ഏത് പ്രായത്തിലും 20 കളിലെ ചര്മ്മം വേണോ? അരിപ്പൊടി ഇങ്ങനെ ഉപയോഗിച്ച് നോക്കൂ
ചര്മ്മ സംരക്ഷണം ഓരോ ദിവസവും ചെലവേറിയതായിക്കൊണ്ടിരിക്കുകയാണ്. അതിനാല് തന്നെ പലരും തങ്ങളുടെ ചര്മ്മത്തെ കാര്യമായി പരിപാലിക്കാറില്ല. ഫലമോ, വളരെ ചെറുപ്പത്തില് തന്നെ വരണ്ടതും ചുളിഞ്ഞതുമായ ചര്മ്മവും അതുവഴി അകാലവാര്ധക്യത്തിലേക്കും നമ്മള് നയിക്കപ്പെടും. എന്നാല് ചര്മ്മ സംരക്ഷണം എളുപ്പവും ലളിതവുമാക്കാന് സഹായിക്കുന്ന മാര്ഗത്തെക്കുറിച്ചാണ് ഇനി പറയാന് പോകുന്നത്.
നമ്മുടെ എല്ലാം അടുക്കളകളിലെ സ്ഥിരം ചേരുവയാണ് അരിപ്പൊടി. അരിപ്പൊടി കൊണ്ടുള്ള എന്തെങ്കിലും വിഭവങ്ങള് ഉണ്ടാക്കാത്ത ഒരു വീട് പോലുമുണ്ടാകില്ല. എന്നാല് ഭക്ഷണത്തിന് പുറമെ അരിപ്പൊടി ചര്മ്മ സംരക്ഷണത്തിനും ഉപയോഗിക്കാം എന്ന് നിങ്ങള്ക്കറിയാമോ? പ്രകൃതിദത്തവും ആരോഗ്യകരവുമായ ഒരു ചര്മ്മസംരക്ഷണ ഘടകമാണ് അരിപ്പൊടി. ഇത് നിങ്ങളുടെ ചര്മ്മത്തിന് നിരവധി ഗുണങ്ങള് നല്കുന്നു. അരിപ്പൊടി എങ്ങനെയൊക്കെയാണ് ചര്മ്മസംരക്ഷണത്തിന് ഉപയോഗിക്കേണ്ടത് എന്നാണ് ഇനി പറയാന് പോകുന്നത്.
അരിപ്പൊടി എക്സ്ഫോളിയേഷന് മാസ്ക്
രണ്ട് ടേബിള് സ്പൂണ് അരി മാവ്, ഒരു ടേബിള് സ്പൂണ് തേന് എന്നിവയാണ് ഇതിന് ആവശ്യം. ഒരു പാത്രത്തില് അരിപ്പൊടി തേനുമായി യോജിപ്പിക്കുക മുഖത്ത് മാസ്ക് മൃദുവായി പുരട്ടുക. മാസ്ക് 10-15 മിനിറ്റ് വിടുക. തണുത്ത വെള്ളം ഉപയോഗിച്ച് ഇത് കഴുകുക.
അരിമാവ് തൈര് മാസ്ക് (സെന്സിറ്റീവ് ചര്മ്മത്തിന്)
രണ്ട് ടേബിള് സ്പൂണ് അരിപ്പൊടി, ഒരു ടേബിള് സ്പൂണ് പ്ലെയിന് തൈര് എന്നിവയാണ് ഇതിന് വേണ്ട ചേരുവകള്. ഒരു പാത്രത്തില് രണ്ട് ടേബിള് സ്പൂണ് അരിപ്പൊടിയും ഒരു ടേബിള് സ്പൂണ് പ്ലെയിന് തൈരും ചേര്ക്കുക. മുഖത്ത് ഈ മാസ്ക് പുരട്ടുക. മാസ്ക് 10 മിനിറ്റ് വിടുക. തണുത്ത വെള്ളം ഉപയോഗിച്ച് ഇത് കഴുകുക.
എണ്ണമയമുള്ള ചര്മ്മത്തിന്
രണ്ട് ടേബിള് സ്പൂണ് അരി മാവ്, രണ്ട് ടേബിള് സ്പൂണ് മുള്ട്ടാണി മിട്ടി, ഒരു ടേബിള് സ്പൂണ് റോസ് വാട്ടര് എന്നിവയാണ് ഇതിന് ആവശ്യം. ഒരു പാത്രത്തില് അരിപ്പൊടിയും മുള്ട്ടാണി മിട്ടിയും റോസ് വാട്ടറും മിക്സ് ചെയ്യുക. മുഖത്ത് മാസ്ക് മൃദുവായി പുരട്ടുക. 5-10 മിനിറ്റ് മാസ്ക് വിടുക. ഇത് വെള്ളം ഉപയോഗിച്ച് കഴുകിക്കളയുക.
തിളങ്ങുന്ന ചര്മ്മത്തിന്
രണ്ട് ടേബിള് സ്പൂണ് അരി മാവ്, അര ടേബിള് സ്പൂണ് മഞ്ഞള്പ്പൊടി, അര ടേബിള് സ്പൂണ് പാല് അല്ലെങ്കില് തൈര് എന്നിവയാണ് ഇതിന് വേണ്ട ചേരുവകള്. ഒരു പാത്രത്തില് എല്ലാ ചേരുവകളും മിക്സ് ചെയ്യുക. മുഖത്ത് മാസ്ക് പുരട്ടുക. മാസ്ക് 10-15 മിനിറ്റ് വിടുക. തണുത്ത വെള്ളം ഉപയോഗിച്ച് ഇത് കഴുകുക.
വരണ്ട ചര്മ്മത്തിന്
ഒരു ടേബിള് സ്പൂണ് അരി മാവ്, ഒരു ടേബിള് സ്പൂണ് തേന്, കാല് ഭാഗം അവോക്കാഡോ എന്നിവയാണ് ഇതിന് വേണ്ടത്. ഒരു പാത്രത്തില് ഒരു ടേബിള് സ്പൂണ് അരിപ്പൊടി, ഒരു ടേബിള് സ്പൂണ് തേന്, കാല് ഭാഗം അവോക്കാഡോ എന്നിവ മിക്സ് ചെയ്യുക. മുഖത്ത് ഈ മാസ്ക് മൃദുവായി പുരട്ടുക. മാസ്ക് 10-15 മിനിറ്റ് വിടുക. ഇത് വെള്ളത്തില് കഴുകി കളയുക.
Click it and Unblock the Notifications
Sign in with Google