ഓറഞ്ച് മുതൽ വിനാഗിരി വരെ; അടുക്കളയും ബാത്ത് റൂമും വൃത്തിയാക്കാം ..ദുർഗന്ധം ഇല്ലാതാക്കാം
നിങ്ങൾ എത്ര പ്രാവശ്യം തുടച്ചാലും വൃത്തിയാക്കിയാലും വീട്ടിനകത്ത് ചില സമയത്ത് മോശം ഗന്ധം അങ്ങനെതന്നെ നിൽക്കും. അടുക്കള, കുളിമുറി, കിടപ്പുമുറി, സ്വീകരണമുറി എന്നിവടങ്ങളിലൊക്കെ ദുർഗന്ധം ഉണ്ടാവും. എങ്ങനെയാണ് ഈ ദുർഗന്ധം ഇല്ലാതാക്കുക.
അടുക്കളയിലും ബാത്ത്റൂമിലും ആയിരിക്കും ഇത്തരത്തിൽ ദുർഗന്ധം കൂടുതൽ ഉണ്ടാവുക. ദുർഗന്ധം മാറ്റാൻ പല വഴികൾ നോക്കി പരാജയപ്പെട്ടവരാണോ നിങ്ങൾചില ടിപ്പുകൾ നോക്കിയാലോ..
നിങ്ങളുടെ ചവറ്റുകൊട്ട വൃത്തിയാക്കുക: നിങ്ങൾ മറ്റ് മാലിന്യങ്ങൾ ഇടുന്ന ചവറ്റുകൊട്ടയാണ് ദുർഗന്ധം വരുന്ന പ്രധാനപ്പെട്ട ഏരിയ. ബേക്കിംഗ് സോഡ വിതറിക്കൊടുത്താൽ ഈ മണം ഒഴിവാക്കാം. ബാക്ടീരിയയെ നശിപ്പിക്കാൻ ലൈസോൾ പോലെയുള്ള അണുനാശിനി സ്പ്രേ ഉപയോഗിച്ച് സ്പ്രേ ചെയ്യുക.
നിങ്ങളുടെ മൈക്രോവേവിൽ നാരങ്ങ കഷ്ണങ്ങളും വെള്ളവും തിളപ്പിക്കുക: മൈക്രോ വേവിലാണ് എല്ലാം നിങ്ങൾ പാകം ചെയ്യുന്നത്. അതിനാൽ പല തരം ഗന്ധം ഉണ്ടാകാം. എല്ലാം മണവും ചേർന്ന് വല്ലാത്തൊരു ദുർഗന്ധം ആയിരിക്കും. ഈ ഗന്ധം ഒഴിവാക്കാൻ മാർഗമുണ്ട്. കുറച്ച് വെള്ളത്തില് നാരങ്ങ കഷ്ണങ്ങൾ ഇട്ട് കുറച്ച് മിനിറ്റ് തിളപ്പിച്ച് നീണ്ടുനിൽക്കുന്ന ദുർഗന്ധം ഒഴിവാക്കുക. മൈക്രോവേവ് വൃത്തിയായി തുടയ്ക്കുക, വായു സഞ്ചാരം ലഭിക്കുന്ന തരത്തിൽ കുറച്ച് നേരം തുറന്നിടാം.
കട്ടിംഗ് ബോർഡുകൾ അണുവിമുക്തമാക്കം: കട്ടിംഗ് ബോർഡിലാണ് രൂക്ഷ ഗന്ധം ഉള്ള ഉള്ളി, വെളുത്തുള്ളി എന്നിവ മുറിക്കുന്നത്. ഈ മണം കളയുക എന്നത് എളപ്പമുള്ള കാര്യമല്ല. ഉപ്പിൽ മുക്കിയ നാരങ്ങ കഷണം കൊണ്ട് കട്ടിംഗ് ബോർഡ് വൃത്തിയാക്കിയാൽ ഈ രൂക്ഷ ഗന്ധം കളയാം.
ബാത്ത് റൂം: നിങ്ങളുടെ ബാത്ത്റൂം വൃത്തിയാക്കുമ്പോൾ, ചില പ്രകൃതിദത്ത ഹാക്കുകളും വിനാഗിരിയും ഉപയോഗിക്കാം. വിനാഗിരിയും വെള്ളവും കലർത്തി വൃത്തിയാക്കുന്നത് അനാവശ്യ ദുർഗന്ധവും കറയും ഇല്ലാതാക്കാനുള്ള നല്ലൊരു വഴിയാണ്. ഒരു പാത്രത്തിൽ കുറച്ച് വിനാഗിരിയും വെള്ളവും സൂക്ഷിച്ച് കുളിമുറിയുടെ മൂലയിൽ വയ്ക്കുക. ഓരോ രണ്ടാഴ്ച കൂടുമ്പോഴും മിശ്രിതം മാറ്റാം.
നാരങ്ങയും ഓറഞ്ചും: സിട്രസിന്റെ ഉന്മേഷദായകമായ മണം സമ്മർദ്ദം കുറയ്ക്കുകയും നമ്മുടെ മാനസികാവസ്ഥയെ ഉത്തേജിപ്പിക്കുകയും ചെയ്യും. അതിനാൽ, നാരങ്ങ, ഓറഞ്ച് തുടങ്ങിയവ പ്രകൃതിദത്ത എയർ ഫ്രെഷനറായി പ്രവർത്തിക്കുന്നു. ഓറഞ്ച് തൊലികൾ എടുത്ത് ഉണക്കുക. നിങ്ങൾക്ക് ഓറഞ്ഞ് മണം ആവശ്യമുള്ളപ്പോഴെല്ലാം ഈ തൊലികൾ കത്തിക്കുക. നിങ്ങളുടെ വീട്ടിൽ ഇങ്ങനെ സുഗന്ധം നിറയ്ക്കാം.
Click it and Unblock the Notifications
Sign in with Google