണ്ട്. ശരീരം സെറോടോണിൻ, മെലറ്റോണിൻ എന്നിവയായി പരിവർത്തനം ചെയ്യുന്ന ഒരു അമിനോ ആസിഡ് ആണിത്. ഉറക്കത്തെ നിയന്ത്രിക്കുന്നതിൽ ഇത് പ്രധാന പങ്കുവഹിക്കുന്നു.
ടർക്കിയിലെ ട്രിപ്റ്റോഫാൻ ശാന്തമായ അവസ്ഥ നൽകും. ഉറക്കമില്ലായ്മയുടെ ലക്ഷണങ്ങളെ കുറയ്ക്കും കൂടുതൽ ശാന്തമായി രാത്രി ഉറക്കം പ്രോത്സാഹിപ്പിക്കുകയും ചെയ്യും.
കിവി: ഉറക്കമില്ലായ്മയ്ക്കുള്ള പ്രകൃതിദത്തമായ പരിഹാരമാണ് കിവി. ശക്തമായ ഉറക്കത്തിന് സഹായിക്കുന്ന ഗുണമുള്ള ഒരു ചെറിയ പഴം, സെറോടോണിൻ, ആന്റി ഓക്സിഡന്റുകൾ, ഫോളേറ്റ് എന്നിവയാൽ നിറഞ്ഞ കിവി ഉറക്കത്തിന്റെ ഗുണനിലവാരം മെച്ചപ്പെടുത്തും.
ഉറങ്ങുന്നതിന് മുമ്പ് കിവി കഴിക്കുന്നത് ഉറക്കത്തിന്റെ പാറ്റേണുകൾ നിയന്ത്രിക്കാൻ സഹായിക്കും, ഇത് ഉറക്കം ലഭിക്കാൻ സഹായിക്കുന്ന അനുയോജ്യമായ ഭക്ഷണത്തിൽ രുചികരവും പോഷകപ്രദവുമായ കൂട്ടിച്ചേർക്കലായി മാറുന്നു.
Click it and Unblock the Notifications
Sign in with Google