വെയിൽ മുഖത്തിന് പണി തന്നോ? തക്കാളിയും നാരങ്ങയുമുണ്ടോ? മുഖത്തെ കരിവാളിപ്പ് വീട്ടിൽ നിന്ന് മാറ്റാം
വേനൽക്കാലം ആയാൽ പ്രധാനമായും നേരിടുന്ന ഒരു പ്രശ്നമാണ് മുഖം കരിവാളിക്കുന്നത്. പുറത്തിറങ്ങാതിരിക്കുക എന്ന് പറയുന്നത് സാധ്യമായ കാര്യവുമല്ല. അപ്പോൾ എന്താണ് ചെയ്യേണ്ടത് ചർമ്മത്തിന് കൂടുതൽ ശ്രദ്ധ കൊടുക്കണം. മെലാനിൻ ഉൽപ്പാദനം കൂടുന്നതാണ് ചർമ്മത്തിന് നിറം മറ്റാം വരാനുള്ള കാരണം.
സൂര്യപ്രകാശം അമിതമായി ഏൽക്കുമ്പോൾ ചർമ്മത്തിൽ മെലാനിൻ ഉൽപാദനം വർദ്ധിക്കും. മെലാനിൻ ഉൽപാദനം കൂടുമ്പോൾ ചർമ്മത്തിന്റെ ചില ഭാഗത്ത് നിറ വ്യത്യാസം വരാം. ചിലപ്പോൾ ഹൈപ്പർപിഗ്മെൻ്റേഷന് കാരണം ആയേക്കാം. ഇത് ചർമ്മത്തിൽ മറ്റ് പ്രശ്നങ്ങൾക്കൊപ്പം ചുളിവുകളും മുഖക്കുരുവും ഉണ്ടാക്കുന്നു.
മുഖത്തെ കരിവാളിപ്പ് നീക്കം ചെയ്യാൻ വീട്ടിൽ തന്നെ തയ്യാറാക്കാൻ സാധിക്കുന്ന ഫേസ്പാക്കുകളാണ് പറയുന്നത്:
1. തക്കാളി ഫേസ് പാക്ക്: തക്കാളിക്ക് സ്വാഭാവികമായും അസിഡിറ്റി ഉണ്ട്. അത് ചർമ്മത്തിന് തിളക്കം നൽകാൻ സഹായകമാകും. തക്കാളി ഫേസ് പാക്ക് ഉപയോഗിക്കുന്നത് കരിവാളിപ്പ് ഇല്ലാതാക്കാൻ സഹായിക്കും. മാത്രമല്ല ആന്റി ബാക്ടീരിയൽ, ആന്റി ഇൻഫ്ലമേറ്ററി ഗുണങ്ങളും മുഖത്തെ കരിവാളിപ്പ് ഇല്ലാതാക്കാൻ സഹായിക്കും.
തയ്യാറാക്കേണ്ടത്: തക്കാളി അരിഞ്ഞ് അരച്ച് കട്ടിയുള്ള പേസ്റ്റ് തയ്യാറാക്കാം. ഈ പേസ്റ്റ് മുഖത്ത് പുരട്ടാം. 20 മിനിറ്റ് നേരം മുഖത്ത് തേച്ച് വെയ്ക്കുക. തണുത്ത വെള്ളം ഉപയോഗിച്ച് കഴുകുക.
2. നാരങ്ങയും പഞ്ചസാരയും ചേർത്ത ഫേസ് പാക്ക്: ടാൻ നീക്കം ചെയ്യാൻ ഉപയോഗിക്കുന്ന ഫേസ് പാക്കുകളിൽ ഏറ്റവും അത്യാവശ്യമായ ഘടകമാണ് നാരങ്ങ. നിങ്ങളുടെ ചർമ്മത്തിന് തിളക്കം നൽകാൻ സഹായകമാകും. നാരങ്ങയ്ക്ക് ഒപ്പം പഞ്ചസാരയും ചേർക്കുമ്പോൾ എക്സ്ഫ്ലോയിറ്റേഷനും നടക്കും.
തയ്യാറാക്കേണ്ടത്: ഒരു ടേബിൾ സ്പൂൺ നാരങ്ങ നീര് എടുത്ത് പിഴിഞ്ഞ് നീരെടുത്തു കുറച്ച് പഞ്ചസാര ചേർക്കുക. അത് നല്ലോണം മിക്സ് ചെയ്യുക. നിങ്ങളുടെ മുഖത്ത് ഈ സ്ക്രബ് ഉപയോഗിച്ചതിന് ശേഷം പത്ത് മിനിറ്റ് നേരം വെയ്ക്കുക. ശേഷം വെള്ളത്തിൽ കഴുകുക.
3. മഞ്ഞളും തൈരും ചേർത്ത ഫേസ് പാക്ക്: മുഖത്തെ ടാൻ നീക്കം ചെയ്യാൻ ഏറ്റവും ഫല പ്രദമായ ഫേസ് പാക്കുകളിൽ ഒന്നാണ് മഞ്ഞളും തൈരും ചേർത്തുള്ള പാക്ക്. ഇത് ചർമ്മത്തിന് ഏറെ ഗുണം ചെയ്യും. ചർമ്മത്തിന്റെ വീക്കം കുറയ്ക്കുകയും മുഖത്തിന് തിളക്കം നൽകുകയും ചെയ്യും.
തയ്യാറാക്കേണ്ടത്: രണ്ട ടേബിൾ സ്പൂൺ തൈര് എടുത്ത് അതിൽ ഒരു ടേബിൾ സ്പൂൺ മഞ്ഞൾപ്പൊടി കലർത്തുക. നന്നായി യോജിപ്പിക്കണം. 15 മിനിറ്റ് മുഖത്ത് വെയ്ക്കുക. അതിന് ശേഷം കഴുകാം.
Click it and Unblock the Notifications
Sign in with Google