കൊളസ്ട്രോൾ ബുദ്ധിമുട്ടിക്കുന്നുണ്ടോ? ഉലുവയും കറുവപ്പട്ടയും ഇതുപോലെ ഉപയോഗിച്ച് നോക്കൂ, ഫലം കിട്ടും
വേൾഡ് ഹാർട്ട് ഫെഡറേഷന്റെ കണക്കനുസരിച്ച് ഏകദേശം 39 ശതമാനം മുതിർന്നവർക്കും കൊളസ്ട്രോൾ സംബന്ധമായ പ്രശ്നങ്ങളുണ്ട്. ആരോഗ്യകരമല്ലാത്ത ജീവിത ശൈലി,പൂരിത കൊഴുപ്പുകളും പഞ്ചസാരയും അടങ്ങിയ അനാരോഗ്യ ഭക്ഷണ ക്രമം തുടങ്ങിയ പ്രശ്നങ്ങൾ കൊളസ്ട്രോളിന് കാരണം ആയേക്കാം.
അമിതമായ ലോ ഡെൻസിറ്റി ലിപ്പോപ്രോട്ടീൻ (എൽ ഡി എൽ) കൊളസ്ട്രോൾ ധമനികളിൽ അടിഞ്ഞുകൂടുകയും രക്തപ്രവാഹത്തിന് കാരണമാവുകയും ഹൃദയ സംബന്ധമായ അസുഖങ്ങൾ ഉണ്ടാകാനുള്ള സാധ്യത വർദ്ധിപ്പിക്കുകയും ചെയ്യുന്നു. ചിട്ടയായ വ്യായാമം, ഹൃദയാരോഗ്യകരമായ ഭക്ഷണക്രമം എന്നിവ പോലുള്ള ജീവിതശൈലി കൊളസ്ട്രോളിൻ്റെ അളവ് നിയന്ത്രിക്കാൻ സഹായിക്കും.
അത് പോലെ കൊളസ്ട്രോൾ നിയന്ത്രിക്കാൻ സഹായിക്കുന്ന നിരവധി ഭക്ഷണങ്ങളുമുണ്ട്. കൊളസ്ട്രോൾ നിയന്ത്രിക്കാൻ സഹായിക്കുന്ന രണ്ട് സുഗന്ധവ്യഞ്ജനങ്ങളെക്കുറിച്ചാണ് ഇനി പറയുന്നത്. ഉലുവ, കറുവാപ്പട്ട എന്നീ സാധനങ്ങൾ ചീത്ത കൊളസ്ട്രോൾ കുറയ്ക്കാൻ സഹായിക്കുന്നു.
ഉലുവയിൽ കൊളസ്ട്രോൾ കുറയ്ക്കാൻ സഹായിക്കുന്ന ലയിക്കുന്ന നാരുകൾ ഉണ്ട്. അതേ സമയം കറുവപ്പട്ടയിൽ ഹൃദയാരോഗ്യത്തെ സഹായിക്കുന്ന ആന്റി ഓക്സിഡന്റുകൾ ഉണ്ട്. ഒരുമിച്ച് അവ പരസ്പരം കൊളസ്ട്രോൾ കുറയ്ക്കുന്ന ഗുണങ്ങൾ വർദ്ധിപ്പിക്കുന്നു. ഉലുവ എൽ ഡി എൽ (മോശം) കൊളസ്ട്രോൾ കുറയ്ക്കാൻ സഹായിക്കും. കറുവപ്പട്ട രക്തത്തിലെ പഞ്ചസാരയുടെ അളവ് നിയന്ത്രിക്കുന്നു. കൊളസ്ട്രോൾ വർദ്ധിപ്പിക്കുന്നത് തടയുന്നു.
ചായ, കഷായങ്ങൾ, അല്ലെങ്കിൽ പാചക ഉപയോഗങ്ങൾ എന്നിവയിലൂടെ ഇവ ഭക്ഷണത്തിന്റെ ഭാഗം ആക്കി കൊളസ്ട്രോളിൻ്റെ അളവ് നിയന്ത്രിക്കാനും ഹൃദയ സംബന്ധമായ ക്ഷേമം പ്രോത്സാഹിപ്പിക്കാനും കഴിയും. ഉയർന്ന കൊളസ്ട്രോൾ നിയന്ത്രിക്കാൻ ഉലുവയും കറുപ്പട്ടയും ചേർത്തുള്ള ചായ കുടിക്കാം. അല്ലെങ്കിൽ വെള്ളം കുടിക്കുന്നത് നല്ലതാണ്. ഇത് ആരോഗ്യത്തിന് ഗുണം ചെയ്യും.
കറുവപ്പട്ടയും ഉലുവ വെള്ളവും തയ്യാറാക്കാൻ എല്ലാ ദിവസവും വൈകുന്നേരം ഒരു ടീസ്പൂൺ ഉലുവ വെള്ളത്തിൽ കുതിർക്കുക. രാവിലെ ഇത് നന്നായി തിളപ്പിക്കുക. ഒരു ടീസ്പൂൺ കറുവപ്പട്ട പൊടി ചേർക്കുക. നന്നായി തിളച്ച ശേഷം അരിച്ചെടുത്ത് ചായ പോലെ കുടിക്കാം. മധുരം വർദ്ധിപ്പിക്കാൻ ഒരു ടീ സ്പൂൺ തേൻ ചേർക്കാം.
ഉലുവയും കറുവാപ്പട്ട വെള്ളവും കഴിക്കുന്നത് ശരീരത്തിൽ അടിഞ്ഞ് കൂടിയ അഴുക്ക് നീക്കം ചെയ്യാൻ ഏറെ ഗുണം ചെയ്യും. ഇതിലടങ്ങുന്ന ഔഷധ ഗുണങ്ങൾ ശരീരത്തിലെ വിഷാംഷം ഇല്ലാതാക്കാൻ സഹായിക്കുന്നു. ഉലുവയും കറുവപ്പട്ട വെള്ളവും പതിവായി കുടിക്കുന്നത് ശരീരത്തിലെ അഴുക്ക് എളുപ്പത്തിൽ നീക്കം ചെയ്യുകയും രക്തം ശുദ്ധീകരിക്കാൻ സഹായിക്കുകയും ചെയ്യും.
Click it and Unblock the Notifications
Sign in with Google