പകര്ച്ചവ്യാധികളില് നിന്ന് രക്ഷപ്പെടണോ? എങ്കില് അടുക്കളയിലെ ഇക്കാര്യങ്ങള് മറന്ന് പോകരുത്
മണ്സൂണ് കാലം പലതരത്തിലുള്ള പകര്ച്ചവ്യാധികളുടെ കൂടെ കാലമാണ്. ഈ സമയത്ത് വായുവിലെ ഈര്പ്പത്തിന്റെ അളവ് വര്ധിക്കുന്നു. ഇത് രോഗാണുക്കള്ക്ക് അതിവേഗം പെരുകാന് അനുയോജ്യമായ സാഹചര്യമാക്കി മാറ്റുന്നു. നിര്ഭാഗ്യവശാല് എല്ലാവരുടേയും വീട്ടിലെ ഏറ്റവും കൂടുതല് രോഗബാധിത പ്രദേശങ്ങളിലൊന്ന് അടുക്കളയാണ്, വീട്ടിലെ പ്രധാനപ്പെട്ട ഭാഗവും അടുക്കള തന്നെ.
തുടര്ച്ചയായ പാചകം, ചൂട്, വായുവിലെ ഈര്പ്പം എന്നിവ ഭക്ഷ്യവിഷബാധയുള്പ്പെടെയുള്ള ആരോഗ്യപ്രശ്നങ്ങള്ക്കും ഭക്ഷ്യ മലിനീകരണത്തിനും സാധ്യത വര്ധിപ്പിക്കുന്നു. അതിനാല്, നമ്മുടെ അടുക്കള കഴിയുന്നത്ര വൃത്തിയുള്ളതും പുതുമയുള്ളതും അണുവിമുക്തവും ആയി നിലനിര്ത്താന് നമ്മള് ഓരോരുത്തരും കൂടുതല് ശ്രദ്ധിക്കേണ്ടതുണ്ട്. മഴക്കാലത്ത് അടുക്കളയില് ശ്രദ്ധിക്കേണ്ട ചില കാര്യങ്ങളെ കുറിച്ചാണ് ഇനി പറയാന് പോകുന്നത്.
അടുക്കളയില് പ്രവേശിക്കുമ്പോള് അടിസ്ഥാന ശുചിത്വ രീതികള് പാലിക്കേണ്ടത് പ്രധാനമാണ്. ജോലി ആരംഭിക്കുന്നതിന് മുമ്പ് നിങ്ങളുടെ കൈകള് ശരിയായി വൃത്തിയാക്കുന്നത് മുതല് വൃത്തികെട്ട വസ്ത്രം ധരിച്ച് അടുക്കളയില് പ്രവേശിക്കുന്നത് ഒഴിവാക്കുന്നത് വരെ ഇത് നീളുന്നു. പാത്രങ്ങളില് അവശേഷിക്കുന്ന ഭക്ഷണം വായുവില് നിന്ന് ഈര്പ്പം ആകര്ഷിക്കുകയും അണുക്കളുടെയും ബാക്ടീരിയകളുടെയും പ്രജനന കേന്ദ്രമായി മാറുകയും ചെയ്യുന്നു.
ഭക്ഷണം പാകം ചെയ്ത് കഴിയ്ക്കുമ്പോള് തന്നെ പാത്രങ്ങള് വൃത്തിയാക്കണം. ഭക്ഷണത്തില് എപ്പോഴും ഉണങ്ങിയ തവികളും സ്പൂണുകളും ഉപയോഗിക്കുക. ഈ സമയത്ത് വായുവിലെ അധിക ഈര്പ്പം കാരണം ഭക്ഷണം കേടാകാനുള്ള സാധ്യത വര്ധദ്ധിക്കുന്നു. പാകം ചെയ്തതും പാകം ചെയ്യാത്തതുമായ ഭക്ഷണങ്ങള് ശരിയായി സൂക്ഷിക്കേണ്ടത് പ്രധാനമാണെങ്കിലും ഭക്ഷണവുമായി സമ്പര്ക്കം പുലര്ത്തുന്ന അടുക്കള ഉപകരണങ്ങളുടെ കാര്യത്തില് കൂടുതല് ശ്രദ്ധ ചെലുത്തണം.
മഴക്കാലത്ത് ഭക്ഷണം സൂക്ഷിക്കാനും സുരക്ഷിതമായി സൂക്ഷിക്കാനുമുള്ള ഏറ്റവും എളുപ്പമുള്ള മാര്ഗം വായു കടക്കാത്ത പാത്രങ്ങള് ഉപയോഗിക്കുക എന്നതാണ്. നിങ്ങളുടെ സാധാരണ കണ്ടെയ്നറുകള്ക്ക് പകരം വായു കടക്കാത്ത ഗ്ലാസ് ബോക്സുകള് ഉപയോഗിക്കുക. ഇത് ഭക്ഷണത്തെ വളരെക്കാലം ഫ്രഷ് ആയി നിലനിര്ത്തുക മാത്രമല്ല, ബാക്ടീരിയ ആക്രമണ സാധ്യത തടയുകയും ചെയ്യും.
അടുക്കളയില് ഏറ്റവും വേഗം മലിനീകരിക്കപ്പെടുന്ന സ്ഥലം സിങ്കാണ്. പൈപ്പിന്റെ മറഞ്ഞിരിക്കുന്ന മൂലകള് അണുക്കള് വളരുന്നതിനും വ്യാപിക്കുന്നതിനും അനുയോജ്യമായ സ്ഥലമായി മാറുന്നു, ഇത് അടുക്കളയെ മുഴുവന് ബാധിക്കും. അതിനാല്, അടിസ്ഥാന ശുചിത്വം പാലിക്കുന്നതിനായി അടുക്കളയിലെ സിങ്കും പൈപ്പും പതിവായി വൃത്തിയാക്കണം. ബാക്ടീരിയയുടെ വളര്ച്ചയ്ക്കുള്ള മറ്റൊരു സ്ഥലം നിങ്ങളുടെ വേസ്റ്റ് ബാസ്കറ്റാണ്.
ഏതെങ്കിലും തരത്തിലുള്ള അണുബാധ പടരാതിരിക്കാന് അവ പതിവായി വൃത്തിയാക്കുന്നു എന്ന് ഉറപ്പാക്കുക. വെള്ളം സംഭരിക്കുന്ന പ്രവണത പലര്ക്കും ഉണ്ട്. എന്നാല് ഈ രീതി പിന്തുടരുന്നത് നിങ്ങളുടെ ആരോഗ്യത്തിന് നേരെ വിപരീത ഫലമുണ്ടാക്കും. ഈ സംഭരിച്ച വെള്ളത്തില് കൊതുകുകളും ഈച്ചകളും വളരുന്നു. ഇത് മലേറിയ, ഡെങ്കിപ്പനി, ഭക്ഷ്യവിഷബാധ തുടങ്ങിയ അപകടസാധ്യതകളിലേക്ക് നയിക്കുന്നു.
പതിവ് പാചകം അടുക്കളയിലെ വായു ഈര്പ്പമുള്ളതാകും. അതിനാല് ശരിയായ വായുസഞ്ചാരത്തിനായി വായുവും സൂര്യപ്രകാശവും അടുക്കളയിലൂടെ കടന്നുപോകാനായി വാതിലുകളും ജനലുകളും തുറന്നിടണം. ഭക്ഷണം പാകം ചെയ്യുമ്പോഴെല്ലാം എക്സ്ഹോസ്റ്റ് ഫാനും ചിമ്മിനിയും ഉപയോഗിക്കുക. സുരക്ഷിതത്വവും ശുചിത്വവും നിലനിര്ത്താന് ആഴ്ചയില് ഒരിക്കലെങ്കിലും നിങ്ങളുടെ അടുക്കള ആഴത്തില് വൃത്തിയാക്കുക.
Click it and Unblock the Notifications
Sign in with Google