പാചകം മാത്രമല്ല, ക്ലീനിംഗ് മുതല് സോപ്പുണ്ടാക്കാന് വരെ ബെസ്റ്റാണ് പുളി, ഇക്കാര്യം അറിയാമോ?
പുളി നമ്മുടെയെല്ലാം ഭക്ഷണത്തിലെ ഒരു അവശ്യ ചേരുവകളിലൊന്നാണ്. കറികളിലും മറ്റും പുളി ഒഴിക്കുന്നതിന് പുറമെ അച്ചാര്, ചട്ണി, ചമ്മന്തി എന്നിവയ്ക്കും പുളി എടുക്കാറുണ്ട്. അതിനാല് തന്നെ എല്ലാ അടുക്കളയിലും വിലമതിക്കപ്പെടുന്ന ഒരു വസ്തുവാണ് പുളി. എന്നാല് പാചകത്തിനപ്പുറം പുളിക്ക് നിരവധി ഉപയോഗങ്ങളുണ്ടെന്ന് നിങ്ങള്ക്കറിയാമോ? അവയെ കുറിച്ചാണ് ഇനി ഇവിടെ പറയാന് പോകുന്നത്.
ക്ലീനിംഗ് ഏജന്റ്
പുളിയുടെ അസിഡിറ്റി സ്വാഭാവം വിനാഗിരിയും നാരങ്ങയും പോലെ ഇതിനെ ശക്തമായ ക്ലീനിംഗ് ഏജന്റാക്കി മാറ്റുന്നു. ഇതിന്റെ ഹാര്ഡ് ക്രസ്റ്റ് നിങ്ങളുടെ വീട്ടുപകരണങ്ങളിലെ കറ നീക്കം ചെയ്യുന്നതിനും എണ്ണമയമുള്ള പ്രതലങ്ങള് വൃത്തിയാക്കുന്നതിനുമുള്ള ഒരു സ്വാഭാവിക സ്ക്രബ്ബറായി പ്രവര്ത്തിക്കുന്നു. കൂടാതെ, നിങ്ങളുടെ പാത്രങ്ങളില് നിന്ന് ദോഷകരമായ വൈറസുകളെയും അണുക്കളെയും ഇല്ലാതാക്കാന് സഹായിക്കുന്ന ആന്റി ബാക്ടീരിയല് ഗുണങ്ങള് ഇതിലുണ്ട്. പുളി വെള്ളത്തില് അല്പം ഉപ്പ് കൂടി ചേര്ക്കുന്നത് അതിന്റെ ഫലപ്രാപ്തി വര്ധിപ്പിക്കും.
കീടനിയന്ത്രണം
ചെറിയ പ്രാണികളും ഈച്ചകളും നിങ്ങളുടെ വീട്ടിലെ ശല്യക്കാരാണോ? ഇവിടേയും പുളി നിങ്ങളുടെ സഹായത്തിനെത്തും. ശക്തമായ മണവും ആന്റി ബാക്ടീരിയല് ഗുണങ്ങളും പുളിയിലുണ്ട്, ഇത് ചില കീടങ്ങളെ സ്വാഭാവികമായി അകറ്റും. ഇതിനായി ഒരു പുളി പേസ്റ്റ് തയ്യാറാക്കി ചെറിയ പാത്രങ്ങളില് വയ്ക്കുക. ശേഷം നിങ്ങളുടെ വീടിനും അടുക്കളയ്ക്കും പൂന്തോട്ടത്തിനും ചുറ്റും വിതറുക.
സോപ്പ് ഉണ്ടാക്കാം
ചര്മ്മത്തിന് ഏറെ അനുയോജ്യമായ സോപ്പുണ്ടാക്കാനും പുളി ഉപയോഗിക്കാം. പ്രകൃതിദത്തമായ സുഗന്ധം മാത്രമല്ല, അണുക്കള്ക്കും വൈറസുകള്ക്കുമെതിരെ പോരാടുന്നതിനുള്ള ശക്തമായ ഉല്പ്പന്നമായി മാറുന്ന പുളിയുടെ എക്സ്ട്രാക്റ്റുകള് ഉപയോഗിച്ച് നിങ്ങള്ക്ക് സോപ്പുണ്ടാക്കാന് കഴിയും.
തുണികള്ക്ക് നിറം നല്കാം
തുണിയ്ക്കുള്ള പ്രകൃതിദത്ത ചായമായും പുളി ഉപയോഗിക്കാം. പുളിയില് ടാന്നിന് ധാരാളമുണ്ട്. ഇത് കോട്ടണ്, കമ്പിളി, മറ്റ് തുണിത്തരങ്ങള് തുടങ്ങിയ നാരുകളുമായി നന്നായി ബന്ധിപ്പിക്കാന് സഹായിക്കുന്നു. ഇത് ഇരുണ്ട തവിട്ട് നിറം അവശേഷിപ്പിക്കുന്നു. കൂടാതെ പുളി പരിസ്ഥിതി സൗഹൃദമാണ്.
ചര്മ്മത്തിനും മുടി സംരക്ഷണത്തിനും
ആന്റി ഓക്സിഡന്റുകളാല് നിറഞ്ഞിരിക്കുന്ന പുളി ഒരു മികച്ച എക്സ്ഫോളിയേറ്റിംഗ് ഏജന്റായി പ്രവര്ത്തിക്കുന്നു. ഈ ഗുണങ്ങള് നിങ്ങളുടെ ചര്മ്മത്തിനും മുടിക്കും പ്രകൃതിദത്തമായ സ്ക്രബായി സേവിക്കുന്നതിനും താരന് കുറയ്ക്കുന്നതിനും ചര്മ്മത്തിന്റെ ആരോഗ്യത്തെ പുനരുജ്ജീവിപ്പിക്കാനും സഹായിക്കുന്നു.
Click it and Unblock the Notifications
Sign in with Google