അകാല നരയാണോ പ്രശ്നം? 20 മിനിറ്റിൽ മാറ്റാം; ഈ മാന്ത്രിക കൂട്ട് പരീക്ഷിക്കൂ

ചെറുപ്പക്കാരെപ്പോലും ഇന്ന് അലട്ടുന്ന വലിയൊരു പ്രശ്നമാണ് അകാലനര(How to prevent premature grey hair). മുടി നരയ്ക്കുന്നത് പലരിലും ആത്മവിശ്വാസം കുറയ്ക്കാൻ കാരണമാകാറുണ്ട്. വിപണിയിൽ ലഭ്യമായ കെമിക്കൽ ഡൈകൾ ഉപയോഗിക്കുന്നത് മുടിയുടെ ആരോഗ്യത്തെയും ശിരോചർമ്മത്തെയും ദോഷകരമായി ബാധിക്കും. എന്നാൽ നമ്മുടെ അടുക്കളയിലെ കടുക് ഉപയോഗിച്ച് വളരെ എളുപ്പത്തിൽ മുടിക്ക് സ്വാഭാവിക കറുപ്പ് നിറം നൽകാൻ സാധിക്കുമെന്ന് നിങ്ങൾക്കറിയാമോ? കടുകിലെ ആന്റിഓക്‌സിഡന്റുകളും സെലീനിയവും മുടിയുടെ കറുപ്പ് നിറം നിലനിർത്തുന്ന മെലാനിൻ ഉൽപ്പാദനം വർദ്ധിപ്പിക്കാൻ സഹായിക്കുന്നു.

ആവശ്യമായ ചേരുവകൾ

കടുക് - 2 ടേബിൾ സ്പൂൺ

കടുക് എണ്ണ (അല്ലെങ്കിൽ വെളിച്ചെണ്ണ) - 1 ടേബിൾ സ്പൂൺ

കറിവേപ്പില - ഒരു പിടി

തയ്യാറാക്കുന്ന വിധം

ആദ്യം അടി കട്ടിയുള്ള ഒരു പാത്രം അടുപ്പത്ത് വെച്ച് ചൂടാക്കുക. അതിലേക്ക് രണ്ട് സ്പൂൺ കടുക് ചേർത്ത് നന്നായി വറുത്തെടുക്കുക. കടുക് കരിഞ്ഞുപോകാതെ നന്നായി പൊട്ടിത്തീരുന്നത് വരെ വറുക്കണം. ഇതിലേക്ക് ഒരു പിടി കറിവേപ്പില ചേർത്ത് വീണ്ടും ഇളക്കുക. കറിവേപ്പിലയിലെ ഈർപ്പം മാറി നന്നായി മൊരിഞ്ഞു വരുമ്പോൾ തീ ഓഫ് ചെയ്യാം. ഈ മിശ്രിതം ചൂടാറിയ ശേഷം മിക്സിയിലിട്ട് നന്നായി പൊടിച്ചെടുക്കുക. ഈ പൊടിയിലേക്ക് കടുക് എണ്ണയോ ശുദ്ധമായ വെളിച്ചെണ്ണയോ ചേർത്ത് നല്ല കുഴമ്പ് രൂപത്തിലാക്കുക.

തയ്യാറാക്കിയ ഈ മിശ്രിതം നരച്ച മുടിയിഴകളിൽ നന്നായി തേച്ചുപിടിപ്പിക്കുക. 20 മുതൽ 30 മിനിറ്റ് വരെ ഇത് മുടിയിൽ വെക്കണം. ശേഷം വീര്യം കുറഞ്ഞ ഷാംപൂവോ അല്ലെങ്കിൽ വെറും വെള്ളമോ ഉപയോഗിച്ച് മുടി കഴുകിക്കളയാം. ആഴ്ചയിൽ ഒന്നോ രണ്ടോ തവണ ഇത് ആവർത്തിക്കുന്നത് വഴി മുടിക്ക് സ്വാഭാവികമായ കറുപ്പ് നിറം ലഭിക്കും.

കടുകിൽ ഒമേഗ-3 ഫാറ്റി ആസിഡുകൾ, വിറ്റാമിൻ എ, ഇ, കെ എന്നിവ ധാരാളമായി അടങ്ങിയിട്ടുണ്ട്. ഇത് തലയോട്ടിയിലെ രക്തചംക്രമണം വർദ്ധിപ്പിക്കുകയും മുടി വേരുകളിൽ നിന്ന് ശക്തിപ്പെടുത്തുകയും ചെയ്യുന്നു. കടുകിലെ ആന്റി ബാക്ടീരിയൽ ഗുണങ്ങൾ താരൻ അകറ്റാനും സഹായിക്കുന്നു.