ഡിന്നര് പുറത്ത് നിന്നാണോ? എങ്കില് ഈ പാനീയങ്ങള് കുടിക്കണേ, തടി കുറയും
ശരീരഭാരം കുറയ്ക്കുക എന്നത് ശ്രമകരമായ ജോലിയാണ്. നിങ്ങള് കഴിക്കുന്ന ഭക്ഷണത്തിന്റെ തരം മുതല് നിങ്ങള് എത്രത്തോളം ശാരീരിക പ്രവര്ത്തനങ്ങളില് ഏര്പ്പെടുന്നു, എത്ര ഗ്ലാസ് വെള്ളം കുടിക്കുന്നു എന്നത് വരെ ശരീരഭാരം കുറയ്ക്കാനുള്ള പ്രക്രിയയില് നിര്ണായകമാണ്. വീട്ടില് മാത്രമല്ല, നിങ്ങള് ഒരു റെസ്റ്റോറന്റില് ഭക്ഷണം കഴിക്കുമ്പോഴും ഈ പാരാമീറ്ററുകള് ട്രാക്ക് ചെയ്യേണ്ടത് അത്യാവശ്യമാണ്.
ഭക്ഷണം കഴിക്കുമ്പോള്, എന്താണ് ആരോഗ്യകരവും അല്ലാത്തതും എന്നതിനെക്കുറിച്ച് നമ്മില് പലര്ക്കും ഉറപ്പില്ല, പ്രത്യേകിച്ചും പാനീയങ്ങളുടെ വിഭാഗത്തിന്റെ കാര്യത്തില്. ശരീരഭാരം കുറയ്ക്കാനുള്ള യാത്രയിലാണ് നിങ്ങള് എങ്കില് ഇനി പറയുന്ന നോണ്-ആല്ക്കഹോള് ഡ്രിങ്കുകള് പുറത്ത് ഭക്ഷണം കഴിക്കാനായി പോകുമ്പോള് കുടിക്കുന്നത് നല്ലതായിരിക്കും.
കരിക്ക്
നമ്മുടെ മൊത്തത്തിലുള്ള ക്ഷേമത്തിന് അത്ഭുതങ്ങള് സൃഷ്ടിക്കാന് തേങ്ങാവെള്ളത്തിന് കഴിയും. ഇത് അവശ്യ പോഷകങ്ങളാല് നിറഞ്ഞതാണ്. മാത്രമല്ല കലോറിയിലും വളരെ കുറവാണ്. ഒരു ഗ്ലാസ് തേങ്ങാവെള്ളത്തില് ഏകദേശം 50 കലോറി മാത്രമേ അടങ്ങിയിട്ടുള്ളൂ. ഇത് ശരീരഭാരം കുറയ്ക്കാന് മികച്ചതാക്കുന്നു. കൂടാതെ, തേങ്ങാവെള്ളം മെറ്റബോളിസം വര്ധിപ്പിക്കാനും ദഹനത്തെ പ്രോത്സാഹിപ്പിക്കാനും സഹായിക്കുന്നു.
മസാല ലെമനേഡ്
ശരീരഭാരം കുറയ്ക്കാനുള്ള യാത്രയില് നിങ്ങള്ക്ക് റെസ്റ്റോറന്റുകളില് നിന്ന് കുടിക്കാന് കഴിയുന്ന മറ്റൊരു മികച്ച പാനീയമാണ് മസാല ലെമനേഡ്. ഇത് ആരോഗ്യകരവും രുചികരവുമാണ്. മാത്രമല്ല നിങ്ങളുടെ ഭക്ഷണത്തോടൊപ്പം നന്നായി ചേരും. എന്നാല് മധുര നാരങ്ങാവെള്ളം ഓര്ഡര് ചെയ്യുന്നത് ഒഴിവാക്കുക. കാരണം ഇത് കലോറിയുടെ അധിക ഉപഭോഗത്തിന് കാരണമാകും. ഒരു ഗ്ലാസ് മസാല നാരങ്ങാവെള്ളത്തില് 30 കലോറി മാത്രമാണുള്ളത്.
കരിമ്പ് ജ്യൂസ്
കരിമ്പ് ജ്യൂസിന് മധുരം ഉണ്ടെങ്കിലും കലോറി കുറവായതിനാല് നിങ്ങളുടെ ഭാരം നിയന്ത്രിക്കാന് കഴിയും. ഭക്ഷണത്തിലെ നാരുകളും ഇതില് കൂടുതലാണ്. അതിനര്ത്ഥം ഇത് നിങ്ങളെ കൂടുതല് നേരം പൂര്ണ്ണമായി നിലനിര്ത്തുകയും അമിതമായി ഭക്ഷണം കഴിക്കുന്നത് തടയുകയും ചെയ്യും. ഒരു ഗ്ലാസ് കരിമ്പ് ജ്യൂസില് ഉള്ള കലോറി 75 ആണ്.
കോള്ഡ് ബ്രൂ കോഫി
നിങ്ങള് കാപ്പി കുടിക്കാനുള്ള മാനസികാവസ്ഥയിലാണോ? എങ്കില് ഇതിലെ ഏറ്റവും മികച്ച തിരഞ്ഞെടുപ്പ് കോള്ഡ് ബ്രൂ ബ്ലാക്ക് കോഫി ആയിരിക്കും. ഈ പാനീയത്തില് ഏകദേശം 5 കലോറി മാത്രമേ ഉള്ളൂ. കോള്ഡ് ബ്രൂ ബ്ലാക്ക് കോഫിയില് അധിക മധുരപലഹാരങ്ങളോ ക്രീമുകളോ അടങ്ങിയിട്ടില്ല. ഇത് മറ്റ് ഇനം കാപ്പികളേക്കാള് മികച്ചതാണ്. അതിനാല്, ശരീരഭാരം കുറയ്ക്കാന് ഇത് സഹായിക്കും.
നാരങ്ങവെള്ളം
കലോറിയില് താഴെയുള്ള മറ്റൊരു നോണ്-ആല്ക്കഹോളിക് പാനീയം നാരങ്ങ വെള്ളമാണ്. ഇത് വീര്യം കുറഞ്ഞതും ഉന്മേഷദായകവുമാണ്. കൂടാതെ റെസ്റ്റോറന്റ് മെനുകളില് നിങ്ങള്ക്ക് എളുപ്പത്തില് കണ്ടെത്താനാകും. സാധാരണ വെള്ളം കുടിക്കാന് ബുദ്ധിമുട്ടുന്നവര്ക്ക് ഇത് ഒരു മികച്ച ഓപ്ഷനാണ്. നാരങ്ങയുടെ തുള്ളികള് വെള്ളത്തിന് നല്ല രുചി നല്കുന്നു
Click it and Unblock the Notifications
Sign in with Google