മഞ്ഞുകാലം വരുന്നു, ഇനി ചർമ്മ വരൾച്ച കൊണ്ട് പൊറുതിമുട്ടും, ഈ 5 എണ്ണകൾ പരിഹാരം

മഞ്ഞും തണുപ്പും നിറയുന്ന ശൈത്യമാസങ്ങളാണ് ഇനി വരുന്നത്. ഇനി നമ്മുടെ ചർമ്മം പല വിധ പ്രശ്നങ്ങളും നേരിടേണ്ടി വരും. തണുത്ത കാലാവസ്ഥയിൽ ചർമ്മം വരണ്ടതും പാളിപോലെ ഇളകുന്നതും ഇറുകിയതുമാകുന്നത് സാധാരണമാണ്.

തണുപ്പ് കാലത്ത് പ്രകൃദത്തമായ മാർഗങ്ങൾ ഉപയോഗിച്ച് എങ്ങനെ ചർമ്മം സംരക്ഷിക്കാം എന്ന് അറിയണ്ടേ. അതിനായി ചില എണ്ണകളാണ് നമ്മളെ സഹായിക്കുക. മൃദലവും തിളക്കമുള്ളതുമായ ചർമ്മത്തിനായി അവ എങ്ങനെ ഫലപ്രദമായി ഉപയോഗിക്കാം എന്ന് നമ്മുക്ക് നോക്കാം.

വെളിച്ചെണ്ണ

ശൈത്യകാലത്ത് ഏറ്റവും സാധാരണയായി ഉപയോഗിക്കുന്ന ഒന്നാണ് വെളിച്ചെണ്ണ. ഇതിലെ മീഡിയം-ചെയിൻ ഫാറ്റി ആസിഡുകൾ (ലോറിക് ആസിഡ് പോലുള്ളവ) ജലാംശം നഷ്ടപ്പെടുന്നത് തടയുന്ന ഒരു സംരക്ഷണ പാളി രൂപപ്പെടുത്തുന്നു. കൂടാതെ, ഇതിലെ ആൻ്റി ബാക്ടീരിയൽ ഗുണങ്ങൾ വരണ്ടതും വിണ്ടുകീറിയതുമായ ചർമ്മത്തിന് ആശ്വാസം നൽകുന്നു.

ചൂടുവെള്ളത്തിൽ കുളിച്ച ശേഷം വെളിച്ചെണ്ണ പുരട്ടുന്നത് ഈർപ്പം നിലനിർത്താൻ സഹായിക്കും. വളരെ വരണ്ട കൈകാലുകളിൽ രാത്രി മുഴുവൻ കോട്ടൺ ഗ്ലൗസുകളോ സോക്സുകളോ ധരിച്ച് വെളിച്ചെണ്ണ പുരട്ടുന്നത് തീവ്രമായ പരിചരണം നൽകും. എന്നാൽ, മുഖക്കുരു സാധ്യതയുള്ള ചർമ്മക്കാർക്ക് വെളിച്ചെണ്ണ മുഖത്ത് ഉപയോഗിക്കുന്നത് ഒഴിവാക്കാം, കാരണം ഇത് ചർമ്മത്തിൽ കനം തോന്നിപ്പിക്കുകയും സുഷിരങ്ങൾ അടയ്ക്കുകയും ചെയ്തേക്കാം.

ഒലിവ് ഓയിൽ

വരണ്ടതും തണുപ്പുമൂലം സമ്മർദ്ദത്തിലായ ചർമ്മത്തിന് ഒലിവ് ഓയിലും മികച്ചതാണ്. വിറ്റാമിൻ ഇയും പോളിഫെനോളുകളും ധാരാളമായി അടങ്ങിയിട്ടുള്ള ഇത് തണുത്ത കാറ്റും കുറഞ്ഞ ഈർപ്പവും മൂലമുണ്ടാകുന്ന ഓക്സിഡേറ്റീവ് സമ്മർദ്ദത്തെ ചെറുക്കാൻ സഹായിക്കുന്നു. ചെറുചൂടുള്ള ഒലിവ് ഓയിൽ ഉപയോഗിച്ച് മസാജ് ചെയ്യുന്നത് രക്തയോട്ടം വർദ്ധിപ്പിക്കുകയും ചർമ്മത്തിന് മൃദുത്വം നൽകുകയും ചെയ്യും.

ചർമ്മത്തിൽ ഈർപ്പം നിലനിർത്താൻ ഈർപ്പമുള്ള ചർമ്മത്തിൽ ഏതാനും തുള്ളി ഒലിവ് ഓയിൽ പുരട്ടാനോ അധിക പോഷണത്തിനായി സാധാരണ മോയിസ്ചറൈസറുമായി കലർത്താനോ ഡെർമറ്റോളജിസ്റ്റുകൾ നിർദ്ദേശിക്കുന്നു.

ബദാം ഓയിൽ

തണുപ്പുകാലത്ത് ഇറുകിയതും അസ്വസ്ഥതയുമുള്ള ചർമ്മക്കാർക്ക് ബദാം ഓയിൽ മികച്ചതാണ്. മൃദുവും ഭാരം കുറഞ്ഞതുമായ ഇത് വിറ്റാമിൻ എ, ഇ എന്നിവയാൽ സമ്പന്നമാണ്. ഈ വിറ്റാമിനുകൾ ചർമ്മത്തിൻ്റെ പുനരുജ്ജീവനത്തെ സഹായിക്കുന്നു. എണ്ണയുടെ മൃദലമായ ഘടന വേഗത്തിൽ ആഗിരണം ചെയ്യപ്പെടുന്നതിനാൽ എണ്ണമയമുണ്ടാകില്ല, ഇത് മുഖത്ത് ഉപയോഗിക്കാൻ അനുയോജ്യമാക്കുന്നു.

രാത്രിയിൽ ഏതാനും തുള്ളി എണ്ണ കൈപ്പത്തികൾക്കിടയിൽ ചൂടാക്കി ചെറുതായി ഈർപ്പമുള്ള ചർമ്മത്തിൽ പുരട്ടുക. ഇത് രാവിലെ ചർമ്മത്തിന് തിളക്കം നൽകുന്നു.

അർഗൻ ഓയിൽ

മൊറോക്കൻ അർഗൻ കായകളിൽ നിന്ന് വേർതിരിച്ചെടുക്കുന്ന ഈ എണ്ണ അവശ്യ ഫാറ്റി ആസിഡുകളാലും ആൻ്റിഓക്‌സിഡൻ്റുകളാലും സമ്പന്നമാണ്. ചർമ്മത്തിന് ജലാംശം നൽകുന്നതിനാൽ എണ്ണമയമുള്ള ചർമ്മക്കാർക്ക് ഇത് മികച്ച തിരഞ്ഞെടുപ്പാണ്.

അർഗൻ ഓയിലിൻ്റെ നേരിയ ഘടന ചർമ്മത്തിൽ വേഗത്തിൽ ആഗിരണം ചെയ്യപ്പെടുകയും മൃദലവും തിളക്കമുള്ളതുമായ ചർമ്മം നൽകുകയും ചെയ്യുന്നു. തണുപ്പുകാലത്തെ മങ്ങൽ മാറ്റാൻ, നിങ്ങളുടെ ഫൗണ്ടേഷനിലോ ദിവസേനയുള്ള മോയിസ്ചറൈസറിലോ ഒരു തുള്ളി ചേർക്കുക.

ജോജോബ ഓയിൽ

ജോജോബ ഓയിൽ, ചർമ്മത്തിലെ എണ്ണ ഉൽപാദനം നിയന്ത്രിക്കാനും ഈർപ്പ സംരക്ഷണ കവചത്തെ ശക്തിപ്പെടുത്താനും സഹായിക്കുന്നു. തണുപ്പുകാലത്ത് വരൾച്ചയും ഇടയ്ക്കിടെയുള്ള മുഖക്കുരുവും ഉളളവർക്ക് ഇത് മികച്ചതാണ്.

ജോജോബ ഓയിൽ മുഖത്ത് നേരിട്ട് പുരട്ടാനോ ലോഷനുമായി കലർത്താനോ കഴിയും. രാത്രി ഉറങ്ങുന്നതിന് മുമ്പ് ഏതാനും തുള്ളി പുരട്ടുന്നത് ചർമ്മത്തെ രാത്രി മുഴുവൻ ശാന്തമാക്കുകയും രാവിലെ കൂടുതൽ മൃദലവുമാക്കുന്നു.

റോസ്ഹിപ്പ് ഓയിൽ

അവശ്യ ഫാറ്റി ആസിഡുകൾ, വിറ്റാമിൻ എ മുൻഗാമികൾ, ആൻ്റിഓക്‌സിഡൻ്റുകൾ എന്നിവയുടെ ഉയർന്ന അളവിന് റോസ്ഹിപ്പ് ഓയിൽ പ്രസിദ്ധമാണ്. ഇത് മങ്ങിയ ചർമ്മത്തെ തിളക്കമുള്ളതാക്കുകയും തണുപ്പുകാലത്ത് വഷളാകാൻ സാധ്യതയുള്ള പിഗ്മെൻ്റേഷൻ കുറയ്ക്കാൻ സഹായിക്കുകയും ചെയ്യുന്നു.

ഈ എണ്ണയുടെ നേരിയ ഘടന മുഖത്തും കഴുത്തിലും ഉപയോഗിക്കാൻ അനുയോജ്യമാക്കുന്നു. മികച്ച ഫലങ്ങൾക്കായി, രാത്രി ക്രീമിന് മുമ്പ് 2-3 തുള്ളി പുരട്ടുക, ഇത് ഉറങ്ങുമ്പോൾ ചർമ്മത്തിൽ പ്രവർത്തിക്കാൻ സഹായിക്കും.

Disclaimer: ഈ ലേഖനം പൊതുവായ വിവര ആവശ്യങ്ങൾക്കായി മാത്രമുള്ളതാണ്, ഇത് ഒരു പ്രൊഫഷണൽ മെഡിക്കൽ ഉപദേശം, രോഗനിർണയം, അല്ലെങ്കിൽ ചികിത്സ എന്നിവയ്ക്ക് പകരമാവില്ല. ഏതെങ്കിലും ആരോഗ്യപരമായ അവസ്ഥയെക്കുറിച്ചോ ജീവിതശൈലി മാറ്റങ്ങളെക്കുറിച്ചോ വിദഗ്ധ മാർഗ്ഗനിർദ്ദേശം എപ്പോഴും തേടുക.