നിങ്ങള്ക്കുമാകണോ കോടീശ്വരന്? ഈ ഒരു ശീലം പിന്തുടര്ന്നാല് മതി, സമ്പന്നനാകാം
സാമ്പത്തിക സ്വാതന്ത്ര്യവും സാമ്പത്തിക സുരക്ഷയും ആഗ്രഹിക്കുന്നവരാണ് നമ്മളില് ഭൂരിഭാഗം പേരും. എന്നാല് പലപ്പോഴും സ്ഥിര വരുമാനമുണ്ടായിട്ടും സാമ്പത്തികമായി സ്ഥിരത കൈവരിക്കാന് സാധിക്കാത്തവരാണ് പലരും. കൃത്യമായ ആസൂത്രണമില്ലായ്മയാണ് ഇതിന് പ്രധാന കാരണം. ഇപ്പോഴിതാ കോടീശ്വരനും എഴുത്തുകാരനുമായ ഡേവിഡ് ബാച്ച്, സമ്പന്നരാകാന് സ്വീകരിക്കേണ്ട ചില നുറുങ്ങുകളെ കുറിച്ച് തന്റെ ബ്ലോഗില് പങ്ക് വെച്ചിരിക്കുകയാണ്.
സ്ഥിര വരുമാനമുള്ളവരാണ് നിങ്ങളെങ്കില് ഓരോ ദിവസവും നിങ്ങള് സമ്പാദിക്കുന്ന വേതനത്തിന്റെ ഒരു മണിക്കൂര് ലാഭിക്കണം എന്നാണ് ഡേവിഡ് ബാച്ച് പറയുന്നത്. ഒരാള് അയാളുടെ വരുമാനത്തിന്റെ 14 ശതമാനമെങ്കിലും നീക്കിവയ്ക്കണം എന്നാണ് ബാച്ചിന്റെ അഭിപ്രായം. അമേരിക്കക്കാരനായ ഒരു വ്യക്തി 60 വയസ് വരെയുള്ള അദ്ദേഹത്തിന്റെ ജീവിതത്തില് ശരാശരി 90,000 മണിക്കൂര് (ഏകദേശം 35 വര്ഷം) ജോലി ചെയ്യും എന്നാണ് ബാച്ച് പറയുന്നത്.
അതിനാല് ദിവസത്തില് ഒരു മണിക്കൂറെങ്കിലും അവരുടെ വരുമാനം സൂക്ഷിക്കാന് അവര്ക്ക് കഴിയണം. ഒരു വര്ഷത്തിനുള്ളില് ശരാശരി അമേരിക്കക്കാരന് 1960 മണിക്കൂര് ജോലി ചെയ്യും. ഇത് അവരുടെ ജീവിതകാലത്ത് ഏകദേശം 78,400 മുതല് 90,000 മണിക്കൂര് വരെ എന്നതിന് തുല്യമാണ്. ഇതില് എത്ര മണിക്കൂര് നിങ്ങള്ക്കായി ചെലവഴിക്കും എന്നാണ് ഡേവിഡ് ബാച്ച് ചോദിക്കുന്നത്.
ഒരു വ്യക്തിയുടെ വരുമാനത്തിന്റെ ഭൂരിഭാഗവും നികുതി, വാടക, ആരോഗ്യ സംരക്ഷണം, ഭക്ഷണം, ക്രെഡിറ്റ് കാര്ഡ്, ഗതാഗതം എന്നിവയിലേക്കാണ് പോകുന്നതെന്ന് അദ്ദേഹം വിശദീകരിക്കുന്നു. ഇത്രയും ആവശ്യങ്ങള്ക്കുള്ള ചെലവ് കഴിഞ്ഞാല് മിക്ക ആളുകള്ക്കും സമ്പാദ്യത്തിന് ആവശ്യമായ പണം അവശേഷിക്കുന്നില്ല എന്നും അദ്ദേഹം ചൂണ്ടിക്കാട്ടി.
കോടീശ്വരന്മാരായ നിരവധി ക്ലയന്റുകള്ക്കൊപ്പം സാമ്പത്തിക ഉപദേഷ്ടാവ് എന്ന നിലയില് ജോലി ചെയ്തതിന് ശേഷമാണ് താന് കോടീശ്വരനാകാനുള്ള 'പവര് മണിക്കൂര്' പഠിച്ചതെന്ന് ഡേവിഡ് ബാച്ച് പറഞ്ഞു. ഈ ഉപഭോക്താക്കള് ഒരു ദിവസത്തെ ആദ്യ മണിക്കൂറിന്റെ ശമ്പളം അവര്ക്കായി സൂക്ഷിക്കാറുണ്ടെന്ന് ഡേവിഡ് ബാച്ച് കൂട്ടിച്ചേര്ത്തു.
ഇവരില് പലരും കമ്പനിയുടെ റിട്ടയര്മെന്റ് പ്ലാനിനായി സൈന് അപ്പ് ചെയ്തു. എന്നിട്ട് ഒരു അക്കൗണ്ട് തുറന്നു. ജീവിതത്തിലുടനീളം ഇതിലേക്ക് പണം നിക്ഷേപിച്ചു. ഒരു മാസത്തില് 25 ദിവസത്തേക്ക് പ്രതിദിനം 10 ഡോളര് ലാഭിക്കുന്ന ഒരാള്ക്ക് 8% പലിശയില് 35 വര്ഷത്തിനുള്ളില് 539,089 ഡോളര് ലഭിക്കും. 45 വര്ഷത്തിനുള്ളില് ഇത് 1,209,173 ഡോളര് ആകും. ഇത് നിങ്ങളെ ഓട്ടോമാറ്റിക് കോടീശ്വരന് പദവിയില് എത്താന് അനുവദിക്കുന്നു എന്നാണ് ബാച്ച് പറയുന്നത്.
Click it and Unblock the Notifications
Sign in with Google