മുഖക്കുരുവിന്റെ പാടുകള് മുഖം അലങ്കോലമാക്കുന്നോ? പുതിനയില നിങ്ങളെ സഹായിക്കും
ജലാംശം നിലനിര്ത്താന് വേനല്ക്കാല പാനീയങ്ങളില് ഉപയോഗിക്കുന്ന ഏറ്റവും സാധാരണമായ ചേരുവകളിലൊന്നാണ് പുതിനയില. ചര്മ്മ സംരക്ഷണ ഉല്പ്പന്നങ്ങളിലും പ്രകൃതിദത്ത പ്രതിവിധികളിലും പുതിന ഇലകള് ഒരു ജനപ്രിയ ചേരുവയാണ്. എന്നാല് ഇത് മുഖക്കുരുവിന്റെ പാടുകള് ഒഴിവാക്കാന് നിങ്ങളെ സഹായിക്കും എന്നത് പലര്ക്കും ഒരു പുതിയ അറിവായിരിക്കും.
മുഖക്കുരുവിന്റെ പാടുകള്ക്ക് പുതിനയില ഉപയോഗിക്കുന്നത് ഫലപ്രദമാണ്. മുഖക്കുരു പാടുകള് കുറയ്ക്കാന് പുതിനയില ഉപയോഗിക്കുന്നതിന്റെ ചില ഗുണങ്ങളെ കുറിച്ചാണ് ഇനി പറയാന് പോകുന്നത്. മുഖക്കുരു സംബന്ധമായ വീക്കം കാലക്രമേണ ചര്മ്മത്തെ നശിപ്പിക്കുകയും പാടുകള് അവശേഷിപ്പിക്കുകയും ചെയ്യും. ബ്ലാക്ഹെഡ്സ്, വൈറ്റ്ഹെഡ്സ് തുടങ്ങിയവയെ അപേക്ഷിച്ച് സിസ്റ്റുകള്ക്ക് കാരണമാകുന്ന കോശജ്വലന മുഖക്കുരു പാടുണ്ടാക്കാനുള്ള സാധ്യത കൂടുതലാണ്.
മുഖക്കുരു പിഴിഞ്ഞെടുക്കുന്നത് ചര്മ്മത്തെ വിണ്ടുകീറുകയും അതിനെ ദോഷകരമായി ബാധിക്കുകയും ഒടുവില് പാടുകള് അവശേഷിപ്പിക്കുകയും ചെയ്യും. ദീര്ഘകാലത്തേക്ക് മുഖക്കുരുവിനെ അവഗണിക്കുന്നത് മുഖക്കുരു പാടുകള് ഉണ്ടാകാനുള്ള സാധ്യത വര്ധിപ്പിക്കും. അതിനാല്, ഗുരുതരമായ മുറിവുകളും ആഴത്തിലുള്ള പാടുകളും ഒഴിവാക്കാന് മുഖക്കുരു എത്രയും വേഗം ചികിത്സിക്കണം.
മുഖക്കുരു പാടുകള് കുറയ്ക്കാന് പുതിന ഇലകള് എങ്ങനെ സഹായിക്കും എന്ന് നോക്കാം. പുതിനയിലയില് സാലിസിലിക് ആസിഡ് അടങ്ങിയിട്ടുണ്ട്. മുഖക്കുരുവും പാടുകളും സാലിസിലിക് ആസിഡ് ഉപയോഗിച്ചാണ് ചികിത്സിക്കുന്നത്. ഇത് ഒരു ആന്റി-ഇന്ഫ്ലമേറ്ററി ഏജന്റായി പ്രവര്ത്തിക്കുന്നു. ഇത് തിങ്ങിക്കൂടിയ ഫോളിക്കിളുകള് അണ്ക്ലോഗ് ചെയ്യുകയും മുഖക്കുരു പാടുകള് കുറയ്ക്കുകയും ചെയ്യുന്നു.
റെറ്റിനോയിഡുകളുമായി താരതമ്യപ്പെടുത്തുമ്പോള് ഇത് ചര്മ്മത്തെ പ്രകോപിപ്പിക്കില്ല. കോമഡോണുകള് കുറയ്ക്കുന്നു. ഇന്റര്നാഷണല് ജേണല് ഓഫ് കോസ്മെറ്റിക് സയന്സില് പ്രസിദ്ധീകരിച്ച ഒരു പഠനമനുസരിച്ച്, സാലിസിലിക് ആസിഡ് അടങ്ങിയ പുതിന, മുഖക്കുരു സാധ്യതയുള്ള ചര്മ്മത്തെ ചികിത്സിക്കുന്നതിനും മുഖക്കുരു പാടുകളും മറ്റ് രോഗങ്ങളും കുറയ്ക്കുന്നതിനും ആയുര്വേദ ഫോര്മുലേഷനുകളില് പതിവായി ഉപയോഗിക്കുന്നു.
പുതിനയില് ഫോസ്ഫേറ്റ്, കാല്സ്യം, വിറ്റാമിന് സി, ഫ്ലേവനോയ്ഡുകള്, ഫിനോളിക്സ് എന്നിവ ഉള്പ്പെടുന്നു. അവയ്ക്ക് മികച്ച ആന്റി ഓക്സിഡന്റ് ഗുണങ്ങളുണ്ട്. കൂടാതെ ഫ്രീ റാഡിക്കലുകളുടെ ദോഷകരമായ ഫലങ്ങള് പരിമിതപ്പെടുത്താനും കഴിയും. ജേര്ണല് ഓഫ് അനലിറ്റിക്കല് മെത്തഡ്സ് ഇന് കെമിസ്ട്രിയില് പ്രസിദ്ധീകരിച്ച ഒരു പഠനമനുസരിച്ച് പുതിനയില് ആന്റിഓക്സിഡന്റ് ഗുണങ്ങള് അടങ്ങിയിട്ടുണ്ട്.
ഇത് ഓക്സിഡേറ്റീവ് സ്ട്രെസ് കുറയ്ക്കുന്നതിലൂടെ മുഖക്കുരു, ഹൈപ്പര് പിഗ്മെന്റേഷന് എന്നിവയുള്പ്പെടെയുള്ള ചര്മ്മരോഗങ്ങളെ ചികിത്സിക്കാന് സഹായിക്കുന്നു.
Click it and Unblock the Notifications
Sign in with Google