തിളക്കമില്ലാത്ത ചർമ്മവും തൂങ്ങിനിൽക്കുന്ന വയറും മറന്നേക്ക്; വീട്ടിൽ തയ്യാറാക്കാം കക്കിരി- ചീര ജ്യൂസ്

Updated: Sunday, December 24, 2023, 14:30 [IST]

കക്കിരിക്ക - ചീര ജ്യൂസിന്റെ ഗുണങ്ങൾ അറിയാമോ? ഒരു ഗ്ലാസ് കക്കിരിക്ക- ചീര ജ്യൂസ് കുടിക്കുന്നത് നിങ്ങളുടെ ആരോഗ്യത്തിന് ഗുണം ചെയ്യും. ആരോഗ്യകരവും പോഷകങ്ങൾ നിറഞ്ഞതുമായ ജ്യൂസാണ് കക്കിരിക്ക - ചീര ജ്യൂസ്. ഈ പാനീയ കക്കിരിക്കയുടെ മോയ്ചറൈസിംഗ് ഗുണങ്ങളുമായി പോശക സാന്ദ്രമായ ചീരയെ സംയോജിപ്പിക്കും. ഈ രണ്ട് പച്ചക്കറികളിലും കലോറി കുറവാണ്, ആന്റി ഓക്സഡന്റുകൾ, വിറ്റാമിനുകൾ, ധാതുക്കൾ എന്നിവ ധാരാളമായി അടങ്ങിയിട്ടുണ്ട്.

കക്കിരി ചർമ്മത്തിന് ആവശ്യമായ ജലത്തിന്റെയും പോഷകങ്ങളുടെയും ഒരു മികച്ച ഉറവിടമാണ്. ചീര ഇരുമ്പ്, വിറ്റാമിൻ കെ, ഫോളേറ്റ് എന്നിവയുടെ നല്ല ഉറവിടമാണ്. രോഗ പ്രതിരോധ സംവിധാനത്തെ ശക്തപ്പെടുത്തുകയും ആരോഗ്യകരമായ ദഹനം പ്രോത്സാഹിപ്പിക്കുകയും ശരീരഭാരം നിയന്ത്രിക്കാൻ പോലും സഹായിക്കുകയും ചെയ്യും. കക്കിരിക്ക - ചീര ജ്യൂസ് നിങ്ങളുടെ ദൈനംദിന ദിനചര്യയിൽ സുപ്രധാന പോഷകങ്ങൾ ഉൾപ്പെടുത്തുന്നതിനുള്ള എളുപ്പവും എന്നാൽ കാര്യക്ഷമവുമായ മാർഗമാണ്

ശരീരഭാരം കുറയ്ക്കാൻ : കക്കരിക്ക ജ്യൂസിൽ കുറച്ച് കലോറി മാത്രമേ ഉള്ളൂ , മറ്റ് പാനീയങ്ങളിൽ നിന്ന് വ്യത്യസ്തമായി അധിക കലോറി കുടിക്കുന്നതിനെക്കുറിച്ചുള്ള ആശങ്കയില്ലാതെ നിങ്ങൾക്ക് ഇത് കുടിക്കാം, കക്കിരിക്ക പോലയുള്ള ജലാംശം കൂടുതലും എന്നാൽ കുറഞ്ഞ കലോറിയുമുള്ള പച്ചക്കറി കഴിക്കുന്നത് ശരീരഭാരം കുറയ്ക്കാൻ സഹായിക്കും.

ആരോഗ്യമുള്ള ചർമ്മം: വൈറ്റമിൻ എ ധാരാളമായി അടങ്ങിയിട്ടുള്ള തീര ചർമ്മത്തിന് ഏറെ ഗുണമുള്ളതാണ്, രോഗപ്രതിരോധ ശേഷി ശക്തിപ്പെടുത്തുന്നു, ചർമ്മത്തിന് ജലാംശം നൽകുന്നു. ചുളിവുകളും നേർത്ത വരകളും കുറയ്ക്കുകയും ചെയ്യും.

ചീര- കക്കരിക്ക ജ്യൂസ് ഉണ്ടാക്കുന്ന വിധം
‌
ചീര ഇല - ഒരു കപ്പ് ( കഴുകി അരിഞ്ഞതാ)

കക്കിരിക്ക - 1 ( തൊലികളഞ്ഞ് അരിഞ്ഞത്)
പുതിനിയില - 8- 10 ( അരിഞ്ഞത്)
കുരുമുളക് - 1 ടീസ്പൂൺ
നാരങ്ങ നീര് - 1 ടീസ്പൂൺ
ഇഞ്ചി - 1 ടീസ്പൂൺ (ചതച്ചത്)

ഉണ്ടാക്കേണ്ട രീതി:

എല്ലാ ചേരുവകളും ചേർത്ത് നന്നായി അരച്ചെടുക്കാം. കുരുമുളക്, നാരങ്ങ, ഇഞ്ചി എന്നിവയ്‌ക്കെല്ലാം പ്രതിരോധശേഷി വർധിപ്പിക്കുന്ന, ഗുണങ്ങളുണ്ട്, ഇത് പ്രതിരോധശേഷി മെച്ചപ്പെടുത്താനും ജലദോഷം, അണുബാധ എന്നിവയ്‌ക്കെതിരെ പോരാടാനും സഹായിക്കുന്നു. പോഷകപ്രദവും ആരോഗ്യകരവും എളുപ്പമുള്ളതുമായ പ്രതിരോധശേഷി വർദ്ധിപ്പിക്കുന്ന ഈ ജ്യൂസ് വീട്ടിൽ പരീക്ഷിച്ചുനോക്കൂ,