കറ്റാർവാഴയുടെ ഗുണങ്ങൾ അറിയാമല്ലോ? കറ്റാർവാഴ ജ്യൂസ് തയ്യാറാക്കാൻ അറിയാമോ? വീട്ടിലുണ്ടാക്കാം..

Updated: Friday, January 12, 2024, 15:13 [IST]

നമ്മുടെ ആരോഗ്യത്തിന് ആവശ്യമായ പലതും നമുക്ക് പ്രകൃതിയിൽ നിന്ന് തന്നെ ലഭിക്കും. അത്തരത്തിൽ നമ്മുടെ ആരോഗ്യത്തിന് ഏറെ ഗുണം ചെയ്യുന്ന ഒന്നാണ് കറ്റാർവാഴ. ചർമ്മത്തിനും മുടിക്കും അമിതവണ്ണം കുറയ്ക്കാനുമൊക്കെ കറ്റാർ വാഴ സഹായകമാണ്.

മരുന്നുകൾ, സൗന്ദര്യസംരക്ഷണം, ആരോഗ്യ സംരക്ഷണ ഉൽപ്പന്നങ്ങൾ എന്നിവയിൽ ഇവ ഉപയോഗിക്കുകയും ചെയ്യുന്നു. കറ്റാർവാഴ സത്ത് കഴിക്കുന്നതും പുരട്ടുന്നതും ഏറെ ഗുണകരമാണ്. സംസ്ക്കരിച്ച കറ്റാർ വാഴ ജ്യൂസ് 100 ശതമാനം പ്രകൃതിദത്തമാണ്.

കറ്റാർവാഴയിൽ ആന്റി ഓക്സിഡന്റുകളും അവശ്യ വിറ്റാമിനുകളും ( എ, ബി1, ബി 2, ബി3, ബി 6, ബി 12, ഇ ) ധാതുക്കൾ ( മംഗ്നീഷ്യം, ഇരുമ്പ്, കാത്സ്യം, സിങ്ക് , കോളിൻ, സെലിനിയം, പൊട്ടാസ്യം ). അമിനോ ആസിഡുകൾ എന്നിവയാൽ സമ്പന്നമാണ്. ദിവസേന കുറച്ച് കറ്റാർ വാഴ ജ്യൂസ് കഴിക്കുന്നത് നിങ്ങളുടെ പ്രതിരോധ ശേഷി ശക്തിപ്പെടുത്താനും രോഗങ്ങളെ ചെറുക്കാൻ ശരീരത്തിന് മതിയായ ശക്തി നൽകുകയും ചെയ്യും.

കറ്റാർവാഴ ജ്യൂസ്: വീട്ടിൽ ഫ്രഷായി കറ്റാർ വാഴ ജ്യൂസ് തയ്യാറാക്കുന്നതാണ് നല്ലത്. വളരെ എളുപ്പമാണ്, നിങ്ങൾ കറ്റാർവാഴയുടെ ഒരു ഇല തണ്ടിൽ നിന്നും എടുക്കുക. നന്നായി കഴുകി മൂർച്ചയുള്ള കത്തി ഉപയോഗിച്ച് ഇല ചെറിയ സമചതുരങ്ങളായി മുറിക്കുക. നല്ല ഫ്രഷ് കറ്റാർവാഴ ഇല തന്നെയെടുക്കണം.

കറ്റാർവാഴയുടെ പുറം പാളി നീക്കം ചെയ്യണം. ഇത് ഇലയുടെ ലാറ്റക്സ് മുറിച്ച് മാറ്റാൻ സഹായിക്കും. ഒരു സ്പൂൺ ഉപയോഗിച്ച് ജെൽ പുറത്തെടുക്കുക. നിങ്ങൾക്ക് കത്തി ഉപയോഗിച്ചും ജെൽ എടുക്കാം. ജെൽ ലാറ്റക്സ് ഇല്ലാത്തതാണെന്ന് ഉറപ്പാക്കണം..

ഇനി ഈ ജെല്ല് അടിച്ചെടുക്കണം. രണ്ട് ടേബിൾ സ്പൂൺ കറ്റാർ ജ്യൂസ് ചേർക്കണം. സ്വാഭാവിക കറ്റാർവാഴ ജ്യൂസ് ഉണ്ടാക്കാൻ വെള്ളം ചേർക്കുക. നിങ്ങൾക്ക് തേൻ, നാരങ്ങനീര്, ഇഞ്ചി തുടങ്ങിയ ചേരുവകൾ ചേർക്കണം.

ഈ ചേരുവകൾ ചേർക്കുന്നത് കൂടുതൽ രുചികരമാക്കുക്കയും തടി കുറയ്ക്കാൻ സഹായിക്കുകയും ചെയ്യും. ഈ മിശ്രിതം ദിവസം കുടിക്കാവുന്നതാണ്. എപ്പോഴാണോ നിങ്ങൾ ജ്യൂസ് അടിക്കുന്നത് അന്ന് തന്നെ അത് കുടിക്കുന്നതാകും നല്ലത്. പിന്നീട് കുടിക്കണമെങ്കിൽ അത് ഫ്രിഡ്ജിൽ സൂക്ഷിക്കണം.