മഴ നനഞ്ഞ് ഒരു ട്രിപ്പ് പോയാലോ: മഴക്കാലത്ത് തീർച്ചയായും കണ്ടിരിക്കേണ്ട ഇന്ത്യയിലെ എട്ട് സ്ഥലങ്ങള്‍

Updated: Thursday, July 13, 2023, 18:30 [IST]

അവിശ്വസനീയമായ പ്രകൃതിസൗന്ദര്യത്താൽ അനുഗ്രഹീതമായ നാടാണ് ഇന്ത്യ. ജീവിതത്തില്‍ ഒരിക്കലെങ്കിലും കണ്ടിരിക്കേണ്ട വ്യത്യസ്തമായ നിരവധി സ്ഥലങ്ങള്‍ നമ്മുടെ നാട്ടിലുണ്ട്. അക്കൂട്ടത്തില്‍ തന്നെ മഞ്ഞ് കാലത്ത് കാണേണ്ടവ, മഴക്കാലത്ത് കാണേണ്ടവ, ചൂട് കാലത്ത് കാണേണ്ടവ എന്നിങ്ങനെ വ്യത്യസ്തമായി തരം തിരിക്കാനും നമുക്ക് സാധിക്കും. അത്തരത്തില്‍ മഴക്കാലത്ത് ഉറപ്പായും കണ്ടിരിക്കേണ്ട ഇന്ത്യയിലെ പ്രധാനപ്പെട്ട കേന്ദ്രങ്ങളെക്കുറിച്ചാണ് ഇവിടെ പറയുന്നത്.

ചിറാപുഞ്ചി, മേഘാലയ

ചിറാപുഞ്ചിയില്ലാതെ എന്ത് മഴക്കാലം. ഭൂമിയില്‍ തന്നെ ഏറ്റവും കൂടുതല്‍ മഴ ലഭിക്കുന്ന പ്രദേശങ്ങളില്‍ ഒന്നാണ് ചിറാപുഞ്ചി. പച്ചപ്പ് നിറഞ്ഞ പ്രകൃതിദൃശ്യങ്ങൾ, കോടമഞ്ഞ് മൂടിയ കുന്നുകൾ എന്നിവയിൽ മുഴുകുക, വെള്ളച്ചാട്ടങ്ങള്‍ തുടങ്ങി ചിറാപുഞ്ചിയുടെ മനോഹാരിത വർധിപ്പിക്കുന്ന ഘടകങ്ങള്‍ നിരവധിയാണ്. ഇവിടുത്തെ ഏറ്റവും പ്രശസ്തമായ മറ്റൊരു ആകർഷണമാണ് റൂട്ട് ബ്രിഡ്ജ്.

സീറോ, അരുണാചൽ പ്രദേശ്

അരുണാചൽ പ്രദേശിലെ മനോഹരമായ മലനിരകൾക്കിടയിൽ സ്ഥിതി ചെയ്യുന്ന ശാന്തമായ ഒരു പ്രദേശമാണ് സീറോ സമൃദ്ധമായ നെൽവയലുകളും പരമ്പരാഗത അപതാനി ഗോത്ര സംസ്കാരവും ഇവിടെ നിങ്ങളെ ചെയ്യുന്നു. പ്രസിദ്ധമായ സീറോ മ്യൂസിക് ഫെസ്റ്റിവലിനോട് അനുബന്ധിച്ച് ജൂലൈ-ഓഗസ്റ്റ് മാസങ്ങളിൽ യാത്ര ആസൂത്രണം ചെയ്യുന്നതായിരിക്കും കൂടുതല്‍ നല്ലത്.

ആഗുംബെ, കർണാടക

"ദക്ഷിണേന്ത്യയിലെ ചിറാപുഞ്ചി" എന്നറിയപ്പെടുന്ന അഗുംബെയിലെ മഴക്കാടുകള്‍ പ്രകൃതി ഭംഗിക്ക് പേരുകേട്ടതാണ്. വർഷത്തിൽ 11000 മില്ലി മീറ്ററിൽ കൂടുതൽ മഴ ഇവിടെ പെയ്തതായി രേഖപ്പെടുത്തിയിരിക്കുന്നു. യുനെസ്കോ ലോകപൈതൃകപ്പട്ടികയിൽ ഉൾപ്പെടുത്തിയിട്ടുള്ള പശ്ചിമഘട്ട മലനിരകളുടെ ഭാഗമായ ആഗുംബെ പശ്ചാത്തലമാക്കിയാണ് ആർ കെ നാരായണന്‍ പ്രശസ്തമായ "മാൽഗുഡി ഡേയ്സ്" എന്ന നോവല്‍ എഴുതിയത്.

മൽഷെജ് ഘട്ട്, മഹാരാഷ്ട്ര

സഹ്യാദ്രി പർവതനിരകളിൽ സ്ഥിതി ചെയ്യുന്ന മാൽഷെജ് ഘട്ടിന്റെ മൂടൽമഞ്ഞ് ആസ്വദിക്കാന്‍ കൊതിക്കാത്തവർ ആരാണുള്ളത്. വെള്ളച്ചാട്ടങ്ങൾ, പച്ചപ്പ് നിറഞ്ഞ താഴ്‌വരകൾ, എന്നിവയാൽ പ്രകൃതിസ്‌നേഹികൾക്ക് ഒരു പറുദീസ തന്നെ ഒരുക്കുന്നു.

ഡിസുക്കോ താഴ്വര, നാഗാലാൻഡ്

നാഗാലാൻഡിലെ മനംമയക്കുന്ന ഡിസുക്കോ താഴ്‌വരയിലേക്കുള്ള ട്രെക്കിംഗ് സാഹസിക യാത്രികരുടെ ഇഷ്ട വിനോദങ്ങളിലൊന്നാണ്. മണിപ്പൂരിലെ സേനാപതി ജില്ലയ്ക്കും നാഗാലാൻഡിലെ കൊഹിമ ജില്ലയ്ക്കും ഇടയിലാണ് ഈ താഴ്വര സ്ഥിതി ചെയ്യുന്നത്. സ്വാഭാവിക പരിസ്ഥിതി, സീസണൽ പൂക്കൾ, സസ്യജന്തുജാലങ്ങൾ എന്നിവയ്ക്ക് പേരുകേട്ടതാണ് ഡിസുക്കോ താഴ്വര

ചെമ്പ്ര കൊടുമുടി, കേരളം

കേരളത്തിന്റെ സ്വന്തം വയനാട്ടിലെ വിസ്മയിപ്പിക്കുന്ന ചെമ്പ്ര കൊടുമുടിയിലേക്കുള്ള ട്രെക്കിംഗും മഴക്കാലത്ത് നിർബന്ധമായും ആസ്വദിച്ചിരിക്കേണ്ട കാര്യമാണ്. മൂടല്‍ മഞ്ഞിലൂടെ തേയിലത്തോട്ടങ്ങളും പുല്‍മേടുകളും പിന്നിട്ട് എത്തുന്ന നിങ്ങളെ കാത്തിരിക്കുന്നത് കുന്നിന്‍ മുകളിലെ അത്ഭുതമായ ഹൃദയ തടാകമാണ്. യാത്രയില്‍ ആന, മാന്‍ തുടങ്ങിയ മൃഗങ്ങളേയും കാണാന്‍ സാധിക്കും.

തീർത്ഥൻ വാലി, ഹിമാചൽ പ്രദേശ്

വിനോദസഞ്ചാരികളുടെ തിരക്കിൽ നിന്ന് മാറി നില്‍ക്കുന്ന ഒരു കേന്ദ്രമാണ് നിങ്ങള്‍ ലക്ഷ്യമിടുന്നതെങ്കില്‍ അതിന് ഏറ്റവും അനുയോജ്യമായ ഒരു സ്ഥലമാണ് തീർത്ഥൻ വാലി. ഹിമാലയത്തിൽ സ്ഥിതി ചെയ്യുന്ന ഈ ശാന്തമായ ലക്ഷ്യസ്ഥാനം നദികൾ, ഇടതൂർന്ന വനങ്ങൾ, വെള്ളച്ചാട്ടങ്ങൾ എന്നിവയ്ക്ക് പേര് കേട്ടതാണ്. കുളുവില്‍ നിന്നും 50 കിലോമീറ്ററാണ് തീർത്ഥന്‍ വാലിയിലേക്കുള്ളത്.

പെല്ലിംഗ് സിക്കിം

സിക്കിമില്‍ ഏതു മൂലയില്‍ പോയാലും കാഞ്ചന്‍ജംഗയുടെ പലഭാഗങ്ങളും കാണാന്‍ സാധിക്കും. എന്നാല്‍ കാഞ്ചന്‍ജംഗയെ കയ്യെത്തും ദൂരത്ത് കാണണമെങ്കില്‍ പടിഞ്ഞാറന്‍ സിക്കിമിലെ പെല്ലിംഗില്‍ ചെല്ലണം. ഗാംഗ്ടോക്കില്‍ നിന്നും പെല്ലിംഗിലേയ്ക്ക് 125 കിലോമീറ്റര്‍ ദൂരമുണ്ട്. സമുദ്രനിരപ്പില്‍ നിന്ന് 2150 മീറ്റര്‍ ഉയരത്തില്‍ മഞ്ഞണിഞ്ഞ ഹിമാലയ നിരകളുടെ സമ്പൂര്‍ണ കാഴ്ച സമ്മാനിക്കുന്ന പെല്ലിംഗ് ഗാംഗ്‌ടോക്ക് കഴിഞ്ഞാല്‍ ഏറ്റവുമധികം ആളുകള്‍ സന്ദര്‍ശിക്കുന്ന സ്ഥലമാണ്.