മുഖക്കുരുവും പോകും കറുത്തപാടും പോകും; കുറച്ച് അരിയും അരി കുതിർത്ത വെള്ളവും മതി

Updated: Friday, December 15, 2023, 17:59 [IST]

നമ്മുടെ ഭക്ഷണത്തിന്റെ വളരെ പ്രധാനപ്പെട്ട ഭാഗമാണ് അരി. ചോറ് കഴിക്കാതെ ഒരു ദിവസം പൂർത്തിയാവില്ല. ആരോഗ്യത്തിനും ചോറ് മിതമായ രീതിയിൽ കഴിക്കുന്നത് നല്ലത് തന്നെയാണ്. എന്നാൽ നിങ്ങളുടെ സൗന്ദര്യത്തിനും അരി സഹായിക്കും, എങ്ങനെയാണെന്ന് അറിയാമോ.. വിശദമായി അറിഞ്ഞാലോ..

ചർമ്മത്തിന് തിളക്കം നൽകാനും നിറം നൽകാനും പ്രായമാകുന്നത് തടയാനും അരിയും അരി കുതിർത്ത വെള്ളവും കഞ്ഞിവെള്ളവും ഉപയോഗിക്കുന്നു. മുഖക്കുരുവിനും മുഖക്കുരു ഉണ്ടാക്കുന്ന പാടിനും ഹൈപ്പർ പിഗ്മെന്റേഷനും, കറുത്ത പാടുകൾ നീക്കാനും ഇവ സഹായകമാണ്. നിങ്ങളുടെ വായ, ചുണ്ടുകൾ, കണ്ണുകൾ, മുഖത്തും ശരീരത്തിലും കാണുന്ന പാടുകൾ എന്നിവ നീക്കം ചെയ്യാനും സഹായിക്കുമെന്നാണ് പറയപ്പെടുന്നത്.

കൊറിയൻ ഉൽപന്നങ്ങളിൽ പ്രാഥമിക ചേരുവകളിൽ ഒന്നായി അരി ഉപയോഗിക്കുന്നു. സുഷിരങ്ങൾ കുറയ്ക്കാനും മുഖത്ത് തിളക്കം നൽകാനും ചർമ്മത്തെ മുറുക്കമുള്ളതാക്കാനും ചർമ്മത്തിന്റെ പരുക്കൻ ഘടന കുറയ്ക്കുന്നതിനും ഇത് സഹായിക്കും. അരി നിങ്ങൾക്ക് സുന്ദരവും തിളങ്ങന്നതുമായ ചർമ്മം നൽകും.

ചർമ്മത്തിന് അരി കാെണ്ടുള്ള ഗുണങ്ങൾ എന്താെക്കെയാണെന്ന് നോക്കാം..നിങ്ങളുടെ മുഖത്ത് അരി ഉപയോഗിക്കുന്നതിനുള്ള വഴികളും പരിചയപ്പെടാം. ഇത് മുഖക്കുരു മാറ്റി തിളങ്ങുന്ന ചർമം സ്വന്തമാക്കാൻ സഹായകമാണ്.

1. അരി മാവ് മാസ്ക്: നന്നായി പൊടിച്ച അരി 3 സ്പൂൺ എടുക്കാം.

തണുത്ത വെള്ളം ചേർത്ത് നന്നായി മിക്സി ചെയ്യണം. ഈ മിശ്രിതം കഴുത്തിലും മുഖത്തും പുരട്ടാം. പൂർണമായും ഉണങ്ങുന്നത് വരെ അങ്ങനെ വെയ്ക്കാം. ഒരു മണിക്കൂറിന് കഴിഞ്ഞ ശേഷം തണുന്ന വെള്ളത്തിസ്‍ കഴുകുക. ഇത് നിങ്ങളുടെ ചർമ്മത്തിന് ഗുണം ചെയ്യും. ഫലം കിട്ടാൻ ഇത് ആഴ്ചയിൽ ഒരിക്കലെങ്കിലും ഉപയോഗിക്കുക.

2. കഞ്ഞിവെള്ളം കൊണ്ട് ഒരു മിശ്രിതം: അരി തിളപ്പിക്കുക. അരിച്ചെടുക്കുക. കഞ്ഞിവെള്ളം എടുത്ത് വെയ്ക്കുക. ഇത് തണുക്കാൻ വെയ്ക്കാം.
ഒരു ചെറിയ സ്പ്രേ ബോട്ടിലിൽ സൂക്ഷിക്കാം. ഇതല്ലെങ്കിൽ രാത്രി മുഴുവൻ കുതിർത്ത് വെച്ച വെള്ളം എടുത്താലും മതി അപ്പോൾ തിളപ്പിക്കുന്നത് ഒഴിവാക്കാം. 2 -3 ദിവസം പുളിക്കാൻ വിടണം. രാവിലെ കുളിച്ചതിന് ശേഷവും ഉറങ്ങാൻ പോകുന്നതിന് മുമ്പും ഫേസ് മിസ്റ്റായി ഇത് ഉപയോഗിക്കാം.

3. ഒരു കപ്പ് അരി എടുക്കുക. ഒരു പാത്രത്തിൽ മൂന്ന് കപ്പ് വെള്ളം ഒഴിക്കുക.അരി അര മണിക്കൂർ വെള്ളത്തിൽ കുതിർക്കുക. വെള്ളം അരിച്ചെടുത്ത് ഒരു ഗ്ലാസ് ബോട്ടിലിലേക്ക് മാറ്റാം. ഇത് ബ്രിഡ്ജിൽ വെയ്ക്കുക. എല്ലാ ദിവസവും രാവിലെയും ഉറങ്ങുന്നതിന് മുമ്പും നിങ്ങൾക്ക് ഇത് ഉപയോഗിക്കാം.