പുളി മാത്രമല്ല, പുളിങ്കുരുവും; അമിതവണ്ണം താനെ കുറയും... തീർന്നില്ല പുളി ജ്യൂസിന്റെ ഗുണം

Updated: Monday, September 18, 2023, 16:01 [IST]

ഇത്തിരി മധുരവും പുളിയും, പുളിയുടെ പ്രത്യേകത തന്നെ ഇതാണ്, ചട്ണി ആക്കുമ്പോഴും കറികളിൽ പിഴിഞ്ഞ് ചേർക്കാനുമൊക്കെ പുളി ഉപയോഗിക്കാറുണ്ട്. നല്ല പഴുത്ത പുളി കഴിക്കാനും രസമാണ്. എന്നാൽ പുളി പിഴിഞ്ഞ് ജ്യൂസ് പോലെ കുടിച്ചിട്ടുണ്ടോ? പുളി കഴിക്കുന്നതിന്റെ ആരോഗ്യഗുണം നിങ്ങൾക്ക് അറിയാമോ?

നിങ്ങളുടെ പ്രതിരോധശേഷി വർധിപ്പിക്കുന്നത് മുതൽ കരളിനെയും ഹൃദയത്തെയും രോഗങ്ങളിൽ നിന്ന് സുരക്ഷിതമായി നിലനിർത്തുന്നത് വരെയുള്ള കാര്യങ്ങൾ ചെയ്യാൻ പുളിക്ക് കഴിയും. പുളിയുടെ ഗുണങ്ങൾ അറിഞ്ഞാലോ

ശരീര ഭാരം കുറയ്ക്കാൻ സഹായിക്കുന്നു: പുളിയിൽ നാരുകൾ അടങ്ങിയിട്ടുണ്ട്, കൊഴുപ്പ് അടങ്ങിയിട്ടില്ല. ഫ്ലേവനോയ്ഡുകളും പോളിഫെനോളുകളും അടങ്ങിയിരിക്കുന്നതിനാൽ ദിവസവും പുളി കഴിക്കുന്നത് ശരീരഭാരം കുറയ്ക്കാൻ സഹായിക്കുമെന്ന് പഠനങ്ങൾ സൂചിപ്പിക്കുന്നു.

കൂടാതെ, പുളിയിൽ ഹൈഡ്രോക്സിസിട്രിക് ആസിഡ് അടങ്ങിയിട്ടുണ്ട്, ഇത് കാർബോഹൈഡ്രേറ്റിനെ കൊഴുപ്പാക്കി മാറ്റുന്നതിന് കാരണമാകുന്ന എൻസൈമായ അമൈലേസിനെ തടഞ്ഞുകൊണ്ട് നിങ്ങളുടെ വിശപ്പ് കുറയ്ക്കുന്നു.

പ്രമേഹം നിയന്ത്രിക്കുന്നതിൽ ഫലപ്രദമാണ്: പുളിക്ക് മാത്രം അല്ല, പുളിങ്കുരുവിനും ഏറെ ഗുണങ്ങളുണ്ട്. പുളിങ്കുരു വിത്തിന്റെ സത്ത് നല്ലതാണ് എന്നാണ് പറയുന്നത്. മാത്രമല്ല അവ രക്തത്തിലെ പഞ്ചസാരയുടെ അളവ് സ്ഥിരപ്പെടുത്തുകയും പ്രമേഹമുള്ളവരിൽ പാൻക്രിയാറ്റിക് ടിഷ്യുവിന്റെ കേടുപാട് മാറ്റുകയും ചെയ്യുമെന്ന് പറയപ്പെടുന്നു. രക്തത്തിലെ പഞ്ചസാരയുടെ അളവ് കുറയ്ക്കുമെന്ന് തെളിയിക്കപ്പെട്ടിട്ടുള്ള ആൽഫ-അമൈലേസ് എന്ന എൻസൈമും പുളിയിൽ കാണാവുന്നതാണ്.

കരളിന്റെ പരിപലാനം: നിങ്ങളുടെ കരളിനെയും പരിപാലിക്കാൻ പുളിക്ക് കഴിയും. കലോറി അടങ്ങിയ ഭക്ഷണക്രമം ഫാറ്റി ലിവറിന് കാരണമാകുന്നു, ദിവസവും പുളിങ്കുരു സത്ത് കഴിക്കുന്നത് ഈ അവസ്ഥ മാറ്റുമെന്ന് പഠനങ്ങൾ സൂചിപ്പിക്കുന്നു.

അലർജിയെ നേരിടാൻ ഇത് നിങ്ങളെ സഹായിക്കും: ആന്റിഹിസ്റ്റാമൈനിക് ഗുണങ്ങൾ ഉള്ളതിനാൽ അലർജി ആസ്ത്മയും ചുമയും കൈകാര്യം ചെയ്യുന്നതിനുള്ള ഒരു ഫലപ്രദമായ മാർഗമാണിത്. വൈറ്റമിൻ സിയുടെ സമ്പന്നമായ ഉറവിടം കൂടിയാണ് ഇത്, ജലദോഷവും ചുമയും തടയാൻ പ്രതിരോധശേഷി വർദ്ധിപ്പിക്കും.

ടാർടാറിക് ആസിഡ്, മാലിക് ആസിഡ്, പൊട്ടാസ്യം എന്നിവയുടെ ഉള്ളടക്കം കാരണം പുളി പുരാതന കാലം മുതൽ ഒരു പോഷകമായി ഉപയോഗിച്ചുവരുന്നു. വയറിലെ പേശികളെ അയവ് വരുത്താനുള്ള കഴിവുണ്ട്. വയറിളക്കത്തിനുള്ള മരുന്നായും ഇത് ഉപയോഗിക്കുന്നു. അതിനാൽ, മലബന്ധം ഒഴിവാക്കാൻ പുളി ഉപയോഗിക്കുമ്പോൾ, ഇലകൾ വയറിളക്കം ഇല്ലാതാക്കും, കൂടാതെ വയറുവേദന ശമിപ്പിക്കാൻ വേരും പുറംതൊലിയും കഴിക്കാം.