എന്തൊക്കെ ചെയ്തിട്ടും ശരീരഭാരം കുറയുന്നില്ലേ..!!? കാരണങ്ങള് നിരവധിയാണ്
ശരീരഭാരം കുറയ്ക്കുക എന്നത് ഒരു വെല്ലുവിളി നിറഞ്ഞ കാര്യമാണ്. അതിനായി പലതരത്തിലുള്ള പരിശ്രമം നടത്തുന്നവരെ നമ്മള് കണ്ടിട്ടുണ്ട്. മാത്രമല്ല തങ്ങളുടെ പരിശ്രമങ്ങള് ആഗ്രഹിച്ച ഫലം നല്കാത്തപ്പോള് പലരും സ്വയം നിരാശരാകുകയും ചെയ്യുന്നു. ശരീരഭാരം കുറയ്ക്കുന്നത് നിങ്ങളുടെ തിരഞ്ഞെടുപ്പുകളെയും തീരുമാനങ്ങളെയും ആശ്രയിച്ചിരിക്കുന്നു എന്നത് ഓര്ക്കണം.
ശരീരഭാരം കുറയ്ക്കാനുള്ള നിങ്ങളുടെ ശ്രമങ്ങളെ മന്ദഗതിയിലാക്കുന്ന നിരവധി ബാഹ്യ ഘടകങ്ങളുണ്ട്. ശരീരഭാരം കൂടാനുള്ള ഏറ്റവും പ്രധാനപ്പെട്ട കാരണങ്ങളിലൊന്ന് അനാരോഗ്യകരമായ ഭക്ഷണക്രമമാണ്. സോഡിയം കൂടുതലുള്ള ലഘുഭക്ഷണങ്ങള്, ഫാസ്റ്റ് ഫുഡ്, സംസ്കരിച്ച ഭക്ഷണം എന്നിവ പോലുള്ള ഉയര്ന്ന കലോറിയുള്ളതും എന്നാല് കുറഞ്ഞ പോഷകങ്ങളുള്ളതുമായ ഭക്ഷണം കഴിക്കുന്നത് ശരീരഭാരം വര്ധിപ്പിക്കാന് ഇടയാക്കും.
ഈ ഭക്ഷണങ്ങള് നിങ്ങളുടെ ശരീരത്തിന് ആവശ്യമായ പോഷകങ്ങള് നല്കുന്നില്ല. ഇത് മറികടക്കാന്, പഴങ്ങള്, പച്ചക്കറികള്, പ്രോട്ടീനുകള്, ധാന്യങ്ങള് എന്നിവ അടങ്ങിയ സമീകൃതാഹാരത്തില് ശ്രദ്ധ കേന്ദ്രീകരിക്കുക. എന്നാല് ആരോഗ്യകരമായ ഭക്ഷണങ്ങള് പോലും അമിതമായ അളവില് കഴിച്ചാല് ശരീരഭാരം വര്ധിക്കുന്നതിന് കാരണമാകും. ശരീരഭാരം കുറയ്ക്കുന്നത് നിങ്ങള് കഴിക്കുന്നതിനെ മാത്രം ആശ്രയിച്ചല്ല എന്നും മറക്കരുത്.
ഉദാസീനമായ ഒരു ജീവിതശൈലി ശരീരഭാരം കുറയ്ക്കുന്നതിന് വെല്ലുവിളിയാകും. പതിവ് ശാരീരിക പ്രവര്ത്തനങ്ങള് കലോറി കത്തിക്കുക മാത്രമല്ല മെറ്റബോളിസവും മൊത്തത്തിലുള്ള ആരോഗ്യവും മെച്ചപ്പെടുത്തുകയും ചെയ്യുന്നു. എല്ലാവര്ക്കും ജിമ്മിലോ ഫിറ്റ്നല് ക്ലാസിലോ ചേരാന് കഴിഞ്ഞെന്ന് വരില്ല. എന്നാല് ഒരു ദിവസം 6000-8000 ചുവടുകള് നടക്കുക, ലിഫ്റ്റിനും എസ്കലേറ്ററിനും പകരം പടികള് തിരഞ്ഞെടുക, നൃത്തം എന്നിവ പരിശീലിക്കാവുന്നതാണ്.
ശരീരഭാരം കുറയ്ക്കാന് ആളുകള് പാടുപെടുന്നതിന്റെ മറ്റൊരു സാധാരണ കാരണം വൈകാരികമായ ഭക്ഷണവും മദ്യപാനവുമാണ്. സമ്മര്ദ്ദം, ഉത്കണ്ഠ, വിരസത, സങ്കടം എന്നിവയെ നേരിടാനുള്ള ഒരു മാര്ഗമായി പലരും ഭക്ഷണത്തിലേക്ക് തിരിയുന്നു. ഇത് അമിതഭക്ഷണത്തിനും മോശം ഭക്ഷണ തിരഞ്ഞെടുപ്പിനും ഇടയാക്കും. ശരിയായ ഉറക്കമില്ലായ്മയും ശരീരഭാരം കൂട്ടുന്നതിലേക്ക് നിങ്ങളെ നയിക്കും.
നിങ്ങള്ക്ക് വേണ്ടത്ര ഉറക്കം ലഭിക്കാത്തപ്പോള്, നിങ്ങളുടെ ശരീരം കൂടുതല് ഗ്രെലിിനും (വിശപ്പ് ഹോര്മോണ്) കുറവ് ലെപ്റ്റിനും ഉത്പാദിപ്പിക്കുന്നു. രാത്രിയില് ഉറങ്ങാതിരിക്കുന്നത് വിശപ്പിനെ പ്രോത്സാഹിപ്പിക്കുകയും അമിതഭക്ഷണത്തിലേക്ക് നയിക്കുകയും ചെയ്യും. അതിനാല് നിങ്ങളുടെ ശരീരഭാരം കുറയ്ക്കാനുള്ള ശ്രമങ്ങളില് ഓരോ രാത്രിയും 7-9 മണിക്കൂര് ഗുണനിലവാരമുള്ള ഉറക്കം എന്നത് നിങ്ങള് പാലിക്കണം.
Click it and Unblock the Notifications
Sign in with Google