തടി കുറയ്ക്കണോ?: എങ്കില് ഈ നടി പിന്തുടരുന്ന 10 ശീലങ്ങള് പിന്തുടരൂ, തീർച്ചയായും ഫലം കാണും
ശരീരത്തിന്റെ അമിത ഭാരത്തെക്കുറിച്ച് ചിന്തിക്കുക പോലും ചെയ്യാത്ത പലരും നമുക്ക് ചുറ്റുമുണ്ടാവും. എന്നാല് ഇത്തരക്കാർ ആരോഗ്യപരമായ വലിയ അപകടത്തിലേക്കാണ് പോയിക്കൊണ്ടിരിക്കുന്നത്. പല തരത്തിലുള്ള അസുഖങ്ങള് ഇവരെ പിടിമുറുക്കും എന്നതില് സംശയമില്ല.
ശരീരഭാരം സന്തുലിതമായ അവസ്ഥയില് നിലനിർത്തേണ്ടതിന്റെ പ്രധാന്യമാണ് നമുക്ക് എവിടെ നോക്കിയാലും കാണാന് സാധിക്കുക. ഇതിന് സ്ഥിരമായി പണം മുടക്കി ജിമ്മില് പോകണമെന്നൊന്നും ഇല്ല. ചില ചിട്ടയായ ശീലങ്ങള് തുടർന്നാല് ജിമ്മിലൊന്നും പോകാതെ തന്നെ നിങ്ങള്ക്കും ശരീരഭാരം കുറയ്ക്കാന് സാധിക്കും.
ഇവിടെയിതാ നടിയും ബിഗ് ബോസ് താരവുമായി ക്ലോഡിയ സിസ്ല എങ്ങനെയാണ് തന്റെ ശരീര ഭാരം നിയന്ത്രിക്കുന്നത് എന്നതിനെക്കുറിച്ചാണ് ഇവിടെ പറയാന് പോവുന്നത്. അഭിനേതാവ് എന്നതിന് അപ്പുറം ഒരു ന്യൂട്രീഷനിസ്റ്റ് കൂടിയാണ് ക്ലോഡിയ സിസ്ല എന്നതാണ് ശ്രദ്ധേയം. ശരീരം ഭാരം നിയന്ത്രിക്കാന് താരം തുടർന്ന് പോരുന്ന പത്ത് ടിപ്സുകളാണ് ഇവിടെ പങ്കുവെക്കുന്നത്.
1. ആരോഗ്യകരമായ സമീകൃതാഹാരം: പായ്ക്ക് ചെയ്ത ഭക്ഷണം, ജങ്ക് ഫുഡ്, തുടങ്ങി പുറത്ത് നിന്ന് വാങ്ങിക്കുന്ന എന്ത് ആഹാരാവും ഒഴിവാക്കുക.
2. വെള്ളം കുടിക്കുക: വിശപ്പ് തോന്നുമ്പോൾ വെള്ളം കുടിച്ച് വിശപ്പ് അടക്കുക. ഓരോ ദിവസവും നിങ്ങൾ കുടിക്കുന്ന വെള്ളത്തിന്റെ അളവ് പരിശോധിക്കുക.
3. മധുരം വേണ്ടേ വേണ്ട: തടി കുറയ്ക്കാന് ആദ്യം ചെയ്യേണ്ടത് നിങ്ങളുടെ ജീവിതത്തിൽ നിന്ന് മധുരം ഒഴിവാക്കുക എന്നുള്ളതാണ്. പഞ്ചസാരയില് നമ്മുടെ ആരോഗ്യത്തിന് നല്ലതല്ലാത്ത കലോറികളാണ് അടങ്ങിയിരിക്കുന്നത്. ഇത് ഇൻസുലിൻ വർദ്ധിപ്പിക്കുകയും ഭക്ഷണത്തോടുള്ള ആസക്തി വർദ്ധിപ്പിക്കുകയും ചെയ്യുന്നു. ഇത് ശരീര ഭാരം വർധിക്കാന് ഇടയാക്കുന്നു.
4. ഫൈബർ വേണം: നിങ്ങളുടെ ഭക്ഷണത്തിൽ ഫൈബർ അടങ്ങിയവ വർദ്ധിപ്പിക്കുക. ധാന്യങ്ങൾ, പരിപ്പ്, വിത്തുകൾ, പഴങ്ങൾ, പച്ചക്കറികൾ എന്നിവ കൂടുതലായി കഴിക്കാൻ ശ്രമിക്കുക. ഇവ കുടൽ മൈക്രോബയോമിനും കുടലിന്റെ ആരോഗ്യത്തിനും ഗുണം ചെയ്യും.
5. ഉപവാസം: ഭക്ഷണത്തിന് കൃത്യമായ സമയക്രമം പാലിക്കുക. കഴിഞ്ഞ ഭക്ഷണം ദഹിക്കാനുള്ള സമയം ഉറപ്പ് വരുത്തുക. രാത്രി പരമാവധി 8 മണിക്ക് മുമ്പ് തന്നെ ഭക്ഷണം കഴിക്കുന്നതും ഉറപ്പ് വരുത്തുക.
6.പാചകം എങ്ങനെ: ആരോഗ്യകരമായ പാചകരീതികൾ ഉപയോഗിച്ച് പാചകം ചെയ്തവയാണോ? എണ്ണ, മൃഗകൊഴുപ്പ് എന്നിവ കൂടുതലായി ചേർത്തിട്ടുണ്ടോ? എന്നിവയെല്ലാം പരിശോധിക്കുക.
7. പൂർണ്ണ ശ്രദ്ധ: ഭക്ഷണം കഴിക്കുമ്പോൾ മറ്റ് കാര്യങ്ങളില് ഏർപ്പെടാതിരിക്കുക. അതായത് പൂർണ്ണ ശ്രദ്ധ ഭക്ഷണം കഴിക്കുന്നതില് നല്കുക. നിങ്ങളുടെ ഫോൺ, ലാപ്ടോപ്പ്, ജോലി, അസുഖകരമായ ചർച്ചകൾ എന്നിവ 5-10 മിനിറ്റ് നേരത്തേക്കെങ്കിലും നിർത്തിവെച്ച് ശ്രദ്ധാപൂർവ്വം ഭക്ഷണം കഴിക്കുക.
8. വ്യായാമം: ആഴ്ചയിൽ 4-5 ദിവസമെങ്കിലും വ്യായാമം ചെയ്യുക. ഉദാസീനമായ ജീവിതശൈലിയും കൂടുതൽ സമയം ഇരിക്കുന്നതും ഒഴിവാക്കുക. പരമാവധി നടക്കാനും സ്റ്റെപ്പുകള് കയറാനും ശ്രമിക്കുക.
9. മാനസിക ക്ഷേമം: നിങ്ങളുടെ വികാരങ്ങളെ നിയന്ത്രിക്കാൻ കഴിയുമെങ്കിൽ, നിങ്ങളുടെ ജീവിതത്തെ നിയന്ത്രിക്കാനുള്ള നിങ്ങളുടെ കഴിവ് വർദ്ധിപ്പിക്കും. അതായത്, നിങ്ങളുടെ ജീവിതം വിജയകരമായി കൈകാര്യം ചെയ്യാനും മാറ്റങ്ങളുമായി പൊരുത്തപ്പെടാനും നിങ്ങൾക്ക് കഴിയും.
10. സൺബാത്ത്: ദിവസവും 15-30 മിനിറ്റ് സൺബത്ത് ചെയ്യുക.
Click it and Unblock the Notifications
Sign in with Google