സ്ക്രീനിലേക്ക് തല കുനിക്കുമ്പോള് കഴുത്തില് വേദന; 'ടെക് നെക്ക്' നിസാരമല്ല: വിശദമായി അറിയാം
ദീര്ഘനേരത്തെ സ്ക്രീന് ഉപയോഗവും തെറ്റായ പൊസിഷനിലുള്ള ഇരിപ്പും കാരണം ഇന്ത്യയില് 'ടെക് നെക്ക്' രോഗികളുടെ എണ്ണം വര്ധിച്ചുവരികയാണ്. യുവ ഉദ്യോഗസ്ഥരെയും വിദ്യാര്ത്ഥികളെയുമാണ് ഇത് പ്രധാനമായും ബാധിക്കുന്നത്. പ്രാരംഭ ലക്ഷണങ്ങള് അവഗണിക്കുന്നത് നട്ടെല്ലിന് ദീര്ഘകാല തകരാറുകള്ക്ക് ഇടയാക്കുമെന്ന് വിദഗ്ധര് മുന്നറിയിപ്പ് നല്കുന്നു.
കഴുത്ത് സ്ക്രീനിലേക്ക് കുനിയുമ്പോള് തല നട്ടെല്ലിനെ മുന്നോട്ട് വലിക്കുന്ന അവസ്ഥയാണ് 'ടെക് നെക്ക്'. ഈ സമ്മര്ദം പേശികളെയും സന്ധികളെയും നാഡികളെയും ബാധിക്കുന്നു. കാലക്രമേണ കഴുത്തിന്റെ സ്വാഭാവിക വളവ് നഷ്ടപ്പെട്ട്, വേദന തോളുകളിലേക്കും പുറംഭാഗത്തേക്കും വ്യാപിക്കാന് സാധ്യതയുണ്ട്.
കഴുത്തിന്റെ താഴ്ഭാഗത്ത് അനുഭവപ്പെടുന്ന മുറുക്കമാണ് ആദ്യ ലക്ഷണം. ഫോണ്, ലാപ്ടോപ്പ്. ടാബ് എന്നിവ ഉപയോഗിച്ച ശേഷം കഴുത്തില് ഒരുതരം വലിച്ചിലോ വേദനയോ വരാം. ചിലര്ക്ക് ജോലി കഴിഞ്ഞാല് കഴുത്തിന് നേരിയ വേദനയും, കഴുത്ത് തിരിക്കുമ്പോള് കുത്തലും അനുഭവപ്പെടാറുണ്ട്. ഇത് കഴുത്തിലെ പേശികള് സമ്മര്ദത്തിലാണെന്നതിന്റെ സൂചനയാണ്.
സ്ക്രീന് ഉപയോഗിച്ച ശേഷമുള്ള കഴുത്തിലെ മുറുക്കം, തലവേദന, വൈകുന്നേരങ്ങളില് തോളുകള്ക്ക് ഭാരവും ക്ഷീണവും, കൈകളിലോ വിരലുകളിലോ തരിപ്പ് അല്ലെങ്കില് മരവിപ്പ് എന്നിവയെല്ലാം ടെക് നെക്കിന്റെ പ്രാരംഭ ലക്ഷണങ്ങളാണ്.
തുടര്ച്ചയായ തലവേദനയും ഒരു ലക്ഷണമാണ്. കഴുത്തില് നിന്ന് നെറ്റിയിലേക്കോ കണ്ണിന്റെ പിന്നിലേക്കോ വേദന വ്യാപിക്കാം. പലരും ഇതിനെ സ്ട്രെസ് മൂലമുള്ള തലവേദന എന്ന് തെറ്റിദ്ധരിക്കാറുണ്ട്. എന്നാല് യഥാര്ത്ഥത്തില് ഇത് കഴുത്തിലെ നിരന്തരമായ ആയാസത്തില് നിന്നാണ് ഉണ്ടാകുന്നത്. വൈകുന്നേരങ്ങളില് തോളുകള്ക്ക് ഭാരമോ ക്ഷീണമോ തോന്നുന്നതും ടെക് നെക്കിന്റെ ലക്ഷണമാണ്. ഭാരമുള്ള ബാഗുകള് ഉയര്ത്തുമ്പോഴോ വാഹനം ഓടിക്കുമ്പോഴോ അസ്വസ്ഥത വരാം. സ്ക്രീന് ഉപയോഗിക്കുമ്പോഴുള്ള തെറ്റായ ശരീരനിലയാണ് ഇതിന് കാരണമെന്ന് ആരോഗ്യ വിദഗ്ധര് പറയുന്നു.
മുന്നോട്ട് തള്ളിയ തലയോടു കൂടിയ ഇരിപ്പാണ് പ്രധാന പ്രശ്നം. ഇത് തെറ്റായ ശരീരനിലയുടെ അടയാളമാണ്. കാലക്രമേണ പലര്ക്കും നിവര്ന്നിരിക്കാന് കഴിയാതെ വരും. ജോലി ചെയ്യുമ്പോള് കസേരയില് താഴേക്ക് നിരങ്ങിയിരിക്കുന്നത് കഴുത്തിലെ പേശികളില് സമ്മര്ദം കൂട്ടും.
ചില രോഗികളില് കൈകളിലോ വിരലുകളിലോ തരിപ്പോ മരവിപ്പോ അനുഭവപ്പെടുന്നത് ഞരമ്പ് പ്രശ്നങ്ങളുടെ സൂചനയാണ്. ദീര്ഘനേരം ഫോണ് ഉപയോഗിക്കുമ്പോള് കൈകള്ക്ക് ബലക്കുറവും വരാം. ഈ ലക്ഷണങ്ങള് അവഗണിക്കരുത്. ഉടന് ഡോക്ടറെ സമീപിക്കണം. കാലതാമസം നാഡി തകരാറുകള്ക്ക് ഇടയാക്കാം.
ലാപ്ടോപ്പുകളില് ദീര്ഘ നേരം ജോലി ചെയ്യുന്ന ജീവനക്കാരും, ഫോണുകളില് ഓണ്ലൈന് ക്ലാസുകളിലെത്തുന്ന വിദ്യാര്ത്ഥികളും അപകടസാധ്യതയുള്ളവരാണ്. വീടുകളിലെ ശരിയല്ലാത്ത കസേരകളും ദീര്ഘയാത്രകളിലെ മൊബൈല് ഉപയോഗവും കഴുത്ത് മണിക്കൂറുകളോളം കുനിഞ്ഞിരിക്കാന് കാരണമാകുന്നു. ഈ ശീലങ്ങളെല്ലാം ടെക് നെക്കിന് വഴിയൊരുക്കും.
കുട്ടികളില് ടെക് നെക്കിന് സാധ്യത കൂടുതലാണെന്ന് ഡോക്ടര്മാര് പറയുന്നു. ഗെയിമിനും സമൂഹ മാധ്യമങ്ങളിലുമായി അവര് കൂടുതല് സമയം ചെലവഴിക്കുന്നു. പുസ്തകങ്ങള്ക്ക് പകരം ചെറിയ സ്ക്രീനുകളിലെ പഠനം ഈ അവസ്ഥയ്ക്ക് കാരണമാകാം. മാതാപിതാക്കള് ആദ്യ ലക്ഷണങ്ങള് അറിയാതെ പോകാം. ചില കുട്ടികള് വേദന മറച്ചുവെക്കാറുമുണ്ട്.
രണ്ടാഴ്ചയിലധികം വേദന തുടരുകയാണെങ്കില് ഡോക്ടറെ സമീപിക്കണം. രാത്രിയിലെ വേദന, ബലഹീനത, ശരീരത്തിലെ തുലനാവസ്ഥ നഷ്ടപ്പെടുക എന്നിവയ്ക്ക് അടിയന്തര വൈദ്യസഹായം ആവശ്യമാണ്. മൂത്ര നിയന്ത്രണം പെട്ടെന്ന് നഷ്ടപ്പെടുന്നതും മറ്റൊരു സൂചനയാണ്. പ്രമേഹ രോഗികളും മുന്പ് നട്ടെല്ലിന് പരിക്കേറ്റവരും വൈദ്യോപദേശം തേടണം.
ടെക് നെക്കിന്റെ ബുദ്ധിമുട്ടുകള് കുറയ്ക്കാന് ചില ലളിതമായ വഴികളുണ്ട്. ഓരോ 30 മിനിറ്റിലും ചെറിയ ഇടവേളയെടുക്കുക. സ്ക്രീനുകള് കണ്ണിന്റെ തലത്തില് ക്രമീകരിക്കുക. പുറംഭാഗത്തിന് പിന്തുണ നല്കുന്ന കസേരകള് ഉപയോഗിക്കുക. കഴുത്തും തോളുകളും മൃദുവായി സ്ട്രെച്ച് ചെയ്യുക. ഈ കാര്യങ്ങള് വേദന കുറച്ച് നട്ടെല്ലിന്റെ ആരോഗ്യം സംരക്ഷിക്കാന് സഹായിക്കും.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ
Click it and Unblock the Notifications
Sign in with Google