സ്റ്റീൽ സ്ക്രബറാണോ പാത്രം കഴുകാൻ ഉപയോഗിക്കുന്നത്? എന്നാൽ ഇക്കാര്യങ്ങൾ കൂടി അറിയാം
പാത്രങ്ങളും ചട്ടികളുമൊക്കെ വൃത്തിയാക്കാൻ സാധാരണയായി സ്റ്റീൽ സ്ക്രബറുകൾ ഉപയോഗിക്കാറില്ലേ. കുറച്ച് കൂടി വേഗത്തിൽ കറ കളയാൻ ഇത് സഹായിക്കും. എന്നാൽ ഇത് മാത്രമാണോ സ്റ്റീൽ സ്ക്രബറുകൾ കൊണ്ടുള്ള ഗുണം. പാത്രം കഴുകുന്ന സ്റ്റീൽ സ്ക്രബ് കൊണ്ട് വേറെന്ത് ഗുണം എന്നായിരിക്കും നിങ്ങൾ ചിന്തിക്കുന്നത്. ഒന്നല്ല ഒന്നിലധികം ഗുണങ്ങൾ ഉണ്ട്. എന്തൊക്കെയാണ് അവ എന്ന് അറിഞ്ഞാലോ?
കത്രികയുടെ മർച്ഛവർദ്ധിപ്പിക്കുവാൻ : അതെ കത്രികയുടെ മൂർച്ഛവർദ്ധിപ്പിക്കുന്നതിന് ഈ സ്ക്രബർ മതി. കേൾക്കുമ്പോൾ ഇതെങ്ങനെ എന്നല്ലേ മനസ്സിൽ വരുന്ന സംശയം. മൂർച്ഛയില്ലാത്ത കത്രിക കൊണ്ട് ഈ സ്റ്റീൽ സ്ക്രബർ മുറിച്ചാൽ മതി. ഇങ്ങനെ ചെയ്യുമ്പോൾ കത്രികയുടെ മൂർച്ഛ കൂടുമെന്നാണ് പറയുന്നത്.
തുരുമ്പിനെ ഇല്ലാതാക്കാം : ഇരുമ്പ് കത്തികൾ കത്രികൾ എന്നിവയ്ക്ക് പെട്ടെന്ന് തുരുമ്പ് പിടിക്കാറുണ്ട്,. തുരുമ്പ് പിടിച്ച ഇത്തരം സാധനങ്ങളുടെ തുരുമ്പ് കളയാൻ ഈ സ്റ്റീൽ സ്ക്രബർ മതി. സ്ക്രബർ എടുത്ത് തുരുമ്പെടുത്ത ഭാഗങ്ങളിൽ ഉരച്ച് കൊടുക്കുക. തുരുമ്പ് പോകും.
ബാത്റൂമിലെ ബ്ലോക്ക് മാറ്റാൻ : ബാത്ത് റൂമിലെ വെള്ളം ഒഴികിപോകുന്ന ദ്വാരത്തിന് മുകളിൽ മുടി പോലുള്ള കെട്ടിക്കിടന്ന് വെള്ളം ഒഴുകിപ്പോകാതെ നിൽക്കുന്നുണ്ടോ. എന്നാൽ അവിടെ ഒരു സ്റ്റീൽ സ്ക്രബർ വെച്ചാൽ മതി. മുടി പോലെയുള്ള അഴുക്കുകൾ ഈ സ്റ്റീൽ സ്ക്രബറിൽല പറ്റിക്കിടന്നോളും. അഴുക്ക് നിറയുമ്പോൾ ഇത് എടുത്ത് കളയാം,
ഗ്രില്ലുകൾ വൃത്തിയാക്കാൻ: ചിക്കനൊക്കെ ഗ്രില്ല് ചെയ്യാൻ ഗ്രില്ല് ഉപയോഗിക്കാറില്ലേ. എന്നാൽ അതിന് ശേഷം വൃത്തിയാരക്കുക എന്ന് പറയുന്നത് അത്ര എളുപ്പമുള്ള കാര്യമല്ല. എന്നാൽ സ്റ്റീൽ സ്ക്രബർ കൊണ്ട് നിങ്ങൾക്ക് ഗ്രില്ല് വൃത്തിയാക്കാം. ഗ്രില്ല് മാത്രമല്ല ബേക്ക് ചെയ്യാൻ ഉപയോഗിച്ച പാത്രങ്ങളും സ്ക്രബ് ഉപയോഗിച്ച് പെട്ടെന്ന് വൃത്തിയാക്കാം.
മെഴുക് അടയാളങ്ങൾ വൃത്തിയാക്കാം: തറയിലോ ചുവരിലോ മെഴുകിന്റെയോ ക്രയോണിന്റെയോ അടയാളങ്ങൾ ഉണ്ടെങ്കിൽ നിങ്ങൾക്ക് ഈ സ്റ്റീൽ സ്ക്രബ്ബർ ഉപയോഗിച്ച് ഇല്ലാതാക്കാം. പാടുകൾ ഉള്ള ഭാഗത്ത് സ്ക്രബർ കൊണ്ട് മൃദുവായി ഉരച്ച് കൊടുത്താൽ മിതി.
Click it and Unblock the Notifications
Sign in with Google