ഡ്രാഗണ് ഫ്രൂട്ട് വെറുമൊരു ഫ്രൂട്ടല്ല; ആരോഗ്യ സംരക്ഷണത്തിന് ഉത്തമം: ഇത് അറിയാതെ പോകരുത്
അടുത്ത കാലത്ത് മലയാളിയുടെ മേശയില് ഇടംപിടിച്ച പഴമാണ് ഡ്രാഗണ് ഫ്രൂട്ട്. രുചിയില് മറ്റു പഴങ്ങളുടെ അത്ര വരില്ലെങ്കിലും ആരോഗ്യ ഗുണങ്ങളില് കേമനാണ്. ഡ്രാഗണ് ഫ്രൂട്ടിന്റെ ആരോഗ്യ ഗുണങ്ങളെക്കുറിച്ച് പലര്ക്കും അറിയാം. പ്രത്യേകിച്ച് പ്രമേഹ രോഗികള്ക്ക് ഉള്പ്പെടെ ഇത് ധൈര്യമായി കഴിക്കാം. ഇതിലുള്ള ജലാംശം കാരണം സൗന്ദര്യ സംരക്ഷണത്തിലും മികച്ച ഫലം നല്കാന് ഡ്രാഗണ് ഫ്രൂട്ടിന് കഴിയും. നാരുകള്, വിറ്റാമിനുകള്, ശക്തമായ ആന്റിഓക്സിഡന്റുകള്, ഉയര്ന്ന ജലാംശം എന്നിവയുടെ കലവറയാണ് ഡ്രാഗണ് ഫ്രൂട്ട്. പ്രതിരോധശേഷി മെച്ചപ്പെടുത്തുന്നത് ഉള്പ്പെടെ രക്തത്തിലെ പഞ്ചസാര നിയന്ത്രിക്കാന് വരെ ഈ പഴത്തിന് കഴിവുണ്ട്.
ദഹനം, പ്രതിരോധശേഷി, ഹൃദയാരോഗ്യം എന്നിവ മെച്ചപ്പെടുത്തുന്ന അവശ്യ പോഷകങ്ങളാല് സമ്പന്നമാണ് ഡ്രാഗണ് ഫ്രൂട്ട്. ഭക്ഷണത്തില് ഇത് സ്ഥിരമായി ഉള്പ്പെടുത്തിയാല് അത് ആരോഗ്യത്തിലും പ്രതിഫലിക്കും. ഡ്രാഗണ് ഫ്രൂട്ടില് പ്രീബയോട്ടിക് നാരുകള് ധാരാളമായി അടങ്ങിയിരിക്കുന്നു. ഇത് കുടലില് ആരോഗ്യകരമായ ബാക്ടീരിയകള് (ഗട്ട് മൈക്രോബയോം) വളരാന് അനുവദിക്കുന്നു. ഇത് ദഹനത്തെ പിന്തുണയ്ക്കുകയും വയറു വീര്ക്കല്, ഗ്യാസ് കെട്ടല് ഉള്പ്പെടെയുള്ള പ്രശ്നങ്ങള് കുറയ്ക്കാന് സഹായിക്കുകയും ചെയ്യുന്നു.
വിറ്റാമിന് സി, ഫ്ളേവനോയ്ഡുകള് എന്നിവയാല് സമ്പന്നമാണ് ഡ്രാഗണ് ഫ്രൂട്ട്. വിറ്റാമിന് സി ഒരു ശക്തമായ ആന്റിഓക്സിഡന്റായി പ്രവര്ത്തിക്കുന്നു. ഇത് രോഗപ്രതിരോധ സംവിധാനത്തെ ശക്തിപ്പെടുത്താനും അണുബാധകളെ പ്രതിരോധിക്കാനും സഹായിക്കുന്നു.
ഡ്രാഗണ് ഫ്രൂട്ടില് വിറ്റാമിന് സി, ബി3, ഇ, മഗ്നീഷ്യം, നാരുകള്, ആന്റിഓക്സിഡന്റുകള് എന്നിവ അടങ്ങിയിട്ടുള്ളതിനാല് ഹൃദയാരോഗ്യത്തിനും നല്ലതാണ്. ചുവന്ന ഡ്രാഗണ് ഫ്രൂട്ടിലെ ബീറ്റാലെയ്നുകള് മോശം കൊളസ്ട്രോള് (എല്ഡിഎല്) കുറയ്ക്കാന് സഹായിക്കും. ഡ്രാഗണ് ഫ്രൂട്ടിലെ വിത്തുകളിലുള്ള ഒമേഗ-3 ഫാറ്റി ആസിഡുകളാണ് ഹൃദയാരോഗ്യം മെച്ചപ്പെടുത്തുന്നത്. 80 ശതമാനത്തിലധികം ജലാംശമുള്ള ഈ പഴം ശരീരത്തിലെ ജലാംശം നിലനിര്ത്തുന്നു. നല്ല ജലാംശമുള്ളിനാല് വ്യായാമത്തിന് ശേഷമുള്ള മികച്ച ലഘുഭക്ഷണമാണിത്.
രക്തത്തിലെ പഞ്ചസാര നിയന്ത്രിക്കാന് ഡ്രാഗണ് ഫ്രൂട്ടിന് കഴിവുണ്ട്. ഗ്ലൂക്കോസ് ആഗിരണം ചെയ്യുന്നത് മന്ദഗതിയിലാക്കുന്നതിലൂടെ രക്തത്തിലെ പഞ്ചസാരയുടെ അളവ് സ്ഥിരപ്പെടുത്താന് സഹായിക്കുന്നു. അതേസമയം, ഡ്രാഗണ് ഫ്രൂട്ട് മിക്കവാറും എല്ലാവര്ക്കും സുരക്ഷിതമാണെങ്കിലും, താഴെപ്പറയുന്നവര് ജാഗ്രത പാലിക്കണം:
പഴത്തിനോട് അലര്ജിയുള്ളവരും രക്തസമ്മര്ദ്ദം കുറവുള്ളവരും ശ്രദ്ധിക്കണം. മരുന്ന് കഴിക്കുന്ന പ്രമേഹരോഗികള് രക്തത്തിലെ പഞ്ചസാരയുടെ അളവ് നിരീക്ഷിച്ച് ഡോക്ടറുടെ നിര്ദ്ദേശം തേടണം. വൃക്ക പ്രശ്നങ്ങളുള്ളവരും ശ്രദ്ധയോടെ ഉപയോഗിക്കുക.
Click it and Unblock the Notifications
Sign in with Google