വെയിലേറ്റു നിറം മങ്ങിയോ? നല്ല തണുപ്പും മുഖത്തിന് നിറവും നല്കുന്ന ഈ പാനീയം നിങ്ങളുടെ അടുക്കളയിലുണ്ട്
വീടിന് പുറത്തിറങ്ങുമ്പോള് മിക്കവരും നേരിടുന്ന ഏറ്റവും വലിയ സൗന്ദര്യ പ്രശ്നമാണ് വെയിലത്ത് മുഖം കരുവാളിക്കുന്നത്. മുഖത്തിന്റെ സ്വാഭാവിക നിറം മങ്ങി ക്ഷീണിച്ച അവസ്ഥയിലായിരിക്കും പിന്നീട് കാണപ്പെടുക. വീട്ടില് തിരിച്ചെത്തി ഉടന് പരിഹാരം കണ്ടില്ലെങ്കില് മുഖത്തെ കരുവാളിപ്പ് അങ്ങനെ തന്നെ നിലനില്ക്കുകയും ചെയ്യും.
സൂര്യപ്രകാശത്തിലെ അള്ട്രാവയലറ്റ് രശ്മികളേറ്റ് മുഖത്തുണ്ടാകുന്ന ചര്മ്മ പ്രശ്നങ്ങള്ക്ക് ആശ്വാസം ലഭിക്കാന് തേങ്ങാ വെള്ളം (കരിക്കിന് വെള്ളം) ഒരു ഉത്തമ മാര്ഗമാണ്. കുടിക്കുമ്പോള് ശരീരത്തിന് തണുപ്പും ആശ്വാസവും നല്കുന്ന ഈ പ്രകൃതിദത്ത പാനീയം ചര്മ്മത്തിനും അത്യുത്തമമാണ്. ചര്മത്തെ തണുപ്പിക്കാനും ജലാംശം നല്കാനും നിറം വര്ധിപ്പിക്കാനും തേങ്ങാവെള്ളത്തിന് ശേഷിയുണ്ട്. തേങ്ങാവെള്ളത്തിലെ ഇലക്ട്രോലൈറ്റുകളാണ് ചര്മ്മത്തിലെ ജലാംശം നിലനിര്ത്താന് സഹായിക്കുന്നത്. ഇത് ചര്മ്മം വരണ്ടുപോകാതെ തടയുന്നു.
കരുവാളിപ്പ് മൂലമുണ്ടാകുന്ന മുഖത്തിന്റെ നിറവ്യത്യാസവും വീക്കവും കുറയ്ക്കാന് ഒരു പ്രകൃതിദത്ത ടോണറായി തേങ്ങാവെള്ളം ഉപയോഗിക്കാം. പതിവായി ഉപയോഗിച്ചാല് ചര്മത്തിന് സ്വാഭാവികമായ തിളക്കവും മൃദുത്വവും ലഭിക്കും. മുഖക്കുരുവും അകാല വാര്ധക്യത്തിന്റെ ലക്ഷണങ്ങളും തടയാന് തേങ്ങാവെള്ളം സഹായിക്കുന്നു.
വിറ്റാമിനുകളാല് സമ്പന്നമായ തേങ്ങാവെള്ളം കേടായ ചര്മ്മത്തിന് ആവശ്യമായ പോഷണം നല്കുന്നു. ശരീരത്തിന്റെ ഈര്പ്പം നിലനിര്ത്താനുള്ള കഴിവിന് പേരുകേട്ടതാണ് തേങ്ങാവെള്ളം. തേങ്ങാവെള്ളം നേരിട്ട് ചര്മ്മത്തില് പുരട്ടുന്നത് സൂര്യപ്രകാശം മൂലമുണ്ടാകുന്ന അസ്വസ്ഥതയും ചുവന്ന പാടുകളും കുറയ്ക്കുമെന്ന് തെളിയിക്കപ്പെട്ടിട്ടുള്ളതാണ്. ശുദ്ധമായ തേങ്ങാവെള്ളം ഒരു സ്പ്രേ ബോട്ടിലിലാക്കി മുഖത്ത് സ്പ്രേ ചെയ്യാം അല്ലെങ്കില് കോട്ടണ് ഉപയോഗിച്ച് പുരട്ടാം.
തേങ്ങാവെള്ളത്തില് അടങ്ങിയിരിക്കുന്ന ലോറിക് ആസിഡിന് ആന്റി ബാക്ടീരിയല് ഗുണങ്ങളുണ്ട്. ഇത് മുഖക്കുരു ഉണ്ടാക്കുന്ന ബാക്ടീരിയകളെ നശിപ്പിക്കാന് സഹായിക്കുന്നു. തേങ്ങാവെള്ളം തേന്, മഞ്ഞള്, അല്ലെങ്കില് കറ്റാര് വാഴ ജെല് എന്നിവയുമായി ചേര്ത്ത് ഫേസ് പാക്കുകള് ഉണ്ടാക്കി മുഖത്ത് പുരട്ടിയാല് കരുവാളിപ്പ് വേഗം മാറി മുഖം തിളങ്ങുന്നത് കാണാന് കഴിയും. ഇനി തേങ്ങ പൊട്ടിക്കുമ്പോള് വെള്ളം വെറുതേ കളയാതെ അതു നേരെ മുഖത്ത് പുരട്ടിനോക്കൂ; ദിവസങ്ങള്ക്കുള്ളില് വ്യത്യാസം തിരിച്ചറിയാം.
Click it and Unblock the Notifications
Sign in with Google