ചീര മുതൽ ബദാം വരെ; ഡയറ്റിൽ ഉൾപ്പെടുത്തിയാൽ വരയും ചുളിവുമൊക്കെ പോയി നല്ല തിളക്കമുള്ള ചർമ്മം ലഭിക്കും
തണുപ്പ് കാലത്ത് നിങ്ങളുടെ ചർമ്മത്തിന് പ്രത്യേക ശ്രദ്ധ ആവശ്യമാണ്. ഈ സീസണിൽ സാധാരണയായി ചർമ്മം വരണ്ടതും ഈർപ്പം ഇല്ലാത്തതുമാകും. എണ്ണ പുരട്ടന്നതും മോയ്ചറൈസുകൾ പുരട്ടുന്നതുമൊക്കെ താത്ക്കാലികമായി ചർമ്മത്തെ സംരക്ഷിക്കും. എന്നാൽ എന്നും ചർമ്മത്തിന് തിളക്കം ലഭിക്കണമെങ്കിൽ ഭക്ഷണത്തിൽ ശ്രദ്ധിക്കണം. ചർമ്മത്തിന് തിളക്കം നൽകുന്നതിന് ഏറെ സഹായിക്കുന്ന ഒന്നാണ് വിറ്റാമിൻ ഇ.
വിറ്റാമിൻ ഇ അടങ്ങിയ ഭക്ഷണ ക്രമം നിങ്ങളുടെ ചർമ്മത്തെ തിളക്കമുള്ളതാക്കും മാത്രമല്ല മൊത്തത്തിലുള്ള ആരോഗ്യത്തിനും നല്ലതാണ്. പ്രതിരോധ ശേഷി വർദ്ധിപ്പിക്കുകയും വിട്ടുമാറാത്ത രോഗങ്ങളിൽ നിന്ന് സംരക്ഷിക്കുകയും ചെയ്യും.. ഇതിൽ ആന്റി ഓക്സിഡന്റുകൾ ഉണ്ട്. വിറ്റാമിൻ സി ചർമ്മത്തിന് ധാരാളം ഗുണങ്ങൾ ചെയ്യും, വിറ്റാമിൻ ഇ അടങ്ങിയ ആരോഗ്യകരമായ ഭക്ഷണങ്ങൾ...
1. സൂര്യകാന്തി വിത്തുകൾ: സൂര്യകാന്തി വിത്തുകൾ വൈറ്റമിൻ ഇ അടങ്ങിയ ഭക്ഷണമാണ്. തൈരിനൊപ്പമോ സാലഡിനൊപ്പമോ ഇത് ഉപയോഗിക്കാം. നാരുകൾ, പ്രോട്ടീൻ, പൊട്ടാസ്യം, മഗ്നീഷ്യം എന്നിവയാൽ നിറഞ്ഞിരിക്കുന്നതിനാൽ ഇത് ഏറെ ഗുണം ചെയ്യും.
2. ചീര: നിങ്ങളുടെ ശരീരത്തിന് വിറ്റാമിനുകൾ, ധാതുക്കൾ, നാരുകൾ തുടങ്ങിയ പോഷകങ്ങൾ നൽകുന്നതിനുള്ള മികച്ച മാർഗങ്ങളിൽ ഒന്നാണ്. നിങ്ങളുടെ സാലഡിൽ അരക്കപ്പ് പച്ചച്ചീര ചേർക്കാം. ആരോഗ്യമുള്ളതും തിളക്കമുള്ളതുമായ ചർമ്മം ലഭിക്കും.
3. ബ്രോക്കോളി: ഈ ഡിറ്റോക്സ് ഫുഡ് വിറ്റാമിൻ മാത്രമല്ല നിങ്ങളുടെ ശരീരത്തിന് പ്രോട്ടീനും നൽകുന്നു. നിങ്ങളുടെ സൂപ്പിൽ ബ്രോക്കോളി ചേർക്കാം. കാരണം ഇത് കൊളസ്ട്രോളിന്റെ അളവ് കുറയ്ക്കുകയും ചർമ്മത്തിന്റെ സ്വാഭാവിക തിളക്കം നിലനിർത്തുകയും ചെയ്യുന്നു.
4. ബദാം: ആവശ്യമായ അളവിവ് വിറ്റാമിൻ ഇയും മറ്റ് എസൻഷ്യൽ എണ്ണയും ലഭിക്കാൻ ബദാം മതി. ഫ്രീറാഡിക്കലുകളെ ചെറുക്കാൻ ശരീരത്തെ സഹായിക്കുന്ന ആന്റി ഓക്സിഡന്റ് ഗുണങ്ങൾ ഉള്ളതിനോടൊപ്പം നിങ്ങളുടെ ചർമ്മത്തെ തിളക്കമുള്ളതും മനോഹരവും ആക്കുന്നു.
5. നിലക്കടല: ഇത് എല്ലാവർക്കും ഇഷ്ടമുള്ള ഒന്നാണ്. നിങ്ങളുടെ ചർമ്മത്തിനും ഗുണം ചെയ്യും. വിറ്റാമിൻ ഇയുടെ മികച്ച ഉറവിടമാണ് ഇത്. കൊളസ്ട്രോൾ അളവ് കുറയക്കുകയും ചർമ്മത്തിന് തിളക്കം നൽകുകയും ചെയ്യുന്നു. ജലാംശം നിലനിർത്തും. അവയുടെ വിറ്റാമിനുകളും ധാതുക്കളും ആന്റി ഓക്സിഡന്റുകളും മുഖക്കുരുവിന് കാരണമാകുന്ന ബാക്ടീരിയകളെ ചെറുക്കാനും വീക്കം കുറയ്ക്കാനും സഹായിക്കുന്നു.
6. ബെറീസ്: ക്രാൻബെറികളും ബ്ലാക്ക്ബെറികളും വിറ്റാമിൻ ഇ ലഭിക്കുന്നതിനുള്ള മികച്ച സ്രോതസ്സുകളാണ്. നിങ്ങളുടെ ചർമ്മത്തിന് ഏറെ ഗുണം ചെയ്യും.
Click it and Unblock the Notifications
Sign in with Google