പഴയ കലണ്ടറിന് മുകളില് പുതിയ കലണ്ടര് തൂക്കുന്നവരാണോ നിങ്ങള്..? വേഗം മാറ്റിയില്ലെങ്കില് കുടുംബം മുടിയും
എല്ലാ വീട്ടിലും ഒരു കലണ്ടറെങ്കിലും ഉണ്ടായിരിക്കും. എന്നാല് വീട്ടില് സ്ഥാപിച്ചിരിക്കുന്ന കലണ്ടര് ഏത് ദിശയിലാണ് അഭിമുഖീകരിക്കുന്നതെന്ന് നിങ്ങള് എപ്പോഴെങ്കിലും ശ്രദ്ധിച്ചിട്ടുണ്ടോ? ഒരു പുതിയ കലണ്ടര് തൂക്കുമ്പോള് അതിന്റെ ദിശ ശ്രദ്ധിക്കേണ്ടത് വളരെ പ്രധാനമാണ് എന്നാണ് വാസ്തു ശാസ്ത്രത്തില് പറഞ്ഞിരിക്കുന്നത്. കുടുംബത്തില് സന്തോഷവും സമൃദ്ധിയും നിലനില്ക്കാന് ഇത് പ്രധാനമാണ്.
കൂടാതെ പഴയ കലണ്ടര് വീട്ടില് നിന്ന് മാറ്റിയില്ലെങ്കില് കുടുംബാംഗങ്ങളുടെ പുരോഗതിയില് നിരവധി തടസങ്ങളുണ്ടായിരിക്കും എന്നും വാസ്തു ശാസ്ത്രത്തില് പറയുന്നത്. കലണ്ടര് സംബന്ധിച്ച് ഇത്തരത്തില് നിരവധി നിര്ദേശങ്ങളാണ് വാസ്തുവില് നല്കിയിരിക്കുന്നത്. ഏതൊക്കെയാണ് ആ നിര്ദേശങ്ങള് എന്ന് നമുക്ക് നോക്കാം.
പുതുവര്ഷത്തില് പഴയ കലണ്ടറിന് മുകളില് പുതിയ കലണ്ടര് വെക്കുകയോ പഴയ കലണ്ടര് കളയാതെ സൂക്ഷിക്കുകയോ ചെയ്യുന്ന ശീലം പലര്ക്കും ഉണ്ട്. വാസ്തു ശാസ്ത്ര പ്രകാരം ഇത് ഒരിക്കലും ചെയ്യാന് പാടില്ല. ഇങ്ങനെ ചെയ്യുന്നതിലൂടെ വാസ്തു ദോഷം വര്ധിക്കുകയും ആ വീട്ടില് താമസിക്കുന്ന അംഗങ്ങളുടെ ആരോഗ്യത്തെയും പുരോഗതിയെയും പ്രതികൂലമായി ബാധിക്കുകയും ചെയ്യുന്നു.
പഴയ കലണ്ടറിന് മുകളില് പുതിയ കലണ്ടര് വെക്കുന്നത് വീട്ടില് നെഗറ്റീവിറ്റി ഉണ്ടാക്കുന്നു. വാസ്തു ശാസ്ത്രം അനുസരിച്ച് കലണ്ടര് പടിഞ്ഞാറ് ദിശയില് സ്ഥാപിക്കുന്നത് ശുഭകരമായി കണക്കാക്കപ്പെടുന്നു. കാരണം ഈ ദിശയെ ഒഴുക്കിന്റെ ദിശയായി കണക്കാക്കുന്നു. പടിഞ്ഞാറ് ദിശയില് അല്ലെങ്കില് വടക്ക് ദിശയിലും കലണ്ടര് വെക്കാവുന്നതാണ്. കാരണം കുബേരന് ഈ ദിശയുടെ അധിപനായി കണക്കാക്കപ്പെടുന്നു.
കലണ്ടര് തെക്ക് ദിശയില് വെക്കരുത് എന്നാണ് വാസ്തു ശാസ്ത്രത്തില് പറഞ്ഞിരിക്കുന്നത്. തെക്ക് ദിശയില് കലണ്ടര് വെക്കുന്നത് കുടുംബാംഗങ്ങളുടെ ആരോഗ്യത്തെ ദോഷകരമായി ബാധിക്കും. വീടിന്റെ വാതിലിനു പിന്നില് കലണ്ടര് വെക്കുന്നതും ദോഷകരമാണ്. ഇത് വീട്ടിലുള്ളവരുടെ തൊഴില് പുരോഗതിയെ പ്രതികൂലമായി ബാധിക്കും. കലണ്ടര് കാറ്റില് ആടിയുലയുന്ന തരത്തില് വെക്കുന്നതും വാസ്തു ശാസ്ത്രപ്രകാരം അശുഭമാണ്.
കലണ്ടറിലുള്ള ചിത്രങ്ങളും നിങ്ങളുടെ വീടിന്റെ ഐശ്വര്യത്തെ ബാധിക്കും. രക്തം പുരണ്ട യുദ്ധ രംഗങ്ങള്, വിജനമായ ഭൂപ്രകൃതികള്, ഉണങ്ങിയ മരങ്ങള്, നിരാശാജനകമായ ദൃശ്യങ്ങള്, മൃഗങ്ങളുടെ ചിത്രങ്ങള് എന്നിവയുള്ള കലണ്ടര് വാസ്തുവില് അനുചിതമായി കണക്കാക്കപ്പെടുന്നു. കലണ്ടറിലെ ദിവസമോ തീയതിയോ നോക്കുമ്പോള്, നിങ്ങളുടെ മുഖം എപ്പോഴും വടക്ക്, കിഴക്ക്, പടിഞ്ഞാറ് ദിശകളിലായിരിക്കണം.
കലണ്ടര് തെറ്റായ ദിശയില് വെക്കുന്നത് സാമ്പത്തിക നഷ്ടത്തിന് കാരണമാകും. കീറിയ കലണ്ടര് ഒരിക്കലും വീട്ടില് സൂക്ഷിക്കരുത്. ഇത് വീട്ടില് വാസ്തുദോഷം ഉണ്ടാക്കുന്നു. കലണ്ടറില് ഒരിക്കലും കരയുന്നവരുടെയും സങ്കടപ്പെടുന്നവരുടെയും ചിത്രങ്ങള് ഉണ്ടാകരുത്. ഇത് വീട്ടില് നിഷേധാത്മകത പരത്തുന്നു.
Click it and Unblock the Notifications
Sign in with Google