സ്ത്രീകളുടെ ഇടംകണ്ണ് തുടിക്കുന്നത് നല്ലതോ ചീത്തയോ? ഇക്കാര്യം അറിയാമോ

By Desk

Published: Monday, February 5, 2024, 15:31 [IST]

മിക്ക ആളുകളും അവരുടെ ജീവിതത്തില്‍ ഒരിക്കലെങ്കിലും അനുഭവിച്ചിട്ടുള്ള ഒരു പതിവ് പ്രതിഭാസമാണ് കണ്ണ് തുടിക്കുന്നത്. പണ്ട് കാലം കൊട്ട് ആളുകള്‍ അവരുടെ ഏത് കണ്ണ് തുടിക്കുന്നു എന്നതിനെ അടിസ്ഥാനമാക്കി നല്ലതും ഭയാനകവുമായ സംഭവങ്ങളുടെ വരവ് പ്രവചിക്കാറുണ്ട്. ഇടത് കണ്ണ് തുടിക്കുന്നത് സ്ത്രീകള്‍ക്കും പുരുഷന്മാര്‍ക്കും വ്യത്യസ്തമായ അനുഭവങ്ങളാണ് സമ്മാനിക്കുക എന്നാണ് പൊതുവെ ഉള്ള വിശ്വാസം.

സ്ത്രീകളുടെ ഇടത് കണ്ണ് തുടിക്കുന്നത് ശുഭകരമാണ് എന്നാണ് പറയപ്പെടുന്നത്. ഇടത് കണ്ണ് ചലിപ്പിക്കുന്നത് എന്തെങ്കിലും നല്ലത് സംഭവിക്കാന്‍ പോകുന്നുവെന്ന് സൂചിപ്പിക്കുന്നു. നിങ്ങള്‍ ഏറെ കാത്തിരിക്കുന്ന അല്ലെങ്കില്‍ ആഗ്രഹിക്കുന്ന ഒരു കാര്യം സഫലമാകാന്‍ പോകുന്നു എന്നാണ് ഇതിന്റെ അര്‍ത്ഥം. ഇത് പ്രണയം, തൊഴില്‍, പണം, നിയമ വ്യവഹാരങ്ങള്‍ തുടങ്ങി എന്തും ആകാം.

സ്ത്രീകളില്‍ ഇടത് കണ്ണ് തുടിക്കുന്നത് കുടുംബത്തില്‍ സന്തോഷത്തിന്റെ വരവിനെ സൂചിപ്പിക്കുന്നു. കുടുംബത്തിലെ എല്ലാ അംഗങ്ങളുമായും നിങ്ങളുടെ ബന്ധം മെച്ചപ്പെടുത്താന്‍ കഴിയുന്നതിനാല്‍ നിങ്ങളുടെ വീട് ശാന്തമായിരിക്കും. പങ്കാളിക്കൊപ്പം കൂടുതല്‍ സമയം ചെലവഴിക്കാന്‍ ഇത് വഴി സാധിക്കും എന്നാണ് ഇത് അര്‍ത്ഥമാക്കുന്നത്. മാത്രമല്ല പങ്കാളിയോട് കൂടുതല്‍ അടുപ്പം അനുഭവപ്പെടുകയും ചെയ്യും.

കണ്ണുകളുടെ എല്ലാ ഭാഗത്തും തുടിപ്പും അനുഭവപ്പെടുന്നുണ്ടെങ്കില്‍ അവള്‍ ഉടന്‍ വിവാഹിതയാകുമെന്ന് സൂചിപ്പിക്കുന്നു. കണ്ണിന്റെ മൂക്കിനോട് ചേര്‍ന്നുള്ള ഭാഗത്താണ് തുടിപ്പ് അനുഭവപ്പെടുന്നത് എങ്കില്‍ വലിയ സൗഭാഗ്യം നിങ്ങളിലേക്ക് എത്താന്‍ കാത്തിരിക്കുന്നു എന്നാണ് അര്‍ത്ഥമാക്കുന്നത്. എന്നാല്‍ ഇതിന് നേര്‍വിപരീതമാണ് പുരുഷന്‍മാരുടെ കണ്ണ് തുടിക്കുന്നത് കൊണ്ട് അര്‍ത്ഥമാക്കുന്നത്.

പുരുഷന്മാര്‍ക്ക് ഇടത് കണ്ണ് തുടിക്കുന്നത് വളരെയധികം കഠിനാധ്വാനവും ബുദ്ധിമുട്ടുള്ള സമയം വരാന്‍ പോകുന്നു എന്നതിന്റെ സൂചനയാണ്. അതുകൊണ്ട് ഇടത് കണ്ണില്‍ മിന്നിമറയുന്നത് പുരുഷന്മാര്‍ക്ക് നല്ലതല്ല. എന്നാല്‍ പുരുഷന്‍മാരുടെ വലത് കണ്ണ് തുടിക്കുന്നത് ശുഭസൂചനയാണ്. അത് മംഗളകരമായ എന്തെങ്കിലും സംഭവിക്കാന്‍ പോകുന്നു എന്നതിന്റെ സൂചനയാണ് എന്നാണ് വിശ്വാസം.

ഇത് അയാളുടെ കരിയര്‍, ബിസിനസ് എന്നിവയുമായി ബന്ധപ്പെട്ടതായിരിക്കും. ജോലിയില്‍ ശോഭിക്കാന്‍ സാധിക്കും എന്നാണ് പുരുഷന്‍മാരുടെ വലത് കണ്ണ് തുടിക്കുന്നത് കൊണ്ട് അര്‍ത്ഥമാക്കുന്നത്. അതേസമയം ഒരു സ്ത്രീയുടെ വലത് കണ്ണ് തുടിക്കുന്നത് ഒരു ദുശ്ശകുനമായി പറയപ്പെടുന്നു. സ്ത്രീകള്‍ക്ക് അവരുടെ കരിയറിനെക്കുറിച്ചോ ബിസിനസിനെക്കുറിച്ചോ അവരുടെ ജീവിതത്തിന്റെ മറ്റ് വശങ്ങളെക്കുറിച്ചോ ചില മോശം വാര്‍ത്തകള്‍ ലഭിച്ചേക്കാം എന്നാണ് ഇത് സൂചിപ്പിക്കുന്നത്.

Published On February 5, 2024