പച്ചക്കറിത്തോട്ടം മുഴുവൻ പെരുച്ചാഴി കയറി നശിപ്പിച്ചോ, ഇവയെ തുരത്താൻ 5 എളുപ്പ വഴികളിതാ
വലിപ്പത്തിൽ ചെറുതാണെങ്കിലും നമ്മുടെ പൂന്തോട്ടങ്ങളും പച്ചക്കറിത്തോട്ടങ്ങളും വലിയ രീതിയിൽ നശിപ്പിക്കുന്നവരാണ് പെരുച്ചാഴികൾ. മണ്ണിൽ ഇര തേടി ഇവ തുരങ്കങ്ങൾ ഉണ്ടാക്കുന്നത് കാരണം ചെടികളുടെ വേരുകൾ ഇളകുകയും, മണ്ണ് കൂനകൂടി കിടക്കുകയും ചെയ്യാറുണ്ട്.
ഇവ സാധാരണയായി ചെടികൾ തിന്നാറില്ലെങ്കിലും പുൽത്തകിടികൾക്കും പച്ചക്കറിത്തോട്ടങ്ങൾക്കും വലിയ ശല്യമാണ്. ഇവയെ ഉപദ്രവിക്കാതെ തന്നെ തോട്ടത്തിൽ നിന്ന് അകറ്റി നിർത്താൻ സഹായിക്കുന്ന 5 എളുപ്പവഴികൾ ഇതാ..
1. അവയുടെ ഭക്ഷണം കുറയ്ക്കുക
മണ്ണിൽ ധാരാളമായി കാണുന്ന പുഴുക്കളും ചെറുപ്രാണികളുമാണ് ഇവയുടെ പ്രധാന ഭക്ഷണം. മണ്ണിൽ ഇവയുടെ എണ്ണം കൂടിയാൽ സ്വാഭാവികമായും പെരുച്ചാഴികൾ ആകർഷിക്കപ്പെടും. മണ്ണിന്റെ ഫലഭൂയിഷ്ഠതയ്ക്ക് മൺകൂനകൾ ആവശ്യമാണെങ്കിലും, പുഴുക്കളുടെ ശല്യം നിയന്ത്രിക്കുന്നത് വഴി ഇവ തോട്ടത്തിലേക്ക് വരുന്നത് ഒരു പരിധി വരെ തടയാം.
2. തോട്ടം എപ്പോഴും വൃത്തിയായി സൂക്ഷിക്കുക
കാടുപിടിച്ചു കിടക്കുന്ന തോട്ടങ്ങൾ ഇത്തരം ജീവികൾക്ക് ഒളിച്ചിരിക്കാൻ നല്ലൊരു താവളമാണ്. നീളം കൂടിയ പുല്ല്, കരിയിലക്കൂട്ടങ്ങൾ എന്നിവയെല്ലാം ഇവയ്ക്ക് അനുകൂല സാഹചര്യമൊരുക്കുന്നു. പുല്ല് കൃത്യമായി വെട്ടി ഒതുക്കുകയും തോട്ടത്തിലെ മാലിന്യങ്ങൾ മാറ്റുകയും ചെയ്താൽ ഇവ വരുന്നത് തടയാൻ സാധിക്കും.
3. പ്രകൃതിദത്തമായ ചെടികൾ നട്ടുപിടിപ്പിക്കുക
ചില പ്രത്യേക ഗന്ധമുള്ള ചെടികൾ ഇവയെ അകറ്റി നിർത്താൻ സഹായിക്കും. ചെണ്ടുമല്ലി, ഡാഫോഡിൽസ്, ആലിയം, ആവണക്ക് തുടങ്ങിയ ചെടികൾ തോട്ടത്തിന്റെ അതിരുകളിൽ വെച്ചുപിടിപ്പിക്കുന്നത് നല്ലതാണ്. ഇത് തോട്ടത്തിന് ഭംഗി കൂട്ടുക മാത്രമല്ല, ഇത്തരം ജീവികളെ അകറ്റുകയും ചെയ്യും.
4. അവ ഉണ്ടാക്കുന്ന തുരങ്കങ്ങൾ നശിപ്പിക്കുക
ഇവ സ്ഥിരമായി സഞ്ചരിക്കുന്ന പുതിയ തുരങ്കങ്ങൾ ശ്രദ്ധയിൽപ്പെട്ടാൽ അവ മണ്ണ് ഇട്ട് മൂടുകയോ നിരപ്പാക്കുകയോ ചെയ്യുക. ഈ സ്ഥലം സുരക്ഷിതമല്ല എന്ന് മനസ്സിലാക്കാൻ ഇത് സഹായിക്കും. ഒരു തവണ ചെയ്താൽ മാത്രം പോരാ, നിരന്തരമായി ഇത് ചെയ്യുമ്പോൾ അവ സ്വയം മറ്റെവിടെയെങ്കിലും മാറിപ്പോകും.
5. ഭൂമിക്കടിയിൽ തടസ്സങ്ങൾ നിർമ്മിക്കുക
ഈ ശല്യം വളരെ കൂടുതലാണെങ്കിൽ പച്ചക്കറിത്തോട്ടങ്ങൾക്കും പൂന്തോട്ടങ്ങൾക്കും ചുറ്റും ഭൂമിക്കടിയിലൂടെ കമ്പിവലകളോ പ്രത്യേക വേലികളോ സ്ഥാപിക്കാവുന്നതാണ്. ഇത് ചെടികളുടെ വളർച്ചയെ ബാധിക്കില്ല, എന്നാൽ ജീവികൾ മണ്ണ തുരന്ന് ഉള്ളിലേക്ക് കയറുന്നത് പൂർണ്ണമായി തടയും.
Click it and Unblock the Notifications
Sign in with Google