തടി കുറക്കാൻ ഏത് സ്മൂത്തിയാണ് ബെസ്റ്റ്? ഈ 3 എണ്ണം മാത്രം മതി..ഫലം ഉടൻ
ശരീരഭാരം കുറയ്ക്കാൻ ശ്രമിക്കുന്നവർ തങ്ങളുടെ ഡയറ്റിൽ ഉൾപ്പെടുത്ത വിഭവമാണ് സ്മൂത്തികൾ. എന്നാൽ ഏതൊക്കെ സ്മൂത്തികളാണ് ആരോഗ്യകരം എന്ന കാര്യത്തിൽ പലർക്കും സംശയങ്ങൾ കാണാം. തടി കുറക്കാൻ സഹായിക്കുന്ന മൂന്ന് സ്മൂത്തികളെ കുറിച്ചും അവയുടെ ആരോഗ്യഗുണങ്ങളെ കുറിച്ചുമാണ് ഇന്ന് പറയുന്നത്.
മജന്ത സ്മൂത്തി
ബീറ്റ്റൂട്ട്, ബ്ലൂബെറി, സ്ട്രോബെറി, റാസ്ബെറി തുടങ്ങിയ സരസഫലങ്ങൾ, മാതളനാരങ്ങ എന്നിവയാണ് മജന്ത സ്മൂത്തി തയ്യാറാക്കാൻ ആവശ്യം. നാരുകളാൽ സമ്പുഷ്ടമായ ബീട്ടുറൂട്ടിൽ കുറഞ്ഞ കലോറിയാണ് ഉള്ളത്. അതുകൊണ്ട് തന്നെ ശരീരഭാരം കുറയ്ക്കാൻ നിങ്ങളെ എളുപ്പം സഹായിക്കുന്നു. മാത്രമല്ല ഇവയിൽ . നൈട്രേറ്റുകളും അടങ്ങിയിട്ടുണ്ട്, ഇത് രക്തയോട്ടം മെച്ചപ്പെടുത്തും.
സ്ട്രോബെറി, ബ്ലൂബെറി തുടങ്ങിയ ബെറികളിൽ ആൻ്റിഓക്സിഡൻ്റുകൾ അടങ്ങിയിട്ടുണ്ട്. ഈ സംയുക്തങ്ങൾ വീക്കം കുറയ്ക്കാനും മൊത്തത്തിലുള്ള ആരോഗ്യത്തെ പിന്തുണയ്ക്കുകയും ചെയ്യുന്നു. സരസഫലങ്ങളിൽ കുറഞ്ഞ അളവിൽ മാത്രമാണ് കലോറിയുള്ളത്. ധാരാലം നാരുകളും ഉണ്ട്. ഇത് ദഹനത്തെ സഹായിക്കുകയും വയർ നിറഞ്ഞിരിക്കുന്നതായി തോന്നാൻ സഹായിക്കുന്നു.
വിറ്റാമിൻ സി, കെ, ഫോളേറ്റ്, പൊട്ടാസ്യം എന്നിവയാൽ സമ്പന്നമാണ് മാതളം. വയറിലെ കൊഴുപ്പ് കുറയ്ക്കുന്നതിനും ഹൃദയാരോഗ്യം മെച്ചപ്പെടുത്തുന്നതിനും മാതളനാരങ്ങ സഹായിക്കും. മജന്ത സ്മൂത്തികൾ ശരീരഭാരം കുറയ്ക്കാൻ സഹായിക്കുന്നതിനോടൊപ്പം തന്നെ ഇവയുടെ ഉയർന്ന ഫൈബർ ഉള്ളടക്കം ദഹനത്തെ സഹായിക്കുകയും ആരോഗ്യകരമായ കുടലിനെ പ്രോത്സാഹിപ്പിക്കുകയും ചെയ്യുന്നു. നാരുകൾ രക്തത്തിലെ പഞ്ചസാരയുടെ അളവ് നിയന്ത്രിക്കുകയും പ്രമേഹ സാധ്യത കുറയ്ക്കുകയും ചെയ്യും.
ബീറ്റ്റൂട്ട്, സരസഫലങ്ങൾ, മാതളനാരങ്ങ എന്നിവയിൽ കാണപ്പെടുന്ന ആൻ്റിഓക്സിഡൻ്റുകൾ ഓക്സിഡേറ്റീവ് സമ്മർദ്ദത്തെ ചെറുക്കാനും ഉത്തമമാണ്.
സ്മൂത്തി തയ്യാറാക്കാനായി ബീട്ടുറൂട്ട്, സ്ട്രോബെറി, ബ്ലൂബെറി എന്നിവ പോലുള്ള ഒരു കപ്പ് മിക്സഡ് സരസഫലങ്ങൾ , അര കപ്പ് മാതളനാരങ്ങ എന്നിവ ചേർക്കാം. കൊഴുപ്പിനായി പകുതി വാഴപ്പഴം അല്ലെങ്കിൽ ഒരു സ്പൂൺ ഗ്രീക്ക് തൈര് ചേർക്കാവുന്നതാണ്.
ഓറഞ്ച് സ്മൂത്തി
ഓറഞ്ചിൽ വിറ്റാമിൻ സി, നാരുകൾ, ആൻ്റിഓക്സിഡൻ്റുകൾ എന്നിവ ധാരാളം അടങ്ങിയിട്ടുണ്ട്. ഈ പോഷകങ്ങൾ രോഗപ്രതിരോധ ശേഷി വർദ്ധിപ്പിക്കുകയും ദഹനം മെച്ചപ്പെടുത്തുകയും ചെയ്യുന്നു. ഒരു ഓറഞ്ചിൽ ഏകദേശം 62 കലോറി അടങ്ങിയിട്ടുണ്ട്. അതുകൊണ്ട് തന്നെ ലഘുഭക്ഷണത്തിന് പകരമായി ധൈര്യമായി ഉപയോഗിക്കാം.
ഓറഞ്ച് സ്മൂത്തികൾ ജലാംശം നിലനിർത്താൻ സഹായിക്കുന്നു. ഓറഞ്ചിലെ നാരുകൾ പൂർണ്ണതയെ പ്രോത്സാഹിപ്പിക്കുകയും അനാരോഗ്യകരമായ ഭക്ഷണങ്ങൾ കഴിക്കാനുള്ള ആഗ്രഹത്തെ തടയുകയും ചെയ്യും. ഇവയിൽ പ്രകൃതിദത്തമായ പഞ്ചസാര അടങ്ങിയിട്ടുണ്ട്, ഇത് രക്തത്തിലെ പഞ്ചസാരയുടെ അളവ് വർദ്ധിപ്പിക്കുന്നില്ലെന്ന് മാത്രമല്ല ഊർജം പ്രധാനം ചെയ്യുകയും ചെയ്യും. ഓറഞ്ചിലെ ആൻ്റിഓക്സിഡൻ്റുകൾ ഉപാപചയ ആരോഗ്യത്തെ സഹായിക്കുന്നു.
ഓറഞ്ച് സ്മൂത്തി തയ്യാറാക്കാനായി ഫ്രഷ് ഓറഞ്ച് അൽപം പാല് എന്നിവയാണ് ആവശ്യം. കൂടുതൽ രുചിക്കും പോഷണത്തിനുമായി നിങ്ങൾക്ക് വാഴപ്പഴം അല്ലെങ്കിൽ സരസഫലങ്ങൾ പോലുള്ള മറ്റ് പഴങ്ങളും ചേർക്കാം
ഇനി ഗ്രീൻ ജ്യൂസ്
ചീര, കക്കിരി, സെലറി തുടങ്ങിയ ചേരുവകളാണ് . ഈ പച്ചക്കറികളിൽ വിറ്റാമിൻ എ, സി, കെ എന്നിവയും ഇരുമ്പ്, കാൽസ്യം തുടങ്ങിയ ധാതുക്കളും ധാരാളം അടങ്ങിയിട്ടുണ്ട്.പോഷകാഹാരം ത്യജിക്കാതെ കലോറി ഉപഭോഗം കുറയ്ക്കാൻ ആഗ്രഹിക്കുന്നവർക്ക് ധൈര്യമായി ഈ സ്മൂത്തി കുടിക്കാം. മെറ്റബോളിസം വർധിപ്പിക്കാനും ഇവ സഹായിക്കും. ഇഞ്ചി, ചെറുനാരങ്ങ തുടങ്ങിയ ചേരുവകൾ ഉപാപചയ നിരക്ക് വർദ്ധിപ്പിക്കുകയും ശരീരഭാരം കുറയ്ക്കാനുള്ള ശ്രമങ്ങളെ സഹായിക്കുകയും ചെയ്യുന്നു.
ജ്യൂസിലെ ഉയർന്ന നാരുകൾ ദഹനത്തെ സഹായിക്കുന്നു. നാരുകൾ മലവിസർജ്ജനത്തെ നിയന്ത്രിക്കാനും മലബന്ധം തടയാനും ആരോഗ്യകരമായ ദഹനവ്യവസ്ഥയെ പ്രോത്സാഹിപ്പിക്കാനും ഉത്തമമാണ്.തയ്യാറാക്കുന്നതിനായി അൽപം ചീര, ഒരു ആപ്പിൾ, കക്കിരി, ചെറുനാരങ്ങ നീര്, ഇഞ്ചി കഷ്ണം എന്നിവ ചേർത്ത് അടിച്ചെടുത്ത് കുടിക്കാം.
Click it and Unblock the Notifications
Sign in with Google