പാല് മുതല് നാരങ്ങ വരെ; പാത്രങ്ങളില് നിന്ന് മീനിന്റെ ദുര്ഗന്ധം അകറ്റാം എളുപ്പത്തില്
മീൻ കറി വെച്ച് കഴിക്കാനൊക്കെ എല്ലാവർക്കും ഇഷ്ടമാണ്. പക്ഷേ പച്ച മീനിന്റെ മണം ആണ് സഹിക്കാനാവാത്തത്. വെട്ടി വൃത്തിയാക്കുമ്പോഴേക്കും അടുക്കളിയിലും പാത്രങ്ങളിലുമൊക്കെ മീനിന്റെ മണം ആയിരിക്കും. എത്ര കഴുകിയാലും മണം പോകില്ല. മണം സഹിക്കാൻ ബുദ്ധിമുട്ടാണെങ്കിലും മീൻ ഇല്ലാതെ ഭക്ഷണം കഴിക്കാൻ അല്പം ബുദ്ധിമുട്ടല്ലേ..
എന്തുകൊണ്ടാണ് മത്സ്യത്തിന് ഇത്രയധികം മണം വരുന്നത് എന്ന് പലരും ചിന്തിക്കാറുണ്ട്. , മത്സ്യത്തിന്റെ ജീവൻ നഷ്ടമായിക്കഴിഞ്ഞാൽ, ധാരാളം ബാക്ടീരിയ എൻസൈമുകൾ മാംസത്തിൽ എത്തും. മത്സ്യത്തിന്റെ പേശികൾ വിഘടിക്കാൻ തുടങ്ങുന്നു, ഇത് ട്രൈമെത്തിലാമൈൻ (ടിഎംഎ) തകർച്ചയിലേക്ക് നയിക്കുന്നു. ഇത് മത്സ്യത്തിൽ രൂക്ഷമായ ദുർഗന്ധത്തിന് കാരണമാകുന്നു.
പാത്രങ്ങളിൽ നിന്നുള്ള മത്സ്യ ദുർഗന്ധം അകറ്റാൻ, നിങ്ങൾക്ക് ചെറുചൂടുള്ള വെള്ളവും നാരങ്ങനീര് അടങ്ങിയിട്ടുള്ള പാത്രം കഴുകുന്ന ദ്രാവകവും ഉപയോഗിച്ച് പാത്രങ്ങൾ കഴുകാം. രണ്ടാമതായി, പാത്രങ്ങളിൽ നിന്ന് മീൻ ദുർഗന്ധം അകറ്റാനും മണമില്ലാതെ സൂക്ഷിക്കാനും നിങ്ങൾക്ക് ചില ലളിതമായ പരിഹാരങ്ങൾ ഉപയോഗിക്കാം. എങ്ങനെയെന്നോ
ഡിഷ് വാഷിംഗ് ലിക്വിഡ്: പാത്രങ്ങളിലെ മീൻ ദുർഗന്ധം അകറ്റാനുള്ള മികച്ച പ്രതിവിധിയാണിത്. പാത്രങ്ങൾ ചെറുചൂടുള്ള വെള്ളത്തിലും ഡിഷ് വാഷിംഗ് ലിക്വിഡ് ലായനിയിലും ഏകദേശം 30 മിനിറ്റ് മുക്കി വെക്കാം. നല്ല ഗന്ധം കിട്ടാൻ, നാരങ്ങ ഫ്ലേവർ ലിക്വിഡ് ഉപയോഗിക്കുക.
നാരങ്ങ: പാത്രങ്ങളുടെ ദുർഗന്ധം അകറ്റാൻ ഉപയോഗപ്പെടുനന് നല്ല സുഗന്ധമുള്ള സിട്രസ് പഴങ്ങളിൽ ഒന്നാണ് നാരങ്ങ. ഒരു നാരങ്ങ കഷ്ണം അല്ലെങ്കിൽ നാരങ്ങ നീര് പാത്രങ്ങളിൽ പുരട്ടി 20 മിനിറ്റ് വെയ്ക്കുക. മീനിന്റെ മണം മാറുന്നതിനൊപ്പം മുട്ട, ഉള്ളി, വെളുത്തുള്ളി എന്നിവയുടെ മണം അകറ്റാനും നാരങ്ങ ഉപയോഗിക്കാം.
വിനാഗിരി: നിങ്ങളുടെ പാത്രങ്ങൾ വിനാഗിരി ഉപയോഗിച്ച് കഴുകുന്നത് പാത്രങ്ങളിലെ മീൻ ദുർഗന്ധം അകറ്റാനുള്ള ലളിതമായ വഴിയാണ്. പാത്രങ്ങൾ ദുർഗന്ധമില്ലാതെ സൂക്ഷിക്കുന്നതിനു പുറമേ, വിനാഗിരി അവയെ സ്റ്റെയിൻലെസ് ആയി നിലനിർത്താനും നിങ്ങളെ സഹായിക്കും.
പാലിൽ കുതിർക്കുക: പാചകം ചെയ്യുമ്പോഴും പാത്രങ്ങളിലും വീട്ടിലും രൂക്ഷമായ മീൻ ദുർഗന്ധം ഉണ്ടാകാതിരിക്കാൻ മത്സ്യം കഴുകുന്നതിന് മുമ്പ് ഏകദേശം 15-20 മിനിറ്റ് പാലിൽ മുക്കിവയ്ക്കുക. പാലിലെ കസീൻ ടിഎംഎ ആഗിരണം ചെയ്യും. അതിനാൽ മത്സ്യത്തിന് മണം കുറയും.
Click it and Unblock the Notifications
Sign in with Google