മുരിങ്ങയിലയും തേനും ഓട്സും ചേർത്തൊരു മിക്സ്; മുഖം തിളങ്ങും; വീട്ടിൽ തന്നെ ഉണ്ടാക്കാം ഈ ഫേസ് മാസ്ക്
നല്ല തിളങ്ങുന്ന മുഖം ആരാണ് ആഗ്രഹിക്കാത്തത്. പല വഴികളും പരീക്ഷിച്ചും കാണും. ബ്യൂട്ടിപാർലറുകളിൽ പോയാൽ മുഖം തിളങ്ങുകയൊക്കെ ചെയ്യുമായിരിക്കാം. പക്ഷേ അതിനൊരു സ്വാഭാവികത ഉണ്ടാവില്ല. നല്ല തിളക്കമുള്ള ആരോഗ്യമുള്ള ചർമ്മം ലഭിക്കാൻ നമ്മുടെ വീട്ടിൽ തന്നെ ചില വഴികളുണ്ട്.
അതെ, നിങ്ങൾ മനസ്സുവെച്ചാൽ വീട്ടിലിരുന്ന് തന്നെ ആരോഗ്യമുള്ള, തിളക്കമുള്ള ചർമ്മം നേടാം. എങ്ങനെയാണെന്നോ.. വിശദമായി തന്നെ അറിയാം. മുരിങ്ങ എല്ലാവരുടേയും വീട്ടിൽ ഉള്ള ഒന്നാണല്ലോ. മുരിങ്ങക്കായ ആയാലും ഇലയായാലും ഏറെ ആരോഗ്യഗുണങ്ങൾ ഉണ്ട്.
എന്നാൽ എങ്ങനെയാണ് ഇത് നമ്മുടെ ചർമ്മത്തിന്റെ ആരോഗ്യത്തിന് സഹായകമാവുന്നതെന്ന് അറിയാമോ? മുരിങ്ങ ഉപയോഗിക്കേണ്ടത് പോലെ ഉപയോഗിച്ചാൽ നിങ്ങളുടെ ചർമ്മത്തിൽ വലിയ മാറ്റങ്ങൾ ഉണ്ടാവും. ഒന്നൊന്നുമല്ല ഗുണം, അതിനാൽ നിങ്ങൾ ചർമ്മ സംരക്ഷണ ദിനചര്യയിൽ മുരിങ്ങയെ ഉൾപ്പെടുത്താവുന്നതാണ്. മുരിങ്ങ നിങ്ങളുടെ ചർമത്തിന് തിളക്കം കൂട്ടന്നതിന് സഹായിക്കും.
എങ്ങനെയാണ് മുരിങ്ങ ഉപയോഗിക്കേണ്ടത് എന്ന് നോക്കാം..
മുരിങ്ങ - തേൻ മാസ്ക്: ഈ ഫേസ് മാസ്ക് ഉണ്ടാക്കാനായി തേനും മുരിങ്ങയുമാണ് ആവശ്യം. ഒരു ടേബിൾ സ്പൂൺ മുരിങ്ങിയില പൊടിയും രണ്ട് ടേബിൾ സ്പൂൺ തേനു ചേർത്ത് നന്നായി യോജിപ്പിക്കുക. വളരെ പതുക്കെ മുഖത്ത് പുരട്ടാം.
മുരിങ്ങ ഓയിൽ സെറം: അത് പോലെ തന്നെ മുരിങ്ങ ഓയിൽ സെറം ചർമ്മത്തെ മൃദുലമാക്കും. ഇത് നിങ്ങൾക്ക് പരീക്ഷിക്കാവുന്നതാണ്.
മുരിങ്ങ പൊടിയും ഓട്സും ചേർത്ത് തയ്യാറാക്കിയ സ്ക്രബ്ബ്: ഒരു ടേബിൾ സ്പൂൺ മുരിങ്ങ പൊടി രണ്ട ടേബിൾ സ്പൂൺ ഓട്സ്, ഒരു ടേബിൾ സ്പൂൺ തേൻ, ഇവ നന്നായി മിക്സ് ചെയ്യണം. ശേഷം മുഖത്ത് തേയ്ക്കാം.
മുരിങ്ങ - ബട്ടർ ഫ്രൂട്ട് മാസ്ക്: മുരിങ്ങ പൊടിയും നന്നായി ചതച്ച ബട്ടർ ഫ്രൂട്ടും ചേർത്ത് ഒരു പേസ്റ്റ് തയ്യാറാക്കാം. ഇത് മുഖത്ത് തേച്ചുകൊടുക്കാം. ചർമ്മത്തിന്റെ ആരോഗ്യത്തിന് ഗുണം ചെയ്യും.
അത് പോലെ തന്നെ മുരിങ്ങയുടെ വിവിധ എണ്ണകൾ നമുക്ക് മുഖത്ത് തേയ്ക്കാൻ ഉപയോഗിക്കാവുന്നതാണ്. പൂർണമായും മുരിങ്ങ കൊണ്ട് തയ്യാറാക്കിയ ഫേസ് ഓയിലോ അല്ലെങ്കിൽ മുരിങ്ങയുടെ സത്ത് അടങ്ങിയിട്ടുള്ള ഫേസ് ഓയിലോ നിങ്ങൾക്ക് ഉപയോഗിക്കാവുന്നതാണ്. ഇത് നിങ്ങളുടെ ചർമ്മത്തിന് നല്ലതാണ്. ചർമ്മത്തിന് പെട്ടെന്ന് പ്രായം തോന്നുകയുമില്ല
Click it and Unblock the Notifications
Sign in with Google