മുളക് പൊടിയും മഞ്ഞൾപ്പൊടിയും ഫ്രിഡ്ജിൽ വെയ്ക്കാമോ? ഈ അബദ്ധങ്ങൾ ചെയ്യല്ലേ
മഞ്ഞൾ, മല്ലി, ഗരം മസാല, കറുവപ്പട്ട, ഉലുവ, കായം പൊടി, കുരുമുളക് പൊടി തുടങ്ങിയ മസാലകൾ ഇല്ലാതെ ഇന്ത്യൻ പാചകം പൂർണമാകില്ല. മസാലകളുടെ അളവാണ് കറിയുടെ രുചിയിൽ നിർണായക പങ്ക് വഹിക്കുന്നത്. എന്നാൽ മസാലകൾ സൂക്ഷിക്കുന്നത് അത് എളുപ്പമല്ല. കാരണം ചില അബന്ധങ്ങൾ ഇവ മോശമാകാൻ കാരണമാകും.
മസാലകൾ എത്ര മാസത്തേക്ക് സൂക്ഷിക്കാൻ പറ്റുമെന്ന് പറയാൻ പറ്റില്ല. കാരണം ഓരോ മസാലയും വ്യത്യസ്തമാണ്. ഘടന, പൊടിച്ച രീതി, ഉപയോഗിച്ച പാത്രം മുതലായവയ്ക്ക് അനുസരിച്ചിരിക്കും അത്. മസാലകൾ എന്നെന്നേക്കുമായി നിലനിൽക്കില്ല. ശരിയായി സൂക്ഷിച്ചില്ലെങ്കിൽ സുഗന്ധവും ഗുണനിലവാരവും നഷ്ടമാകും. മസാലകൾ സൂക്ഷിക്കുമ്പോൾ എന്തൊക്കെ കാര്യങ്ങളാണ് സൂക്ഷിക്കേണ്ടത് എന്ന് അറിഞ്ഞാലോ?
ശരിയായ പാത്രം ഉപയോഗിക്കുക: മസാലകൾ ശരിയായി പാത്രത്തിൽ സൂക്ഷിക്കുക. ഇത് മണവും ഗുണവും കൂടുതൽ കാലം നിലനിർത്താൻ സഹായിക്കുന്നു. വിവിധ ജാറുകൾ ലഭ്യമാണ്. എന്നാൽ മസാലകൾ ഗ്ലാസ് പാത്രങ്ങളിൽ സൂക്ഷിക്കാൻ ആണ് പറയുന്നത്. ഗ്ലാസ് പോലുള്ള വായു കടക്കാത്ത ജാറുകളിൽ മസാലകൾ കേട് കൂടാതെ സൂക്ഷിക്കാം.
സംഭരിക്കുന്നതിന് അനുയോജ്യമായ ഒരു സ്ഥലം തിരഞ്ഞെടുക്കുക: നിങ്ങൾ മസാലകൾ സൂക്ഷിക്കുന്ന സ്ഥലവും വളരെ പ്രധാനപ്പെട്ടതാണ്. കാരണം അവ കൂടുതൽ കാലം കേട് കൂടാതെ സൂക്ഷിക്കുക എന്നതാണ് ലക്ഷ്യം. നേരിട്ട് സൂര്യ പ്രകാശമോ ഈർപ്പമോ ഏൽക്കാത്ത തണുത്ത ഇരുണ്ട സ്ഥലമാണ് മസാലകൾ സൂക്ഷിക്കാൻ നല്ല സ്ഥലം. അത് പോലെ നിങ്ങൾ മസാലകൾ സൂക്ഷിക്കുന്ന സ്ഥലം അടുപ്പിന് മുകളില്ലല്ലെന്ന് ഉറപ്പാക്കണം.
നനഞ്ഞ സ്പൂണുകൾ ഉപയോഗിക്കുന്നത് ഒഴിവാക്കുക: പാത്രങ്ങളിൽ നിന്ന് മസാലകൾ എടുക്കുന്നതിനോ അളക്കുന്നതിനോ നനഞ്ഞ സ്പൂണുകൾ ഉപയോഗിക്കുന്നത് ഒഴിവാക്കുക. ഇങ്ങനെ ചെയ്യുന്നത് മസാല മോശമാകാകാൻ കാരണമായേക്കാം. മസാലകൾക്ക് ഈർപ്പമേക്കാതെ സൂക്ഷിക്കണം. ഒരു കാരണവശാലും നനഞ്ഞ സ്പൂൺ ഉപയോഗിക്കരുത്.
മസാലകൾ ഫ്രിഡ്ജിൽ വെയ്ക്കാമോ?
സാധാരണ ഭക്ഷണ സാധനങ്ങൾ കേടാവാതിരിക്കാൻ ഫ്രിഡ്ജിൽ വെയ്ക്കാറുണ്ട്. എന്നാൽ മസാലകൾ ഫ്രിഡ്ജിൽ വെയ്ക്കാമോ? ഫ്രിഡ്ജിലെ ഈർപ്പം വിവിധ സുഗന്ധവ്യഞ്ജനങ്ങളുടെ രുചി മാറുന്നതിനോ പൂപ്പലോ ബാക്ടീരിയയോ വളരാൻ പോലും കാരണമാകും. സുഗന്ധവ്യഞ്ജനങ്ങൾ വാക്വം സീൽ ചെയ്തിട്ടില്ലെങ്കിൽ ഫ്രീസറിലോ റഫ്രിജറേറ്ററിലോ സൂക്ഷിക്കുന്നത് ഒഴിവാക്കുക, അപ്പോൾ ഇക്കാര്യങ്ങളൊക്കെ സൂക്ഷിക്കുമല്ലോ
Click it and Unblock the Notifications
Sign in with Google