തിളങ്ങുന്ന ചര്മ്മം നിങ്ങള്ക്കും സ്വന്തമാക്കാം.. പാല് ഒഴിവാക്കി നോക്കൂ, പിന്നേയോ..?
ചര്മ്മ സംരക്ഷണം ഇന്നത്തെ കാലത്ത് ഏറെ പ്രയാസം നിറഞ്ഞ ജോലിയാണ്. നിരന്തരമായ മലിനീകരണവും കടുത്ത വെയിലും ശുദ്ധവും ആരോഗ്യകരവുമായ ചര്മ്മം നിലനിര്ത്തുന്നത് ബുദ്ധിമുട്ടുള്ളതായി തോന്നാം. എന്നാല് ബാഹ്യ ഘടകങ്ങള് മാത്രമല്ല നമ്മുടെ ചര്മ്മത്തെ ബാധിക്കുന്നത്. ചര്മ്മത്തിന്റെ ആരോഗ്യത്തിന്റെ കാര്യത്തില് നമ്മുടെ ഭക്ഷണ ക്രമവും പ്രധാനവും നിര്ണായകവുമായ പങ്ക് വഹിക്കുന്നു.
എന്നാല് ചര്മ്മത്തിന് നല്ല തിളക്കം ലഭിക്കാന് എന്തൊക്കെ ഭക്ഷണങ്ങളാണ് ഒഴിവാക്കേണ്ടതെന്ന് പലപ്പോഴും നമ്മള് മനസ്സിലാക്കാറില്ല. നമ്മുടെ ഭക്ഷണക്രമത്തില് ഒരു ടാബ് സൂക്ഷിക്കുന്നില്ലെങ്കില്, ബാഹ്യവും അനിവാര്യവുമായ ഘടകങ്ങള് നമ്മുടെ ചര്മ്മത്തിന്റെ അവസ്ഥയെ വഷളാക്കുകയും ആരോഗ്യത്തെ ദോഷകരമായി ബാധിക്കുകയും ചെയ്യും.
തിളക്കമുള്ള ചര്മ്മം വേണമെങ്കില് ഒഴിവാക്കേണ്ട ഭക്ഷണങ്ങള് ഏതൊക്കെയാണ് എന്നതിനെ കുറിച്ചാണ് ഇനി പറയാന് പോകുന്നത്. ക്ഷീരോല്പന്നമായ ഭക്ഷണമായതിനാല് പാല് ഒഴിവാക്കുന്നതോ നിയന്ത്രിക്കുന്നതോ ആണ് നല്ലത്. ഇത് കഴിക്കുന്നത് നിങ്ങളുടെ കുടലില് കൂടുതല് വീക്കം ഉണ്ടാക്കും. ഇത് നിങ്ങളുടെ ചര്മ്മത്തിന്റെ നേരിട്ടുള്ള പ്രതിഫലനമാണ്.
സംസ്കരിച്ച ഭക്ഷണങ്ങളും ലഘുഭക്ഷണങ്ങളും ഒഴിവാക്കുക. തിളക്കമുള്ള ചര്മ്മം ലഭിക്കാന്, സംസ്കരിച്ച ഭക്ഷണങ്ങളും ലഘുഭക്ഷണങ്ങളും ഒഴിവാക്കണം. സംസ്കരിച്ച ഭക്ഷണങ്ങളില് ശുദ്ധീകരിച്ച പഞ്ചസാര, കൃത്രിമ മായം ചേര്ക്കല്, അനാരോഗ്യകരമായ കൊഴുപ്പുകള് എന്നിവ അടങ്ങിയിട്ടുണ്ട്. ഇത് നിങ്ങളുടെ കുടലില് കൂടുതല് വീക്കം ഉണ്ടാക്കുകയും അതിനെ ദുര്ബലപ്പെടുത്തുകയും ചെയ്യും.
ഇത് നിങ്ങളുടെ ചര്മ്മ പ്രശ്നങ്ങളെയും മുഖക്കുരുവിനെയും നേരിട്ട് ബാധിക്കും. അധികമായി ശുദ്ധീകരിച്ച പഞ്ചസാര കഴിക്കുന്നത് നിങ്ങളുടെ ഇന്സുലിനും രക്തത്തിലെ പഞ്ചസാരയുടെ അളവും വര്ഘിപ്പിക്കും. ഇത് നിങ്ങളുടെ ചര്മ്മത്തിന്റെ വാര്ധക്യ പ്രക്രിയയെ ത്വരിതപ്പെടുത്തുകയും ചെറുപ്രായത്തില് തന്നെ നിങ്ങളുടെ ചര്മ്മത്തില് ചുളിവുകളും മറ്റും വീഴുന്നതിന് കാരണമാകുകയും ചെയ്യും.
വറുത്ത ഭക്ഷണം നിങ്ങളുടെ ചര്മ്മത്തിന്റെ പ്രായമാകല് പ്രക്രിയയെ നേരിട്ട് ബാധിക്കുന്ന ഫ്രീ റാഡിക്കലുകളെ ഉത്പാദിപ്പിക്കുന്നു. ഇത് നിങ്ങളുടെ കുടലില് കൂടുതല് വീക്കം ഉണ്ടാക്കുകയും ചര്മ്മത്തെ കൂടുതല് വഷളാക്കുകയും ചെയ്യും. ഈ ഭക്ഷണങ്ങള് അമിതമായി കഴിക്കുന്നത് നിങ്ങളുടെ ചര്മ്മത്തെ ദോഷകരമായി ബാധിക്കുകയും നിങ്ങളുടെ ചര്മ്മ സംരക്ഷണ ശ്രമങ്ങളെ പിന്നോട്ടടിപ്പിക്കുകയും ചെയ്യും.
ഇതിന് പകരം മറ്റ് ചില ഭക്ഷണങ്ങള് കഴിക്കുന്നത് ചര്മ്മത്തിന്റെ ആരോഗ്യം മെച്ചപ്പെടുത്തുകയും തിളക്കം വര്ധിപ്പിക്കുകയും ചെയ്യും.വിറ്റാമിന് സിയുടെ ഗുണം നിറഞ്ഞ സിട്രസ് പഴങ്ങള് അതിന് ഉദാഹരണമാണ്. ഇത് നിങ്ങള്ക്ക് മിനുസമാര്ന്നതും തിളങ്ങുന്നതുമായ ചര്മ്മം സമ്മാനിക്കും. കാരണം വിറ്റാമിന് സി കൊളാജന് ഉല്പാദനത്തിന് സഹായിക്കുന്നു. അതിനാല് ഓറഞ്ച്, കിവി, മുന്തിരി മുതലായവ കഴിക്കുന്നത് നല്ലതാണ്.
ആരോഗ്യമുള്ളതും തെളിഞ്ഞതുമായ ചര്മ്മം നേടുന്നതിന് ഒരു പിടി വാല്നട്ട് ഉപയോഗിച്ച് നിങ്ങളുടെ പ്രഭാതം ആരംഭിക്കുക. വാല്നട്ടില് വിറ്റാമിന് ഇ അടങ്ങിയിട്ടുണ്ട്. ഇത് ചര്മ്മം സ്വാഭാവികമായി തിളങ്ങാന് സഹായിക്കുന്നു. ആന്റി ഓക്സിഡന്റുകളാല് സമ്പുഷ്ടമായതിനാല് ഇലക്കറികള് നിങ്ങളുടെ ചര്മ്മത്തിന് പറ്റിയ ഓപ്ഷനാണ്. ഇലക്കറികള് ചര്മ്മത്തില് നിന്ന് ഫ്രീ റാഡിക്കലുകളെ നീക്കം ചെയ്യാനും ചുരുങ്ങിയ സമയത്തിനുള്ളില് ആരോഗ്യമുള്ളതാക്കാനും സഹായിക്കും.
Click it and Unblock the Notifications
Sign in with Google