പ്രായം 40 ആകാറായി.. എന്നാലും ശ്രുതി ഹാസന് 20 കളില് തന്നെ; രഹസ്യമെന്തെന്നറിയാമോ?
ചുരുങ്ങിയ കാലം കൊണ്ട് തെന്നിന്ത്യന് സിനിമാ ലോകത്ത് തന്റേതായ ഇടം കണ്ടെത്തിയ താരമാണ് ശ്രുതി ഹാസന്. തമിഴിന് പുറമെ തെലുങ്ക്, ഹിന്ദി സിനിമകളിലും താരം അഭിനയിച്ചിട്ടുണ്ട്. അഭിനയത്തിനൊപ്പം പാട്ടുകാരി എന്ന നിലയിലും ശ്രുതി ഹാസന് തന്റെ മികവ് തെളിയിച്ചിട്ടുണ്ട്. പ്രഭാസ് - പ്രശാന്ത് നീല് കൂട്ടുകെട്ടിലിറങ്ങിയ സലാര് ആണ് താരത്തിന്റേതായി ഏറ്റവും ഒടുവിലായി പുറത്തിറങ്ങിയ ചിത്രം.
37 കാരിയായ ശ്രുതി ഹാസന് തന്റെ ശരീരം കാത്തുസൂക്ഷിക്കുന്നത് മറ്റ് താരങ്ങള്ക്ക് കൂടി മാതൃകയാക്കാവുന്നതാണ്. തിരക്കേറിയ ഷെഡ്യൂളുകള്ക്കിടയിലും ഫിറ്റ്നസിന് വേണ്ടി ശ്രുതി ഹാസന് സമയം കണ്ടെത്താറുണ്ട്. ശ്രുതി ഹാസന് ജിമ്മിന്റെ വലിയ ആരാധികയല്ല. എന്നാല് തന്റെ ശരീരം നിലനിര്ത്താന് താരം ട്രെഡ്മില്ലില് കാര്ഡിയോ പരിശീലനം നടത്തുകയും ജോഗിംഗിന് പോകുകയും ചെയ്യുന്നു.
കിക്ക് ബോക്സിംഗ് പോലുള്ള വ്യായാമ മുറകളും ശ്രുതി ഹാസന് പരിശീലിക്കാറുണ്ട്. എല്ലാ തരത്തിലുള്ള വ്യായാമങ്ങളും സംയോജിക്കുന്നതാണ് ശ്രുതി ഹാസന്റെ ദിനചര്യ. താരത്തിന്റെ ദിനചര്യയില് നൃത്ത സെഷനുകളും ഉള്പ്പെടുന്നു. ശ്രുതി ഹാസന്റെ വ്യായാമങ്ങളില് ഹുല ഹൂപ്പിംഗും ഉള്പ്പെടുന്നു. അത് ശ്രുതി ഹാസന്റെ ശരീരത്തെ ഊര്ജ്ജസ്വലമാക്കാന് സഹായിക്കുന്നു.
പ്രോട്ടീനും കാര്ബോഹൈഡ്രേറ്റും കലര്ന്ന താരത്തിന്റെ ഭക്ഷണത്തില് സാധാരണയായി മുട്ട, ഇഡ്ഡലി, ഫ്രഷ് പഴങ്ങള്, പച്ചക്കറികള്, സലാഡുകള്, ഗ്രില് ചെയ്ത ചിക്കന്, സൂപ്പ് എന്നിവ അടങ്ങിയിരിക്കുന്നു. നടി ധാരാളം വെള്ളം കുടിക്കുകയും സ്വയം ജലാംശം നിലനിര്ത്തി ശരീരത്തില് വിഷാംശം ഇല്ലാതാക്കുകയും ചെയ്യുന്നു. ശ്രുതി ഹാസന്റെ പ്രിയപ്പെട്ട പാനീയങ്ങള് തേങ്ങാ വെള്ളവും തണ്ണിമത്തന് ജ്യൂസും ആണ്.
മാംസവും ഗ്രില് ചെയ്ത കോഴിയിറച്ചിയുമാണ് താരം വലിയ അളവില് കഴിക്കുന്നത്. ഇത് വഴി നല്ല അളവില് പ്രോട്ടീന് ശരീരത്തില് എത്തുന്നു. അതേസമയം സീഫുഡിനോട് താരത്തിന് താല്പര്യം കുറവാണ്. പലപ്പോഴും തന്റെ ഫിറ്റ്നസിന്റെയും വര്ക്കൗട്ടിന്റെയും വീഡിയോകള് ശ്രുതി ഹാസന് പങ്ക് വെക്കാറുണ്ട്. സലാറിന് ശേഷം 'ദ ഐ', 'ഡാക്കോട്ട്' എന്നീ ചിത്രങ്ങളിലാണ് ശ്രുതി ഹാസന് അടുത്തതായി അഭിനയിക്കുന്നത്.
രണ്ട് ഫിലിം ഫെയര് അവാര്ഡ് സൗത്ത്, മൂന്ന് സൗത്ത് ഇന്ത്യന് ഇന്റര്നാഷണല് മൂവി അവാര്ഡുകള് എന്നിവയുള്പ്പെടെ നിരവധി അംഗീകാരങ്ങള് ശ്രുതി ഹാസന് നേടിയിട്ടുണ്ട്. 2015-ലെയും 2016-ലെയും ഫോര്ബ്സ് ഇന്ത്യയുടെ സെലിബ്രിറ്റി 100 പട്ടികയില് ശ്രുതി ഹാസന് ഉള്പ്പെട്ടിരുന്നു.
Click it and Unblock the Notifications
Sign in with Google