വിലകൂടിയ ക്രീമുകൾ വേണ്ട; സുന്ദരിയാകാൻ നടി രാകുൽ പ്രീത് ഉപയോഗിക്കുന്ന നാടൻ രീതികൾ അറിയാം

സിനിമകളിലും പൊതുവേദികളിലും എപ്പോഴും തിളങ്ങുന്നതും ആരോഗ്യമുള്ളതുമായ ചർമ്മത്തോടെ പ്രത്യക്ഷപ്പെടുന്ന താരമാണ് രാകുൽ പ്രീത് സിംഗ്. നടിയുടെ ഈ മനോഹരമായ ചർമ്മത്തിന് പിന്നിലെ രഹസ്യം എന്താണെന്ന് അറിയാൻ ആരാധകർക്ക് എപ്പോഴും വലിയ താല്പര്യമാണ്. ഇപ്പോഴിതാ തന്റെ ദിവസേനയുള്ള രാവിലെയുള്ള ചർമ്മ സംരക്ഷണ ശീലങ്ങൾ ആരാധകർക്കായി പങ്കുവെച്ചിരിക്കുകയാണ് താരം. ഒരുപാട് വിലകൂടിയ കെമിക്കൽ ഉൽപ്പന്നങ്ങൾക്ക് പുറകെ പോകാതെ, വളരെ ലളിതവും പ്രകൃതിദത്തവുമായ കാര്യങ്ങളാണ് താൻ ചർമ്മത്തിനായി ചെയ്യാറുള്ളതെന്ന് രാകുൽ വ്യക്തമാക്കുന്നു. സാധാരണക്കാർക്ക് വീട്ടിൽ തന്നെ ചെയ്യാവുന്ന രാകുലിന്റെ സ്കിൻകെയർ റൂട്ടീൻ താഴെ പറയുന്നവയാണ്.

1. തണുത്ത വെള്ളത്തിലുള്ള ഐസ് തെറാപ്പി

രാവിലെ എഴുന്നേറ്റ ഉടൻ മുഖത്തെ തളർച്ച മാറ്റാനും ഉന്മേഷം നൽകാനും രാകുൽ ചെയ്യുന്നത് ഇതാണ്. ഐസ് ക്യൂബുകൾ ഇട്ട തണുത്ത വെള്ളത്തിലേക്ക് മുഖം അൽപ്പസമയം മുക്കി വെക്കുന്ന രീതിയാണിത്. ഇത് മുഖത്തെ രക്തയോട്ടം വർദ്ധിപ്പിക്കാനും കൺതടങ്ങളിലെ വീക്കം കുറയ്ക്കാനും സഹായിക്കും. ഷൂട്ടിംഗിന് പോകുന്നതിന് മുൻപ് മുഖത്തിന് പെട്ടെന്ന് ഒരു തിളക്കം കിട്ടാൻ താൻ ഇത് സ്ഥിരമായി ചെയ്യാറുണ്ടെന്ന് താരം പറയുന്നു.

2. പ്രകൃതിദത്ത ഫേസ് പാക്കുകൾ

രാസവസ്തുക്കൾ അടങ്ങിയ ക്രീമുകൾക്ക് പകരം വീട്ടിൽ തന്നെയുണ്ടാക്കുന്ന പ്രകൃതിദത്ത ഫേസ് പാക്കുകളാണ് രാകുൽ അധികവും ഉപയോഗിക്കുന്നത്. കടലമാവ്, തൈര്, നേരിയ തോതിൽ മഞ്ഞൾപ്പൊടി എന്നിവ ചേർത്തുള്ള മിശ്രിതമാണ് ഇതിൽ പ്രധാനം. ഇത് മുഖത്തെ അഴുക്കുകൾ നീക്കം ചെയ്യാനും മൃദുത്വം നിലനിർത്താനും സഹായിക്കും. ചർമ്മത്തിന്റെ സ്വാഭാവിക ഭംഗി നിലനിർത്താൻ പൂർവ്വികർ ഉപയോഗിച്ചിരുന്ന ഇത്തരം വഴികളാണ് ഏറ്റവും സുരക്ഷിതമെന്നാണ് താരത്തിന്റെ പക്ഷം.

3. കറ്റാർവാഴയുടെ ഉപയോഗം

ചർമ്മത്തിന് ഈർപ്പവും തണുപ്പും നൽകാൻ കറ്റാർവാഴ ജൽ രാകുൽ സ്ഥിരമായി ഉപയോഗിക്കാറുണ്ട്. കറ്റാർവാഴയുടെ തണ്ടിൽ നിന്ന് നേരിട്ട് എടുക്കുന്ന പച്ചയായ ജൽ മുഖത്ത് പുരട്ടുന്നത് ചർമ്മത്തിലെ വരൾച്ച മാറ്റാൻ സഹായിക്കും. ഇത് ഒരു മികച്ച പ്രകൃതിദത്ത മോയ്സ്ചറൈസറായി പ്രവർത്തിക്കുകയും ചർമ്മത്തെ എപ്പോഴും ഹൈഡ്രേറ്റഡ് ആയി നിലനിർത്തുകയും ചെയ്യും.

4. ശരിയായ മോയ്സ്ചറൈസറും സൺസ്‌ക്രീനും

പ്രകൃതിദത്തമായ കാര്യങ്ങൾക്കൊപ്പം തന്നെ ചർമ്മത്തിന്റെ സംരക്ഷണത്തിനായി മോയ്സ്ചറൈസറും സൺസ്‌ക്രീനും താരം കൃത്യമായി ഉപയോഗിക്കുന്നുണ്ട്. പുറത്തിറങ്ങുമ്പോൾ സൂര്യപ്രകാശത്തിൽ നിന്നുള്ള അൾട്രാവയലറ്റ് രശ്മികൾ ഏൽക്കാതിരിക്കാൻ സൺസ്‌ക്രീൻ പുരട്ടേണ്ടത് നിർബന്ധമാണെന്ന് രാകുൽ പ്രീത് ഓർമ്മിപ്പിക്കുന്നു. ഇത് ചർമ്മത്തിൽ അകാലത്തിൽ ചുളിവുകൾ വീഴുന്നത് തടയും.

സിനിമയിലെ തിരക്കുകൾക്കിടയിലും തന്റെ ചർമ്മത്തെ ഇത്രയും ഭംഗിയായി സൂക്ഷിക്കാൻ ഇത്തരം ലളിതമായ കാര്യങ്ങളാണ് തന്നെ സഹായിക്കുന്നതെന്ന് രാകുൽ പ്രീത് സിംഗ് വ്യക്തമാക്കുന്നു. ഇത്തരം ചർമ്മ സംരക്ഷണ രീതികൾ ഏതൊരു സാധാരണ വൃക്തിക്കും ചെയ്യാവുന്നതെ ഉള്ളു.