ലോകസുന്ദരി മാനുഷി ചില്ലറിന്റെ ചർമ്മം തിളങ്ങുന്നതിന്റെ രഹസ്യം അറിയണോ? വെളിപ്പെടുത്തി നടി

2017-ൽ മിസ് ഇന്ത്യ കിരീടം സ്വന്തമാക്കി ഇന്ത്യയുടെ അഭിമാനമായി മാറിയതാണ് മാനുഷി ചില്ലർ. 2000-ൽ പ്രിയങ്ക ചോപ്ര മിസ് വേൾഡ് ആയതിന് 17 വർഷങ്ങൾക്ക് ശേഷമാണ് മിസ് വേൾഡ് പട്ടം മാനുഷി ഇന്ത്യയിലെത്തിച്ചത്ത്. ഇൻസ്റ്റാഗ്രാമിൽ സജീവമാണ് നടിയും മോഡലുമായ മാനുഷി.

അടുത്തിടെയാണ് മാനുഷി ഒരു യൂട്യൂബ് ചാനൽ തുടങ്ങിയത്. തന്റെ തിളങ്ങുന്ന ചർമ്മരഹസ്യങ്ങൾ ചാനലിലൂടെ വെളിപ്പെടുത്തിയിരിക്കുകയാണ് മാനുഷി. ഈ ചാനലിലെ ആദ്യ എപ്പിസോഡിൽ, തന്റെ പ്രഭാത ദിനചര്യയാണ് അവർ വിശദീകരിക്കുന്നത്.

പ്രഭാത ദിനചര്യയിൽ മാനുഷി ആദ്യം ചെയ്യുന്നത് മുഖം കഴുകലാണ്. ക്ലെൻസർ ഒഴിവാക്കി വെള്ളം മാത്രമാണ് ഉപയോഗിക്കുന്നത്. "ഞാൻ വെള്ളം മാത്രം ഉപയോഗിച്ചാണ് മുഖം കഴുകുന്നത്," അവർ പറഞ്ഞു. വരണ്ട ചർമ്മമുള്ള തനിക്ക് രാത്രിയിൽ ഉത്പാദിപ്പിക്കുന്ന എണ്ണകൾ സ്വാഭാവിക തിളക്കം നൽകുമെന്ന് അവർ വിശദീകരിച്ചു. മുഖം കഴുകിയ ശേഷം ടവ്വൽ ഉപയോഗിച്ച് പതുക്കെ ഒപ്പിയെടുക്കുകയാണ് ചെയ്യുന്നത്.

അടുത്തതായി മുഖത്ത് തേൻ പുരട്ടുന്നു. "ഇത് ചർമ്മത്തിന് ജലാംശവും തിളക്കവും നൽകാൻ ഏറെ നല്ലതാണ്," മാനുഷി പറഞ്ഞു. സാധാരണ തേൻ ഉപയോഗിച്ച് മുഖം കഴുകാറുണ്ടെങ്കിലും, ഇത്തവണ സമയം ലഭിച്ചതിനാൽ മാസ്കായി അല്പനേരം വെച്ചു. ഈ സമയത്ത്, തനിക്കായി ഹൈഡ്രജനേറ്റഡ് വെള്ളം തയ്യാറാക്കി. ആൻ്റി-ഇൻഫ്ലമേറ്ററി ഗുണങ്ങൾ ഉള്ളതുകൊണ്ട് രാവിലെ ആദ്യം ഈ വെള്ളം കുടിക്കുന്നത് പതിവാണ്. ഇത് ആൻ്റിഓക്സിഡൻ്റുകളാൽ സമ്പന്നമാണെന്നും ഊർജ്ജം വർദ്ധിപ്പിക്കുമെന്നും അവർ കൂട്ടിച്ചേർത്തു.

തേൻ കഴുകിമാറ്റി മുഖം ഉണക്കിയ ശേഷം, മാനുഷി ഓസോണേറ്റഡ് ഗ്ലിസറിൻ പുരട്ടി. ഈ ഉത്പന്നത്തിന് ആൻ്റിബാക്ടീരിയൽ, ആൻ്റിവൈറൽ ഗുണങ്ങളുണ്ട്. "ഇത് ചർമ്മത്തിന് അത്യധികം ജലാംശം നൽകുകയും കോമെഡോജെനിക് അല്ലാതിരിക്കുകയും ചെയ്യുന്നു," മാനുഷി പറഞ്ഞു. വ്യായാമത്തിന് മുൻപ് കനത്ത സ്കിൻകെയർ ഉത്പന്നങ്ങൾ ഉപയോഗിക്കാൻ താൻ ഇഷ്ടപ്പെടുന്നില്ലെന്നും, ഓസോണേറ്റഡ് ഗ്ലിസറിൻ മുഖക്കുരു സാധ്യതയുള്ള ചർമ്മത്തിന് ഉത്തമമാണെന്നും അവർ വിശദീകരിച്ചു.

പ്രഭാത പാനീയത്തിനായി മാനുഷി അസ്കോർബിക് ആസിഡ്, അയഡിൻ, പൊട്ടാസ്യം ക്ലോറൈഡ്, മെഥിലിൻ ബ്ലൂ എന്നിവ വെള്ളത്തിൽ കലർത്തുന്നു. "ശ്രദ്ധിക്കുക, ഇതെല്ലാം എൻ്റെ ഡോക്ടർ നിർദ്ദേശിച്ചതാണ്, അതിനാൽ ആരും വീട്ടിൽ ഇത് പരീക്ഷിക്കരുത്," നടി മുന്നറിയിപ്പ് നൽകി. വ്യായാമത്തിന് മുൻപുള്ള തൻ്റെ രഹസ്യഭക്ഷണത്തെക്കുറിച്ച് മാനുഷി പങ്കുവെച്ചു. ചെറിയ അളവിൽ ദാൽ ചാവലും നെയ്യും കഴിക്കാനാണ് അവർ ഇഷ്ടപ്പെടുന്നത്. "വ്യായാമത്തിന് മുൻപ് എനിക്ക് വേണ്ട ശരിയായ അളവിലുള്ള കോംപ്ലക്സ് കാർബോഹൈഡ്രേറ്റും കൊഴുപ്പുമാണിത്. ഇത് മാന്ത്രികം പോലെ പ്രവർത്തിക്കുന്നു," അവർ പറഞ്ഞു.

ജിമ്മിൽ നിന്ന് തിരിച്ചെത്തിയാൽ, മാനുഷി ആദ്യം മുഖം വൃത്തിയാക്കുന്നു. തുടർന്ന് മോയിസ്ചറൈസർ, ഐ ക്രീം, അതിനു മുകളിൽ സൺസ്ക്രീൻ പുരട്ടുന്നു. ഇവ കഴിഞ്ഞ് രണ്ട് മിനിറ്റിനകം അവർ പെട്ടെന്ന് മേക്കപ്പ് ചെയ്യും. മാനുഷിയുടെ ദിനചര്യ, പ്രത്യേകിച്ച് ഔഷധഗുണമുള്ള വെള്ളം, അതേപടി പിന്തുടരരുതെന്ന് ഓർക്കുക. എന്നിരുന്നാലും, അവരുടെ ചില ചർമ്മസംരക്ഷണ നുറുങ്ങുകൾ നിങ്ങളുടെ ലക്ഷ്യങ്ങൾ നേടാൻ സഹായിച്ചേക്കാം.