potato chips health risks: പൊട്ടറ്റോ ചിപ്സിന് അടിമയാണോ? എപ്പോഴാണ് ഇവ അപകടകാരിയാകുന്നത് എന്നറിയാമോ?
സൂപ്പര് മാര്ക്കറ്റില് ചെറിയ പാക്കറ്റ് ചിപ്സ് കണ്ടാല് എടുക്കാത്തവര് കുറവാണ്. കണ്ടാല് നിരുപദ്രവകരമെന്ന് തോന്നുമെങ്കിലും അതില് അടങ്ങിയിരിക്കുന്ന ചേരുവകള് ചില്ലറക്കാരല്ല. ഇവയുടെ പതിവായ ഉപയോഗം ആരോഗ്യം മോശമാക്കും. ഇവയില് അടങ്ങിയ അമിതമായ ഉപ്പ്, കൊഴുപ്പ്, രാസവസ്തുക്കള് എന്നിവയെക്കുറിച്ച് ഇന്ത്യന് പോഷകാഹാര വിദഗ്ധര് മുന്നറിയിപ്പ് നല്കുന്നു. ഇവ ഉയര്ന്ന ശരീരഭാരം, രക്തസമ്മര്ദം, ഹൃദയരോഗങ്ങള് എന്നിവയ്ക്ക് കാരണമാകും. കുട്ടികളിലാണ് കൂടുതല് അപകടസാധ്യത.
രുചി കൂട്ടാന് മിക്ക ചിപ്സുകളിലും ഉപ്പ് കൂടുതലാണ്. ദിവസേന കഴിക്കുന്നത് ശരീരത്തിലെ ഉപ്പിന്റെ അളവ് സുരക്ഷിത പരിധിക്ക് മുകളിലാക്കും. ഇത് രക്തസമ്മര്ദ്ദം വര്ധിക്കാന് കാരണമാകും. രക്തസമ്മര്ദം കൂടുന്ന ഇന്ത്യയില്, ചിപ്സ് മുതിര്ന്നവര്ക്കും കൗമാരക്കാര്ക്കും ഒരു പോലെ അപകടകരമാണ്. ഉയര്ന്ന ചൂടില് എണ്ണയിലിട്ട് വറുക്കുന്ന ചിപ്സിന്റെ ചെറിയ പാക്കറ്റില് പോലും ധാരാളം കലോറിയുണ്ട്. ഒന്നിലേറെ പാക്കറ്റുകള് കഴിക്കുന്നത് ശരീരഭാരം വര്ധിപ്പിക്കും. പ്രമേഹം, ഫാറ്റി ലിവര് രോഗങ്ങള് എന്നിവയ്ക്കുള്ള സാധ്യതയും ഇത് കൂട്ടുന്നു.
പല ചിപ്സ് ബ്രാന്ഡുകളും ശുദ്ധീകരിച്ച സസ്യ എണ്ണകളാണ് ഉപയോഗിക്കുന്നത്. ഇവയിലെ ഉയര്ന്ന ഒമേഗ-6 കൊഴുപ്പുകള് ശരീരത്തിലെ കൊഴുപ്പിന്റെ സന്തുലിതാവസ്ഥ തെറ്റിച്ചേക്കാം. ചില ഉല്പന്നങ്ങളില് ഉപയോഗിച്ച എണ്ണ വീണ്ടും വറുക്കാന് ഉപയോഗിക്കാറുണ്ട്. ഇത് ഹൃദയത്തിനും രക്തക്കുഴലുകള്ക്കും ഹാനികരമായ രാസവസ്തുക്കളുടെ ഉല്പ്പാദനം കൂട്ടുന്നു.
ഉയര്ന്ന ചൂടില് വറുക്കുന്ന ചിപ്സില് അക്രിലമൈഡ് എന്ന രാസവസ്തു രൂപപ്പെടുന്നു. ദീര്ഘകാലം ഈ രാസവസ്തു ശരീരത്തിലെത്തുന്നത് കാന്സര് സാധ്യത വര്ദ്ധിപ്പിക്കുമെന്ന് പഠനങ്ങള് പറയുന്നു. ദിവസവുമുള്ള ഉപയോഗം വര്ഷങ്ങളോളം അക്രിലമൈഡ് ശരീരത്തില് കുമിഞ്ഞുകൂടാന് ഇടയാക്കും.
ഫ്ളേവര് ചെയ്ത ചിപ്സുകളില് രാസവസ്തുക്കളും രുചി വര്ധകങ്ങളും ഉണ്ട്. ഇത് ചിലരില് തലവേദനയും വയറുവീര്ക്കലും ഉണ്ടാക്കാം. കടുപ്പമുള്ള മസാലകള് ആമാശയത്തെ പ്രകോപിപ്പിക്കാന് സാധ്യതയുണ്ട്. ഗ്യാസ്ട്രൈറ്റിസ്, അസിഡിറ്റി എന്നിവ ഉള്ളവര്ക്ക് ചിപ്സ് നെഞ്ചെരിച്ചിലിനും അസ്വസ്ഥതകള്ക്കും കാരണമാവാം.
ദിവസവും ചിപ്സ് കഴിക്കുന്നതോടെ പഴങ്ങള്, നട്സ്, വീട്ടിലെ ഭക്ഷണം എന്നിവയോടുള്ള താല്പര്യം കുറയുന്നു. ഇത് ഭക്ഷണത്തിലെ നാരുകളും വിറ്റാമിനുകളും ധാതുക്കളും കുറയ്ക്കുന്നു. ചെറുപ്പത്തിലേയുള്ള താല്പര്യം മുതിര്ന്ന ശേഷവും തുടരാം. ഇത് രോഗസാധ്യത കൂട്ടുന്നു. പതിവായി ചിപ്സ് കഴിക്കുന്നത് നാക്കിനെ തീവ്രമായ രുചികള്ക്ക് അടിമപ്പെടുത്തും. അതിനാല്, വീട്ടിലെ സാധാരണ ഭക്ഷണത്തിന് രുചി കുറവുള്ളതായി തോന്നാം. ഇത് സംസ്കരിച്ച ലഘുഭക്ഷണങ്ങളോടുള്ള ആഗ്രഹം വര്ധിപ്പിക്കും. കാലക്രമേണ, ഇത് കുടലിന്റെ ആരോഗ്യത്തെ പ്രതികൂലമായി ബാധിക്കും.
ദിവസവും ചിപ്സ് ഒഴിവാക്കി വല്ലപ്പോഴും മാത്രം കഴിക്കാനാണ് ആരോഗ്യ വിദഗ്ദ്ധരുടെ നിര്ദേശം. ആഴ്ചയില് ഒന്നോ രണ്ടോ തവണ ഒരു ചെറിയ പാക്കറ്റ് സുരക്ഷിതമാണ്. പ്രമേഹം, ഹൃദയം, വൃക്ക രോഗങ്ങളുള്ളവര് കര്ശനമായി നിയന്ത്രിക്കണം. ലേബലുകള് പരിശോധിച്ച് ഉപ്പ്, കൊഴുപ്പ് എന്നിവയുടെ അളവ് ശ്രദ്ധിക്കുന്നത് ദോഷം കുറയ്ക്കാന് സഹായിക്കും.
ലഘുഭക്ഷണങ്ങളായി പോഷകാഹാര വിദഗ്ദ്ധര് വറുത്ത കടല, നിലക്കടല, പഴങ്ങള്, വീട്ടിലുണ്ടാക്കുന്ന കൊഴിക്കട്ട എന്നിവ ശുപാര്ശ ചെയ്യുന്നു. ഇവ നാരുകളും പോഷകങ്ങളും നല്കുന്നതിനൊപ്പം ഉപ്പും കൊഴുപ്പും കുറവാണ്. ചിപ്സ് ദിവസേന ശീലമാക്കാതെ, വല്ലപ്പോഴും മാത്രം കഴിക്കുന്നത് കുടുംബങ്ങളുടെ ദീര്ഘകാല ആരോഗ്യം സംരക്ഷിക്കാന് സഹായിക്കും.
-
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ദിലീപിൻ്റെ റിയൽ എസ്റ്റേറ്റ് ബിസിനസിൽ നിന്ന് പിൻമാറാൻ കാരണം; കാവ്യ മാധവൻ പറഞ്ഞത്..'മനസിലേറ്റ മുറിവ് മാറുമോ' -
മീനാക്ഷിയെ പോലെ പണം വാരുന്ന ഡോക്ടറാണോ? അച്ഛന്റെ സ്വപ്നം സഫലമാക്കി ശ്രീലക്ഷ്മി, കലാഭവൻ മണിയുടെ മകൾക്ക് കയ്യടി -
സ്വർണ വില ഇനി കുത്തനെ താഴേക്കോ? സ്വർണം വാങ്ങുന്നത് കുറച്ച് കേന്ദ്രബാങ്കുകളും..എന്തുപറ്റി? അമ്പരപ്പ് -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
വിജയ്ക്ക് തൃഷയോട് മാത്രമായിരുന്നിരിക്കില്ല ബന്ധം..നടൻ മിടുക്കൻ, ഭാര്യയുടെ ഉദ്ദേശം നടക്കില്ല'; അഡ്വ ജയശങ്കർ -
സ്വർണ വില അഞ്ചാം ദിനവും മൂക്കും കുത്തി താഴെ; പവന് 60,000 രൂപയെന്ന ആഗ്രഹമൊക്കെ നടക്കുമോ?അറിയാം -
ക്രിസ്ത്യാനിയായിട്ടും പൊങ്കാലയിട്ടു; ബിജെപിയിലേക്കു പോകുന്നു: വിവാദങ്ങളില് പ്രതികരണവുമായി ബീന ആന്റണി -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
'കോട്ടാത്തലേ, ചാണകപ്പുഴു..പേപ്പട്ടികള് കെട്ടിയിട്ടിടത്തു നിന്ന് കുരയ്ക്കും';അഖിൽ മാരാർക്കെതിരെ ഷിയാസ് കരീം
Click it and Unblock the Notifications
Sign in with Google