കക്കിരിയും കറിവേപ്പിലയും മാതളനാരങ്ങയും കൊണ്ടൊരു പാനീയം; കുടിച്ചോളൂ, മുഖത്തെ കരിവാളിപ്പ് ഇല്ലാതാക്കാം
നാമെല്ലാവരും ആഗ്രഹിക്കുന്നത് തെളിഞ്ഞ, തിളങ്ങുന്ന ചർമ്മമാണ്. അതിന് വേണ്ടി ക്രീമുകൾ ഉൾപ്പെടെയുള്ള ചർമ്മ സംരക്ഷണ ഉൽപ്പന്നങ്ങൾ ഉപയോഗിക്കാറുമുണ്ട്. എന്നാൽ ഈ ഉൽപ്പന്നങ്ങൾ കൊണ്ട് മാത്രം ചർമ്മത്തിന്റെ സൗന്ദര്യം നിലനിർത്താൻ സാധിക്കില്ല.
ചർമ്മത്തിൻ്റെ ആരോഗ്യത്തിൽ ഭക്ഷണക്രമം വഹിക്കുന്ന പങ്ക് ചെറുതല്ല. പല കാരണങ്ങളാൽ സ്ത്രീകളും പുരുഷന്മാരും അഭിമുഖീകരിക്കുന്ന ഒരു പ്രശ്നമാണ് ചർമ്മത്തിൻ്റെ പിഗ്മെൻ്റേഷൻ. ചർമത്തിൽ നിറ വ്യത്യാസമുണ്ടാകുന്നത് നമ്മുടെ ഭംഗിയെ മൊത്തത്തിൽ ബാധിക്കും.
ഒരു ചർമ്മസംരക്ഷണ ദിനചര്യ പിഗ്മെൻ്റേഷൻ പ്രശ്നങ്ങൾ പരിഹരിക്കാൻ സഹായിക്കുമെങ്കിലും, തിളങ്ങുന്ന നിറം കൈവരിക്കുന്നതിൽ നാം കഴിക്കുന്ന ഭക്ഷണങ്ങളും ഒരു പ്രധാന പങ്ക് വഹിക്കുന്നു. പിഗ്മെൻ്റേഷൻ ഇല്ലാതാക്കാൻ നമ്മുടെ ഭക്ഷണവും സഹായകമാണ്. ആൻ്റി ഓക്സിഡൻ്റുകൾ, വിറ്റാമിനുകൾ, ധാതുക്കൾ എന്നിവയാൽ സമ്പന്നമായ ഭക്ഷണത്തിന് ചർമ്മത്തിൻ്റെ നിറവും ഘടനയും മെച്ചപ്പെടുത്താൻ സഹായിക്കാനാകും.
ചർമ്മത്തിന്റെ പിഗ്മെന്റേഷന്റെ കാരണങ്ങൾ എന്തൊക്കെയാണ്:
അമിതമായ സൂര്യപ്രകാശം, ഹോർമോൺ മാറ്റങ്ങൾ, വീക്കം എന്നിവ പിഗ്മെൻ്റേഷന് കാരണമാകുന്ന പ്രാഥമിക ഘടകങ്ങളാണ്. പിഗ്മെൻ്റേഷന് കാരണമാകുന്ന മറ്റ് ചില കാരണ ഘടകങ്ങൾ പ്രസവത്തിന് ശേഷവും, ആർത്തവവിരാമത്തിന് ശേഷവുമൊക്കെ നിറ വ്യത്യാസം ഉണ്ടാവാം.
നമ്മുടെ വീട്ടിൽ നിന്ന് തന്നെ പിഗ്മെന്റേഷൻ എങ്ങനെ കുറയ്ക്കാം. കക്കിരിക്ക, മാതളനാരങ്ങ, കറിവേപ്പില, നാരങ്ങ നീര് എന്നിവ കൊണ്ടൊരു വഴിയുണ്ട്.
കക്കിരിക്ക, മാതളനാരങ്ങ, കറിവേപ്പില, നാരങ്ങ നീര് പാനീയത്തിന്റെ ഗുണം: ഈ പാനീയം ചർമ്മത്തിന്റെ നിറം മങ്ങുന്നതിനെതിരെ പോരാടും. ഇത് ചർമ്മത്തിന് ഏറെ ഗുണം ചെയ്യുകയും ചെയ്യും. വെള്ളരിക്കയിൽ ആൻ്റി ഓക്സിഡൻ്റുകളും സിലിക്കയും ഉണ്ട്, ഇത് പിഗ്മെൻ്റേഷൻ കുറയ്ക്കാൻ സഹായിക്കും.
വിറ്റാമിൻ സിയും ആൻ്റി ഓക്സിഡൻ്റുകളും ധാരാളമായി അടങ്ങിയിട്ടുള്ള മാതളനാരങ്ങ ചർമ്മത്തിന് തിളക്കം കും കറുത്തപാടുകളെ ഇല്ലാതാക്കാനും സഹായിക്കും . വിറ്റാമിൻ സിയും ആൻ്റി ഓക്സിഡൻ്റുകളാലും സമ്പന്നമായ കറിവേപ്പിലയും ചർമ്മത്തിന് ഗുണം ചെയ്യും. കറുത്ത പാടുകൾ ഇല്ലാതാക്കാനും തിളക്കം നൽകാനും ഉയർന്ന വിറ്റാമിൻ സി അടങ്ങിയ നാരങ്ങ നീര് സഹായിക്കുന്നു.
എങ്ങനെ ഇത് തയ്യാറാക്കാം: വളരെ എളുപ്പമാണ് ഇത് തയ്യാറാക്കാൻ. ചെറിയ കക്കിരിക്ക, അര കപ്പ് മാതളനാരങ്ങ, 10- 13 കറിവേപ്പി, അര കഷണം നാരങ്ങയുടെ നീര് എന്നിവയാണ് ആവശ്യം. ഈ ചേരുവകൾ മിനുസമാകുന്നത് വരെ അടിച്ചെടുക്കുക.
ഡയറ്റിൽ മാറ്റം വരുത്തുന്നതിന് മുൻപ് ഡോക്ടറുടെ നിർദ്ദേശം സ്വീകരിക്കുന്നത് നല്ലതാണ്
Click it and Unblock the Notifications
Sign in with Google