മഴക്കാലമാണ്... നിങ്ങളുടെ അടുക്കള ഇപ്പോഴും ഇങ്ങനെയാണോ? എങ്കില് സൂക്ഷിക്കണം
മഴ തിമിര്ത്ത് പെയ്യുകയാണ് കേരളത്തില്. മഴക്കാലം രോഗങ്ങളുടെ കൂടെ കാലമാണ്. അതിനാല് തന്നെ മഴക്കാലത്ത് പരിസര ശുചിത്വം പാലിക്കേണ്ടത് പ്രധാനമാണ്. മഴക്കാലത്ത് ഏറ്റവും അധികം ശ്രദ്ധ കൊടുക്കേണ്ടയിടമാണ് അടുക്കള. ഭക്ഷണം പാകം ചെയ്യുന്ന സ്ഥലമായ അടുക്കള മഴക്കാലത്ത് പരിപാലിക്കുന്നത് ഒരു ശ്രമകരമായ ജോലിയാണ്. അടുക്കള ഈ സമയങ്ങളില് തുടര്ച്ചയായി നിരീക്ഷിക്കേണ്ടതുണ്ട്.
അത് ഭക്ഷണം തുറസായ സ്ഥലങ്ങളില് ഉപേക്ഷിക്കാതിരിക്കുന്നതില് ജാഗ്രത പുലര്ത്തുന്നത് മുതല് പാത്രങ്ങളില് വെള്ളം കെട്ടിക്കിടക്കുന്നില്ല എന്ന് ഉറപ്പാക്കുന്നത് വരെ നീളും. മഴകാലത്ത് അടുക്കളയില് നിങ്ങള് ഒഴിവാക്കേണ്ട ചില കാര്യങ്ങളെ കുറിച്ചാണ് ഇനി ഇവിടെ പറയാന് പോകുന്നത്. അതിലൂടെ നിങ്ങളുടെ പ്രിയപ്പെട്ടവരുടെ സുരക്ഷ ഉറപ്പാക്കാനും ഭക്ഷണത്തിലൂടെയുള്ള രോഗങ്ങളെ അകറ്റി നിര്ത്താനും കഴിയും.
വൃത്തിയാക്കല് അവഗണിക്കരുത്
മഴക്കാലത്ത് ശുചീകരണം അവഗണിക്കുന്നതാണ് നിങ്ങള് ചെയ്യുന്ന ഏറ്റവും വലിയ തെറ്റ്. അടുക്കള കൗണ്ടറിന് ചുറ്റും ചോര്ച്ചയും ഈര്പ്പമുള്ള അന്തരീക്ഷവും ഉള്ളതിനാല് പൂപ്പല് വേഗത്തില് വളരും. തടിയുടെ കാബിനറ്റുകള് ഉണ്ടെങ്കില് നിങ്ങള് അവ നന്നായി വൃത്തിയാക്കി ഉണക്കി സൂക്ഷിക്കേണ്ടതുണ്ട്. മൈക്രോവേവ്, റഫ്രിജറേറ്റര്, ഡിഷ് വാഷര് തുടങ്ങിയ ഉപകരണങ്ങളുടെ ഉപരിതലം വൃത്തിയാക്കുക. അടുക്കളയില് പാറ്റകളും കീടങ്ങളും ആക്രമിക്കുന്നത് തടയാനും വൃത്തിയാക്കല് സഹായിക്കും.
റഫ്രിജറേറ്റര് നിറക്കരുത്
നിങ്ങളുടെ റഫ്രിജറേറ്റര് എത്ര വലുതായാലും ചെറുതായാലും, അതില് സാധനങ്ങള് എല്ലാം കയറ്റി തിക്കി വെക്കരുത്. കാരണം അത് വായുസഞ്ചാരത്തെ തടസപ്പെടുത്തും. മഴക്കാലത്ത് അന്തരീക്ഷം ഈര്പ്പമുള്ളതിനാല്, ശരിയായ വായുസഞ്ചാരമില്ലാതിരിക്കുന്നത് ഫ്രിഡ്ജിനുള്ളില് ഈര്പ്പം ഉണ്ടാക്കാം. അസമമായ തണുപ്പിക്കല് പച്ചക്കറികള്, പഴങ്ങള്, മാംസം, പാകം ചെയ്ത ഭക്ഷണം എന്നിവ വേഗത്തില് കേടാകാന് ഇടയാക്കും. ഈര്പ്പം കൂടുന്നത് തടയാന് ഷെല്ഫുകള് ക്രമീകരിക്കുകയും ഭക്ഷണം വായു കടക്കാത്ത പാത്രങ്ങളില് പായ്ക്ക് ചെയ്യുകയും ചെയ്യുക.
ഭക്ഷണം മൂടിവെക്കാതിരിക്കരുത്
മഴക്കാലത്ത് പല കീടങ്ങളുടേയും പ്രജനന സമയം കൂടിയാണ്. നിങ്ങള് ഭക്ഷണം മൂടാതെ വെച്ചാല്, അത് ഈച്ചകള്, പാറ്റകള്, കൂടാതെ മറ്റുള്ളവയെ ആകര്ഷിക്കും. ഇത് മലിനീകരണത്തിനും ഭക്ഷണം പാഴാകുന്നതിനും ഭക്ഷ്യജന്യ രോഗത്തിനും കാരണമാവുകയും ചെയ്യും.
അസംസ്കൃത ഭക്ഷണം കഴിക്കുന്നത് ഒഴിവാക്കുക
നിങ്ങളുടെ പച്ചക്കറികള്, പഴങ്ങള്, മാംസം എന്നിവ എവിടെ നിന്ന് വാങ്ങിയാലും അവ പച്ചയായി കഴിക്കരുത്. ഈര്പ്പം, വൃത്തിഹീനമായ ചുറ്റുപാടുകള് എന്നിവ കാരണം ഇത് ബാക്ടീരിയകളുടെ വളര്ച്ചയ്ക്ക് വിധേയമായിരിക്കും. സുരക്ഷിതമായിരിക്കാനും ആരോഗ്യകരമായ ഭക്ഷണം കഴിക്കാനുമുള്ള ഏറ്റവും നല്ല സമ്പ്രദായം ചേരുവകള് നന്നായി കഴുകി വേവിക്കുക എന്നതാണ്. ദീര്ഘനേരം ചൂടില് സമ്പര്ക്കം പുലര്ത്തുന്നത് രോഗാണുക്കളെ നശിപ്പിക്കുകയും ആരോഗ്യപ്രശ്നങ്ങളില് നിന്ന് നിങ്ങളെ സംരക്ഷിക്കുകയും ചെയ്യും.
നനഞ്ഞ പാത്രങ്ങള് ഉപയോഗിക്കരുത്
സ്റ്റീല്, ചെമ്പ്, പ്ലാസ്റ്റിക്, ഗ്ലാസ് തുടങ്ങി കണ്ടെയ്നറിന്റെ മെറ്റീരിയല് എന്തുതന്നെയായാലും നിങ്ങള് നനഞ്ഞ പാത്രത്തില് ഭക്ഷ്യവസ്തുക്കള് സൂക്ഷിക്കുന്നത് ഒഴിവാക്കണം. പകുതി മുറിച്ച കുരുമുളക് മുതല് മല്ലിയിലയും പുതിനയിലയും വരെ സൂക്ഷിക്കാന് എപ്പോഴും ഉണങ്ങിയ പാത്രം ഉപയോഗിക്കുക. സാധ്യമെങ്കില്, വായു കടക്കാത്ത പാത്രങ്ങള് ഒരു പേപ്പര് ടവല് ഉപയോഗിച്ച് ലൈന് ചെയ്യുക. ഇത് പച്ചക്കറികളുടെ ഷെല്ഫ് ലൈഫ് വര്ദ്ധിപ്പിക്കാനും അവ ഫ്രഷ് ആയി നിലനിര്ത്താനും സഹായിക്കും.
മിച്ചം വരുന്നവ കഴിക്കുന്നത് ഒഴിവാക്കുക
മണ്സൂണ് കാലത്ത് മിച്ചം വരുന്ന ഭക്ഷണം കഴിക്കുന്നത് ഒഴിവാക്കണം. ഭക്ഷണം ഒരുപാട് ബാക്കിയുണ്ടെങ്കില് അവ ഒരു എയര്ടൈറ്റ് കണ്ടെയ്നറില് റഫ്രിജറേറ്ററില് സൂക്ഷിക്കുക, കഴിയുന്നത്ര വേഗം അവ കഴിക്കുക. 4-5 ദിവസത്തിന് ശേഷം അതേ വിഭവം കഴിക്കരുത്. കാരണം ഈര്പ്പം അതിനെ നശിപ്പിക്കും. ഇത് ദഹനപ്രശ്നങ്ങള്ക്കുള്ള സാധ്യത വര്ധിപ്പിക്കുന്നു.
-
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും
Click it and Unblock the Notifications
Sign in with Google