പാല് ചൂടോടെ കുടിക്കണോ..? അതോ തണുത്തിട്ടോ..? ഏതാണ് ബെസ്റ്റന്നറിയാമോ..!
പോഷകപ്രദമായ പാനീയങ്ങളില് മുന്പന്തിയിലാണ് പാലിന്റെ സ്ഥാനം. പാല് കൂടുതല് പോഷക ഗുണമുള്ളതാക്കാന് അതിലേക്ക് ചില ചേരുവകള് ചേര്ക്കാന് ആഗ്രഹിക്കുന്നവരാണ് നമ്മളില് ഭൂരിഭാഗം പേരും. മഞ്ഞള്, ബദാം, പിസ്ത, കുങ്കുമപ്പൂവ് അങ്ങനെ പലതും പാലില് ചേര്ത്ത് കഴിക്കാറുണ്ട്. കാത്സ്യം, വിറ്റാമിന് ഡി, പൊട്ടാസ്യം എന്നിവയുടെ ഏറ്റവും മികച്ച ആരോഗ്യകരമായ ഉറവിടങ്ങളില് ഒന്നായി പാല് കണക്കാക്കപ്പെടുന്നു.
ഒമ്പത് അവശ്യ അമിനോ ആസിഡുകളും അടങ്ങിയ ഗുണനിലവാരമുള്ള പ്രോട്ടീന്റെ സമ്പന്നമായ ഉറവിടമാണ് പാല്. അതിനാല് തന്നെ ഇതിന് ധാരാളം ആരോഗ്യ ഗുണങ്ങള് നല്കാന് കഴിയും. എന്നാല് പല ആളുകളും പാല് കഴിക്കുന്ന രീതി വ്യത്യസ്തമായിരിക്കും. ചിലര് ഇത് ചൂടോടെ കുടിക്കാന് ഇഷ്ടപ്പെടുന്നു. എന്നാല് മറ്റുള്ളവര് തണുത്ത് കഴിഞ്ഞ ശേഷം പാല് കുടിക്കാനായിരിക്കും ആഗ്രഹിക്കുക.
ഇത് ആരോഗ്യകരമാണോ അല്ലെങ്കില് പ്രത്യേകമായി വല്ല വ്യത്യാസവമുണ്ടോ എന്നതിനെ കുറിച്ചാണ് ഇനി പറയാന് പോകുന്നത്. ചൂടുള്ള പാലും തണുത്ത പാലും അതുല്യമായ നേട്ടങ്ങളാണ് പ്രദാനം ചെയ്യുന്നത്. ചൂടുള്ള പാല് കുടിക്കുന്നത് നിങ്ങളെ ഊഷ്മളമാക്കുകയും ഉറക്കം വര്ധിപ്പിക്കുകയും ചെയ്യും. കിടക്കുന്നതിന് മുമ്പ് ചൂടുള്ള പാല് കുടിക്കുന്നത് കൊണ്ടുള്ള ഒരു പ്രധാന ഗുണം നല്ല ഉറക്കമാണ്.
ചൂടുള്ള പാല് ശരീരത്തെ ചൂടാക്കുകയും തണുപ്പില് നിന്ന് സംരക്ഷിക്കുകയും ചെയ്യുന്നു. പാലില് അടങ്ങിയിരിക്കുന്ന ട്രിപ്റ്റോഫാന് എന്ന അമിനോ ആസിഡ് ശരീരത്തില് ഉറക്കം നല്കുന്ന രാസ വസ്തുക്കളായ സെറോടോണിന്, മെലറ്റോണിന് എന്നിവ ഉത്പാദിപ്പിക്കുന്നതിനാലാണ് നല്ല ഉറക്കം പ്രദാനം ചെയ്യുന്നത്. എന്നാല് ഇത് മാത്രമല്ല, ചൂടുള്ള പാല് മറ്റ് ചില ഗുണങ്ങളും നല്കുന്നുണ്ട്.
പേശികളെ നന്നാക്കാനും അസ്ഥികളുടെ സാന്ദ്രത വീണ്ടെടുക്കാനും ഇത് സഹായിക്കുന്നു, കാരണം ചൂടാക്കല് പ്രക്രിയ പാലില് അടങ്ങിയിരിക്കുന്ന എന്സൈമുകളെ സജീവമാക്കുന്നു. ഇവ പിന്നീട് ശരീരം നന്നായി ആഗിരണം ചെയ്യും. രക്തത്തിലെ പഞ്ചസാരയുടെ അളവ് നിയന്ത്രിക്കാനും ചൂട് പാല് സഹായിക്കുന്നു. വിശപ്പിനുള്ള ആസക്തി കുറയ്ക്കുന്നതിലൂടെ ശരീര ഭാരം കുറയ്ക്കാനും ഇത് സഹായിക്കും.
വായുടെ ആരോഗ്യത്തെ നിയന്ത്രിക്കാനും ചൂട് പാലിന് സാധിക്കും. കാരണം പാലിന് നിങ്ങളുടെ പല്ലിന്റെ ഇനാമലില് ഒരു സംരക്ഷണ ഫലം തീര്ക്കാനാകും. ഇത് പല്ല് നശിക്കാനുള്ള സാധ്യതയും കുറയ്ക്കുന്നു. ചൂട് പാല് പ്രായവുമായി ബന്ധപ്പെട്ട പേശികളുടെ നഷ്ടം കുറയ്ക്കാന് സഹായിക്കുകയും വ്യായാമത്തിന് ശേഷം പേശികളുടെ അറ്റകുറ്റപ്പണി പ്രോത്സാഹിപ്പിക്കുകയും ചെയ്യുന്നു.
എന്നാല് ചൂടുള്ള പാല്, തെറ്റായ സമയത്തും അനുയോജ്യമല്ലാത്ത കാലാവസ്ഥയിലും കഴിക്കുമ്പോള്, മ്യൂക്കസും മറ്റ് പല ആരോഗ്യ പ്രശ്നങ്ങളും ഉണ്ടാക്കും എന്ന കാര്യവും ആരോഗ്യ വിദഗ്ധര് മുന്നറിയിപ്പ് നല്കുന്നു. മറുവശത്ത്, തണുത്ത പാല് ഒരു അസിഡിറ്റി റിലീവറാണ്. ധാന്യങ്ങള്ക്കൊപ്പം തണുത്ത പാല് കുടിക്കാവുന്നതാണ്. വേനല്ക്കാലത്ത് നിര്ജലീകരണം തടയാന് തണുത്ത പാല് കുടിക്കാം.
തണുത്ത പാലിലെ കാത്സ്യത്തിന്റെ സാന്നിധ്യം നിങ്ങളുടെ ശരീരത്തിന്റെ മെറ്റബോളിസം മെച്ചപ്പെടുത്തുകയും കൂടുതല് കലോറി കത്തിക്കുകയും ചെയ്യുന്നു. തണുത്ത പാലില് അവശ്യ മൈക്രോ ന്യൂട്രിയന്റുകളും ഇലക്ട്രോലൈറ്റുകളും അടങ്ങിയിട്ടുണ്ട്. ഇത് നമ്മുടെ ശരീരത്തെ സൂപ്പര് ചാര്ജ്ജ് ആയി നിലനിര്ത്തുന്നു. അതില് അടങ്ങിയിരിക്കുന്ന ഇലക്ട്രോലൈറ്റുകള് ഒരു ലഘുഭക്ഷണത്തിന്റെ ഫലം നല്കുന്നു.
അതിനാല് നിങ്ങള്ക്ക് കൂടുതല് സംതൃപ്തി അനുഭവപ്പെടുകയും വിശപ്പിനെ മറികടക്കുകയും ചെയ്യാം. തണുത്ത പാല് ശരീരത്തില് പുരട്ടുന്നത് നിങ്ങളുടെ ചര്മ്മത്തിന്റെ ഘടനയെ വളരെയധികം മെച്ചപ്പെടുത്തും എന്നും ആരോഗ്യ വിദഗ്ധര് പറയുന്നു.
Click it and Unblock the Notifications
Sign in with Google