തണ്ണിമത്തനും, വാഴപ്പഴവും; വീട്ടിൽ തന്നെ തയ്യാറാക്കാം ഈ ഫേയ്സ് മാസ്ക്; മുഖം തിളങ്ങും,ചുളിവും വരില്ല
വേനൽക്കാലത്ത് ദാഹം മാറ്റാനും ക്ഷീണം അകറ്റാനുമൊക്കെ പറ്റിയ ഒന്നാണ് തണ്ണിമത്തൻ. എന്നാൽ ചർമ്മ സംരക്ഷണത്തിന് ഇത് സഹായകമാണെന്ന് നിങ്ങൾക്ക് അറിയാമോ? അതെ, തിളങ്ങുന്ന ചർമ്മം ലഭിക്കാൻ നിങ്ങൾക്ക് മുഖത്ത് തണ്ണിമത്തൻ ഉപയോഗിക്കാം. ഇതിലെ ഉയർന്ന വെള്ളവും ആൻ്റി ഓക്സിഡൻ്റ് കണ്ടന്റും ചർമ്മത്തെ സംരക്ഷിക്കാൻ സഹായിക്കുന്നു. തണ്ണിമത്തൻ ഉപയോഗിച്ച് തയ്യാറാക്കാൻ സാധിക്കുന്ന മാസ്ക്കുകളും മുഖത്തിന് തണ്ണിമത്തൻ നൽകുന്ന ഗുണങ്ങളും അറിയാം.
തണ്ണിമത്തൻ മുഖത്തിന്:
തണ്ണിമത്തനിൽ ഏറ്റവും ഉയർന്ന ജലാംശം ഉള്ളത് കൊണ്ട് തന്നെ വേനൽക്കാലത്ത് ചർമ്മത്തെ ഈർപ്പമുള്ളതാക്കും. ഇത് ചർമ്മത്തിലെ ജലാംശം വർദ്ധിപ്പിക്കുകയും ചർമ്മം വരണ്ടുപോകാതെ സംരക്ഷിക്കുകയും ചെയ്യുന്നു. ചുളിവുകളും നേർത്ത വരകളും കുറയ്ക്കുകയും ചെയ്യുന്നു.
വേനൽക്കാലത്ത് സൂര്യാഘാതം അല്ലെങ്കിൽ അൾട്രാവയലറ്റ് രശ്മികളിൽ നിന്നുള്ള കേടുപാടുകൾ തടയാനും തണ്ണിമത്തൻ മുഖത്ത് പുരട്ടുന്നത് അകാല വാർദ്ധക്യം തടയാൻ ഫ്രീ റാഡിക്കലിനെതിരെ പോരാടുന്നു.
മുഖത്ത് തണ്ണിമത്തൻ എങ്ങനെ ഉപയോഗിക്കാം:
മുഖത്ത് തണ്ണിമത്തൻ ഉപയോഗിക്കുന്നതിനുള്ള വഴികൾ ഇതാ. നിങ്ങൾക്ക് ഇവയിലേതെങ്കിലും ഉപയോഗിക്കാൻ കഴിയും
തണ്ണിമത്തൻ, തൈര്, വാഴപ്പഴം എന്നിവ ഉപയോഗിച്ച് സ്വാഭാവിക തിളക്കം വർദ്ധിപ്പിക്കാം. വരണ്ട ചർമ്മമുള്ള ആളുകൾക്ക് മുഖത്തിന്റെ നഷ്ടപ്പെട്ട തേജസ്സ് വീണ്ടെടുക്കാൻ ഈ ഫേസ് പാക്ക് തയ്യാറാക്കാം.
ഒരു പാത്രത്തിൽ 2: 2: 1 എന്ന അനുപാതത്തിൽ തണ്ണിമത്തൻ, വാഴപ്പഴം, തൈര് എന്നിവ ചേർക്കുക. കട്ടിയുള്ള പേസ്റ്റ് ഉണ്ടാക്കി മുഖത്ത് പുരട്ടാം. ഈ ഫേസ് പാക്ക് 15-20 മിനിറ്റ് നേരം വയ്ക്കുക, എന്നിട്ട് കഴുകുക.മികച്ച ഫലത്തിനായി ഇതിന് ശേഷം തണ്ണിമത്തൻ ടോണർ ഉപയോഗിക്കുക.
തണ്ണിമത്തൻ, പാൽ ആൻ്റി - ഏജിംഗ് ഫേസ് പാക്ക്:
അകാല വാർദ്ധക്യം തടയാൻ ഫ്രീ റാഡിക്കലുകളെ ചെറുക്കുന്ന ശക്തമായ ആൻ്റി ഓക്സിഡൻ്റുകൾ തണ്ണിമത്തനിലുണ്ട്. ചർമ്മത്തെ ആഴത്തിൽ ശുദ്ധീകരിക്കുകയും നിർജ്ജീവമായ ചർമ്മകോശങ്ങളെ നീക്കം ചെയ്യാനും പാൽ സഹായിക്കും. മോയ്സ്ചറൈസിംഗ്, ആൻ്റി-ഏജിംഗ് പ്രോപ്പർട്ടികൾ എന്നിവയും ഉണ്ട്.
ഈ ഫേസ് പാക്ക് തയ്യാറാക്കാൻ, തണ്ണിമത്തൻ, പാൽ, തേൻ എന്നിവ മിക്സ് ചെയ്യുക. ഒരു പേസ്റ്റ് ഉണ്ടാക്കി മുഖത്ത് പുരട്ടുക. കുറച്ച് സമയം വെച്ചതിന് ശേഷം ചെറുചൂടുള്ള വെള്ളത്തിൽ കഴുകാം.
Click it and Unblock the Notifications
Sign in with Google