പ്രായം 60 ആകുന്നു.. ഷാരൂഖിനിപ്പോഴും 20 കളിലേതിന് സമാനമായ ഫിറ്റ് ബോഡി; കാരണമറിയാമോ?
പതിറ്റാണ്ടുകളായി ബോളിവുഡിന്റെ ഐക്കണായി തുടരുകയാണ് ഷാരൂഖ് ഖാന്. കിംഗ് ഖാനെന്നും ബാദ്ഷായെന്നും വിളിപ്പേരുള്ള ഷാരൂഖിന്റെ കഴിഞ്ഞ വര്ഷമിറങ്ങിയ മൂന്ന് ചിത്രങ്ങളും സൂപ്പര്ഹിറ്റായിരുന്നു. ജവാന്, പത്താനും ബോക്സോഫീസില് കോടികള് വാരിയപ്പോള് ഡങ്കി മികച്ച അഭിപ്രായം നേടി. ജവാനിലേയും പത്താനിലേയും താരത്തിന്റെ ആക്ഷന് സീക്വന്സുകള് എല്ലാവരുടേയും ശ്രദ്ധ നേടിയിരുന്നു.
തന്റെ ഫിറ്റ്നസിലും ഡയറ്റിലും താരം കാണിക്കുന്ന നിഷ്കര്ഷത വെളിവാക്കുന്നതായിരുന്നു ഈ സിനിമയിലെ ആക്ഷന് രംഗങ്ങള്. 58 കാരനായ ഷാരൂഖ് ഇപ്പോഴും തന്റെ യൗവനകാലത്തെ അനുസ്മരിപ്പിക്കുന്ന ഫിറ്റ്നസാണ് നിലനിര്ത്തുന്നത്. ഈ പ്രായത്തിലും അദ്ദേഹത്തിന്റെ ഫിറ്റ്നസ് നിലവാരം സമാനതകളില്ലാത്തതാണ്. താരത്തിന്റെ ഭക്ഷണക്രമവും ഫിറ്റ്നസ് രഹസ്യങ്ങളും എന്തെല്ലാമാണ് എന്ന് നമുക്ക് നോക്കാം.
അടുത്തിടെ ഒരു ബ്രിട്ടീഷ് ദിനപത്രത്തിന് നല്കിയ അഭിമുഖത്തില് ഷാരൂഖ് തന്റെ ഭക്ഷണത്തെ കുറിച്ചും ഫിറ്റ്നസ് ലെവലുകള് നിലനിര്ത്തുന്നതിനുള്ള തന്റെ വര്ക്ക്ഔട്ട് രീതിയെ കുറിച്ചും പങ്കുവെച്ചിരുന്നു. ഒരു ദിവസം ഒരും നേരം മാത്രം പ്രധാന ഭക്ഷണം കഴിക്കുക എന്നതാണ് താരത്തിന്റെ രീതി. ഏതെങ്കിലും പ്രത്യേക ഡയറ്റ് പ്ലാനുമായി യാതൊരു ബന്ധവുമില്ലാത്ത ഒരു വ്യക്തിഗത തിരഞ്ഞെടുപ്പായാണ് അദ്ദേഹം ഇതിനെ വിശേഷിപ്പിക്കുന്നത്.
ഒരു ദിവസം ഒരു ഭക്ഷണം എന്നത് ഒരു തരം ഇടവിട്ടുള്ള ഉപവാസമാണ്. ഈ രീതി കലോറി ഉപഭോഗം പരിമിതപ്പെടുത്തുന്നതിലൂടെ ഒരു ദിവസത്തെ ഭക്ഷണക്രമം വേഗത്തില് ശരീരഭാരം കുറയ്ക്കാന് സഹായിക്കുമെന്ന് വിശ്വസിക്കപ്പെടുന്നു. കൂടാതെ, നിങ്ങള്ക്ക് ഇഷ്ടമുള്ള ഏത് ഭക്ഷണവും അതില് ഉണ്ടായിരിക്കാം. എന്നാല് ഇതിന് ചില വിപരീതഫലങ്ങളും ഉണ്ട്.
പല ഗവേഷണങ്ങളും കാണിക്കുന്നത് 23 മണിക്കൂര് ഒന്നും കഴിക്കാത്തതിനാല് ആളുകള്ക്ക് ക്ഷീണമോ ഊര്ജ്ജം കുറവോ അനുഭവപ്പെടാം എന്നാണ്. ഇത് ബലഹീനതയ്ക്കും രക്തത്തിലെ പഞ്ചസാരയുടെ അളവ് കുറയ്ക്കുന്നതിനും വിശപ്പിന്റെ വികാരത്തിനും കാരണമാകും. മിക്ക അഭിനേതാക്കളും ദിവസത്തില് മണിക്കൂറുകളോളം കഠിനമായ, കര്ശനമായ വ്യായാമ മുറകളില് ഏര്പ്പെടുമ്പോള് ഷാരൂഖ് എല്ലാ ദിവസവും 30 മിനിറ്റ് മാത്രം വര്ക്ക് ഔട്ട് ചെയ്യാന് ഇഷ്ടപ്പെടുന്നു.
എന്നാല് വര്ക്കൗട്ട് സമയം സംബന്ധിച്ച് കൃത്യമായ ചട്ടക്കൂടെന്നും അദ്ദേഹം പുലര്ത്തുന്നില്ല. തിരക്കേറിയ ഷൂട്ടിംഗ് ദിവസം കഴിഞ്ഞ് മടങ്ങുമ്പോള് ചിലപ്പോള് പുലര്ച്ചെ 3 മണിക്ക് പോലും ജിമ്മില് എത്താറുണ്ടെന്ന് അദ്ദേഹം പറയുന്നു. ജോലിസ്ഥലത്ത് ക്ഷീണിതനാണെങ്കിലും ഉറങ്ങാന് പോകുന്നതിനുമുമ്പ് അരമണിക്കൂറോളം വര്ക്ക്ഔട്ട് ചെയ്യാന് തനിക്ക് കഴിയാറുണ്ട് എന്നും ഷാരൂഖ് വ്യക്തമാക്കുന്നു.
തിരക്കേറിയ ഷെഡ്യൂളും സജീവമായ ജീവിതശൈലിയും കണക്കിലെടുക്കുമ്പോള് ഇക്കാര്യങ്ങളെല്ലാം ചെയ്യുന്നത് മെഡിക്കല് വിദഗ്ധരുടെ മാര്ഗനിര്ദേശത്തിന് കീഴിലാണെന്ന് മറക്കരുത്. അതിനാല് തന്നെ താരത്തിന്റെ ഫിറ്റ്നസ് ദിനചര്യ പൂര്ണമായി എല്ലാവര്ക്കും പിന്തുടരാന് കഴിയില്ല. എങ്കിലും സമീകൃതാഹാരം, ശരിയായ ഭക്ഷണക്രമം, കൃത്യമായ വര്ക്കൗട്ട് എന്നിവ ഫിറ്റ്നസിന്റെ ചവിട്ടുപടികളാണ് എന്ന് ഷാരൂഖും സമ്മതിക്കുന്നു.
Click it and Unblock the Notifications
Sign in with Google