ജിമ്മൊന്നും വേണ്ട... ഈ ദൈനംദിന ശീലങ്ങള് നിങ്ങളുടെ തടി കുറയ്ക്കും, ട്രൈ ചെയ്താലോ
ശരീരഭാരം കുറയ്ക്കുക എന്നത് പലര്ക്കും ഒരു ബുദ്ധിമുട്ടുള്ള കാര്യമായി തോന്നാം. ഇതിനായി ജിമ്മില് പോയി കാശ് കളയണോ എന്ന് ചിന്തിക്കുന്നവരും ഉണ്ട്. എന്നാല് പൊണ്ണത്തടി ഒരു രോഗമായതിനാല് തന്നെ ആരോഗ്യകരമായ ശരീരഭാരം നിലനിര്ത്തേണ്ടത് മൊത്തത്തിലുള്ള ക്ഷേമത്തിന് പ്രധാനമാണ്.
നമ്മുടെ ദിനചര്യയില് ലളിതവും ആരോഗ്യകരവുമായ ശീലങ്ങള് ചേര്ക്കുന്നത് ഭാരം കുറയ്ക്കാനുള്ള യാത്രയെ സുഗമവും കൂടുതല് ആസ്വാദ്യകരവുമാക്കും. ഇനി പറയുന്ന ചില ദൈനംദിന ഹാക്കുകള് അധിക കിലോ ഫലപ്രദമായി കുറയ്ക്കാന് സഹായിക്കുമെന്ന് തെളിയിക്കപ്പെട്ടിട്ടുണ്ട്. അവ എന്തൊക്കെയാണ് എന്ന് നോക്കാം.
പ്രഭാതഭക്ഷണം ദിവസത്തിലെ ഏറ്റവും പ്രധാനപ്പെട്ട ഭക്ഷണമാണ്. ഉയര്ന്ന പ്രോട്ടീന് അടങ്ങിയ പ്രഭാതഭക്ഷണം കഴിക്കുന്നത് ആസക്തിയും ദിവസം മുഴുവന് കലോറിയും കുറയ്ക്കും. അമേരിക്കന് ജേണല് ഓഫ് ക്ലിനിക്കല് ന്യൂട്രീഷനില് പ്രസിദ്ധീകരിച്ച ഒരു പഠനത്തില്, ഉയര്ന്ന പ്രോട്ടീന് പ്രഭാതഭക്ഷണം കഴിക്കുന്നവര്ക്ക് മറ്റുള്ളവരെ അപേക്ഷിച്ച് ഭക്ഷണത്തോട് കുറഞ്ഞ ആസക്തിയും അനുഭവപ്പെടുന്നതായി കണ്ടെത്തിയിരുന്നു. മുട്ട, തൈര് പോലുള്ള ഭക്ഷണങ്ങള് ചേര്ക്കുന്നത് നമുക്ക് ആവശ്യമായ ഊര്ജ്ജം നല്കും.
ഭക്ഷണത്തിന് മുമ്പ് വെള്ളം കുടിക്കുന്നത് ശരീരഭാരം കുറയ്ക്കാന് സഹായിക്കും. വിര്ജീനിയ ടെക്കിലെ ഹ്യൂമന് ന്യൂട്രീഷന്, ഫുഡ്സ് ആന്ഡ് എക്സര്സൈസ് ഡിപ്പാര്ട്ട്മെന്റ് നടത്തിയ പഠനമനുസരിച്ച്, ഓരോ ഭക്ഷണത്തിനും മുമ്പ് 16 ഔണ്സ് വെള്ളം കുടിച്ച വ്യക്തികള്ക്ക് 12 ആഴ്ച കാലയളവില് 44% കൂടുതല് ഭാരം കുറഞ്ഞതായി കണ്ടെത്തിയിരുന്നു. വെള്ളം നമ്മുടെ വയര് നിറയ്ക്കാന് സഹായിക്കുന്നു. ഇത് മൊത്തത്തിലുള്ള കലോറി ഉപഭോഗം കുറയ്ക്കുകയും ചെയ്യുന്നു.
പഴങ്ങള്, പച്ചക്കറികള്, ധാന്യങ്ങള്, ലീന് പ്രോട്ടീനുകള് തുടങ്ങിയ മുഴുവന് ഭക്ഷണങ്ങളും പോഷകങ്ങളാല് നിറഞ്ഞതാണ്, സംസ്കരിച്ച ഭക്ഷണങ്ങളെ അപേക്ഷിച്ച് ഇവയ്ക്ക് കലോറി കുറവാണ്. സംസ്കരിച്ച ഭക്ഷണങ്ങളില് പലപ്പോഴും പഞ്ചസാര, അനാരോഗ്യകരമായ കൊഴുപ്പുകള്, ഉയര്ന്ന അളവിലുള്ള സോഡിയം എന്നിവ അടങ്ങിയിട്ടുണ്ട്. ഇത് ശരീരഭാരം വര്ധിപ്പിക്കുന്നതിന് കാരണമാകും.
ദിനചര്യയില് ശാരീരിക പ്രവര്ത്തനങ്ങള് ചേര്ക്കുക എന്ന് പറയുന്നതിന് ജിമ്മില് പോകണമെന്ന് അര്ത്ഥമാക്കുന്നില്ല. നടക്കുക, പടികള് കയറുക, പൂന്തോട്ടപരിപാലനം, നൃത്തം ചെയ്യുക തുടങ്ങിയ ലളിതമായ പ്രവര്ത്തനങ്ങള് കലോറി എരിച്ചുകളയാനും നമ്മുടെ മെറ്റബോളിസം വര്ധിപ്പിക്കാനും സഹായിക്കും. ആഴ്ചയില് കുറഞ്ഞത് 150 മിനിറ്റെങ്കിലും മിതമായ തീവ്രതയുള്ള എയറോബിക് പ്രവര്ത്തനം ശരീരഭാരം കുറ്ക്കാന് നല്ലതാണ്.
ശരീരഭാരം കുറയ്ക്കാനുള്ള ദിനചര്യകളില് ഗുണനിലവാരമുള്ള ഉറക്കം പ്രധാനമാണ്. ഉറക്കക്കുറവ് വിശപ്പിനെയും വിശപ്പിനെയും നിയന്ത്രിക്കുന്ന ഹോര്മോണുകളെയും തടസപ്പെടുത്തുന്നു. ഇത് ആസക്തിയും അമിതഭക്ഷണവും വര്ധിപ്പിക്കുന്നു.
Click it and Unblock the Notifications
Sign in with Google